နေရာ

နေရာ(၁)

ဖေဖေတို့ အလုပ်မှ ရာထူးတိုးရန် အလားအလာအကောင်းဆုံးသူများ အမည်စာရင်းမှာ ဖေဖေ့နာမည်လည်း ပါဝင်နေခဲ့သည် ဆိုသော ကောင်းသတင်းကြောင့် ဖေဖေ့ထက် ပို၍မေမေက တင်ကြိုပျော်ရွှင်နှင့်လေသည်

တကယ်တမ်း ရာထူးတိုးအော်ဒါ ထွက်လာသောအခါ ဖေဖေ့အမည် ကျန်ရစ်ခဲ့လျှင်တော့မေမေက ဖေဖေထက်ပင် ၀မ်းနည်းနာကျင် နေပြန်တော့သည်။

``အဲဒါ ရှင်ညံ့လို့……..´´

မေမေက ဖေဖေ့ကို ကြိတ်မနိုင်ခဲမရ အပစ်တင်လျှင်တော့ ဖေဖေ ဒေါသမွှန်တော့သည် ။

``ဘာ….အဲဒါ ငါညံ့လို့မဟုတ်ဘူးကွ။ သူတော်လို့….၊သူက တစ်နေရာမှာငါ့ထက်ပိုတော်နေလို့ဟေ့…။ သိပြီလား´´




နေရာ(၂)

ဖေဖေ့သူငယ်ချင်းမိသားစုတို့ ဒီဇင်ဘာကျောင်းပိတ်ရက်မှာချောင်းသာကမ်းခြေကို အပမ်းဖြေခရီးထွက်ကြမည် ဆိုသောအခါ သူတို့ နှင့်အတူ သားတို့ မိသားစုလည်းအတူလိုက်ပါရလျှင် ကောင်းလိမ့်မည်ဟု တွေးမိသည်။မေမေ့ထံ ပူဆာမိ သော အခါ…..

``ဒုတိယ နှစ်ဝက်စာမေးပွဲမှာ ပထမရလျှင် ပို့ပေးမယ်´
´
သား…မေမေမသိအောင် သက်ပြင်းခိုးရှိုက်မိသည်။

``ဒုတိယ လောက်ဆိုရင်ရော…………´´

မေမေကတော့….

``မရဘူး။ ပထမပဲ……….´´

နည်းနည်းမှ မလျှော့။ သားစိတ်ပျက်မိသည်။

``ပထမတော့ ရမှာ မဟုတ်ပါဘူးမေမေရော ။ အဲဒီဆုက သားတို့အတန်းထဲမှာ နေကုဋေခေါင်ပဲ အမြဲရနေကျ။ အဲဒါ…သူ့ဖို့ပဲထားတာ……..´´
``ဘာ………´´

မေမေကျုံးအော်လိုက်သောကြောင့် သားတောင် လန့်သွားရသည်။ပြီးမှတစုံတရာကို သတိရသွားဟန်ဖြင့်….

``အော်…အင်း….သူက တစ်နေရာပိုတော်လို့ရှိမှာပေါ့´´


(၂)

နေရာ(၃)


အခါတိုင်းဆိုလျှင်တော့ ပုံမှန်ထက် ငွေပိုပေးရသော ကားခေါင်းခန်းနေရာကိုမေမေ မျက်စောင်းထိုးလေ့  မရှိပါ။ဒီနေ့တော့ လိုင်းကားတွေ အဆက်ပြတ်ကာလာသမျှကားတွေကလည်း ခရီးသည် အပြည့်အသိပ်။ နံဘေးမှာ သားလည်းပါနေ တာမို့ခေါင်းခန်းဆီ မေမေခြေလှမ်းပြင်သည်။

``နေရာ မရှိတော့ဘူး အစ်မ´´

ဒရိုင်ဘာဘေးမှာ ခရီးသည် တစ်ယောက်မှ မတွေ့ရပါပဲ နေရာမရှိတော့ပါ ဆိုတော့မေမေ ဇဝေဇ၀ါ၊ ရှက်အမ်းအမ်းဖြင့် ခြေလှမ်းတုံ့ရသည်။

ထိုစဉ်မှာပင် အစ်မလှလှလေးနှစ်ယောက်က ခေါင်းခန်းနေရာလွတ်မှာမမေးမမြန်းပဲ စွေ့ကနဲဝင်ထိုင် လိုက်ကြတာတွေ့သည်။အဲဒီအစ်မတွေ အပြောခံရတော့မှာပဲ။

သားက မဆီမဆိုင် ပူပန်နေသော် လည်း သူတို့ အချင်းချင်းတော့အဆင်ပြေနေပုံပါပင်။

အိမ်အပြန်လမ်းတစ်လျှောက် မေမေကတဖျစ်တောက် တောက်နှင့် ဒေါပွလို့မဆုံး။သား…နားတွေ ညည်းအူလာတော့တာမို့…….

``မေမေကလည်း ….။အဲဒီအစ်မတွေက သားတို့ထက် တစ်နေရာမှာ ပိုတော်နေလို့ ရှိမှာပေါ့´´

အိမ်ရောက်တဲ့အထိ မေမေသားကုိ စကားမပြောတော့။ ။