ဧဒင်မှာ…..

 ထိုနေ့နံနက်ခင်းမှာ ရင်ခွင်ထဲသို့ ရောက်ရှိလာခဲ့သော အနီရဲရဲ နှင်းဆီပန်းစည်းကြီးကို အံ့သြပျော်ရွှင်စွာ ပွေ့ပိုက်လျှက် …

“ကျေးဇူးတင်လိုက်တာ လပြည့်ရယ်။ ပြီးတော့ လီလီ … ရှင့်ကို ချစ်လိုက်တာ”

                   မြူးပြစွာ တဆွဆွခုန်လျှက် သူ့လက်မောင်းတစ်ဖက်ကို ခိုတွယ်နွဲ့တာ နေခဲ့မိသေးတာ ဖြစ်သည်။ သူကတော့ အခါများစွာကအတိုင်း နူးညံ့ရွှန်းလက်သော မျက်ဝန်းတွေနှင့် လီလီ့ကို ချစ်နိုးစွာ စိုက်ကြည့်ကာ ခပ်နွေးနွေး ပြုံးနေခဲ့ရုံသာ။ လီလီက သူ့ကိုယ်စား နှင်းဆီပန်းရဲရဲကြီးတွေကို ခုံမင်နှစ်လိုစွာ ရှိုက်မွှေးပစ်လိုက်မိတော့သည်။

                   ရစ်ပတ်နှောင်တွယ်တတ်သော၊ စစ်မှန်သော အချစ်ကို ကိုယ်စားပြုနေသည့် နှင်းဆီနီရဲရဲက နှစ်ဆယ့်တစ်ပွင့်တိတိ။ အိုး.. ။ အဲဒီအဓိပ္ပါယ်ကို လီလီ သိနေသည်။ လပြည့်က လီလီ့ကို ထာဝရ သစ္စာရှိရှိ ချစ်နေမှာပါလို့ ဆိုလိုချင်တာ ဖြစ်မည်။

                   နှုတ်နည်းအေးဆေးသော လပြည့်က လီလီ့ကို ပန်းပွင့်တွေနှင့် မကြာခဏ စကားပြောတတ်လေ့ ရှိဖူးတာလေ။ လီလီကလည်း လပြည့်၏ ပန်းစကားတွေကို နားလည်နိုင်အောင် ကြိုးစားပမ်းစား လေ့လာ၊ မှတ်သားထားခဲ့ရတော့တာပေါ့။ ဥပမာ… နှင်းဆီပန်း တစ်ပွင့်တည်း ပေးလာလျှင် မြင်မြင်ချင်း ချစ်မိတယ်လို့ အဓိပ္ပါယ် ရတာ။ ပြီးတော့  ကိုယ် မင်းတစ်ယောက်ကိုပဲ ချစ်မှာပါ တဲ့။ နှစ်ပွင့်ဆိုလျှင်တော့ စွဲစွဲမြဲမြဲ ချစ်ကြစို့ တဲ့။ သုံးပွင့်ဆိုလျှင် I love you!

                    လပြည့်က နှင်းဆီ ခုနစ်ပွင့်ကို လီလီထံ နေစဉ်ပေးဆက်ခဲ့ဖူးသေးတာ ဖြစ်သည်။ အဲသည်စဉ်က လီလီ့အချစ်ကို သူ အရူးအမူး တောင်းခံနေခဲ့တဲ့ အချိန်ပေါ့။

                   လီလီ့ကို လက်ထပ်ခွင့်တောင်းမယ့်နေ့ကျရင် နှင်းဆီနီ တစ်ရာ့ရှစ်ပွင့်တိတိ  လက်ဆောင်းပေးကာ ခွင့်တောင်းချင်ပြန် သေးသည်တဲ့။ အဲဒီလပြည့်ဟာ အလွန် စိတ်ကူးယဉ်လှသူလည်း ဖြစ်သည်။ အဲဒါတွေကြောင့်လည်း လီလီ ရှင့်ကို မငြင်းရက်ခဲ့တော့တာ။ မချစ်ပဲမှလည်း မနေနိုင်ခဲ့တာ လပြည့်ရယ်။

လီလီက သူ့ကို  ကျီစယ်ချင်သေးသည်မို့…

 “လီလီက နှင်းဆီ အပွင့်တစ်ထောင်နဲ့မှ ရှင့်ရဲ့ လက်ထပ်ခွင့်ကို လက်ခံမှာ “

                   … ဆိုမိတော့

“အဲဒါဆို လီလီက ကိုယ့်ကို ပန်းဆိုင်ပြန်ဖွင့်ပြီး ကျွေးရတော့မှာ”

                   ….တဲ့။

                                                ***********

ဗယ်လင်တိုင်းဒေးဟု  အများက သတ်မှတ်ရင်ခုန်ကြသော တိမ်ပြာပြာ၊ နေသာနေ့ရဲ့ လမ်းမတွေ ပေါ်မှာ၊ ကားပေါ်မှာ၊ ပန်းခြံတွေမှာ အခါတိုင်းထက် အသွားအလာများ ပျားပန်းခပ်နေလျှက်..။ သို့ပေမယ့် လီလီကတော့ တစ်လောကလုံးမှာ လီလီတို့ နှစ်ယောက်တည်းသာ ရှိနေတော့သလို ထင်ယောင်ပျော်ရွှင်ကာ ကြည်နူးကျေနပ်နေမိခဲ့တာ ဖြစ်သည်။ ဘုရားပေါ်မှာလည်း သက်ရွယ်တူ လူငယ်ချစ်သူ စုံတွဲတွေ အများသားပေ။ လီလီတို့နှယ်ပင် အင်္ကျီ၊ ဘောင်းဘီ အရောင်၊ ဒီဇိုင်း ဆင်တူတွေနှင့်။ လူလတ်ပိုင်းအရွယ် စုံတွဲတစ်ချို့ကိုလည်း မြင်ရတတ်သေးသည်။ လီလီကတော့ လီလီနှင့် လပြည့်တို့၏ ရဲရဲပပ လင်းဖြာနေသော အသည်းနှလုံး ဒီဇိုင်းပုံပါသည့် ဆင်တူအင်္ကျီလေးကို သဘောအကျကြီး ကျနေမိကာ ဘုရားဝတ်ဖြည့်ရတာပင် စိတ်က မငြိမ်ချင်။

                   လီလီ့အာရုံထဲမှာ ချစ်သူများအကြား ခေတ်စားလှသော ‘လမ်းမခွဲကြေး ကတိစာချုပ်ကလေး’ ကလည်း အချိန် အတော်ကြာ နေရာယူနေခဲ့ဖူးတာ ဖြစ်သည်။ လပြည့်ကို အဲဒီ ဆိုင်ကလေးဆီ ခေါ်သွားရမည်။ ထိုစာချုပ်ကပ်ပြားလေးပေါ်မှာ လီလီတို့နှစ်ယောက် အပြန်အလှန်၊ ၀န်ခံကတိတွေ ထားကြမည်လေ။

                   ဆိုင်ကလေးဆီ မျှော်လင့်တက်ကြွစွာ လိုက်ပါလာခဲ့သော လပြည့်က…

 “ကိုယ်တို့နှစ်ယောက်ရဲ့ အကြိုလက်ထပ်စာချုပ်ကလေးလို စိတ်မှာ ထင်နေတယ်”

                   လီလီတစ်ယောက် ရင်ခုန်မြန်ရပြန်သည်။ အပြန်အလှန် ကတိစကားတွေနှင့် ကိုယ်စီလက်မှတ် ရေးထိုးအပြီးမှာတော့ လီလီတို့နှစ်ယောက်ဟာ ဟို ယခင်ကာလတွေကထက် ပိုမိုရင်းနှီးစေးကပ်လာခဲ့ပြီဟု ယုံကြည်မိတော့သည်။  ဘာ အကြောင်းကြောင့်မှ မခွဲချင်တော့ပြီ။

                                                **********

                   ကမ္ဘာဦးအစက အာဒံနှင့် ဧ၀တို့သည် လီလီတို့နှစ်ယောက်အဖြစ် ပြန်ဝင်စားလာကြပါသလားဟု လပြည့် ခွံ့ကျွေးလာသော ချောကလက်ကို မြံ့ဝါးလျှက် တွေးနေမိသေးသည်။ နေဦး..။ ချောကလက်မှာပါတဲ့ ဓါတ်တစ်မျိုးက အချစ်စိတ်ကို နိုးထစေတယ် ဆိုပါလား။ လပြည့်ပဲ ပြောခဲ့ဖူးတာ ဖြစ်သည်။  ဧဒင်ဥယျာဉ် တကယ်ရှိနေလျှင် လပြည့်နှင့်အတူဆို လိုက်ပါရဲသည့် သတ္တိထူးတို့ဖြင့် လီလီတစ်ယောက် မြူးကြွနေခဲ့သည်။

                   ဒါပေမယ့် ချစ်သူ့နယ်မြေသို့ ခြေချမိစဉ် ဧဒင်၏ အ၀င်ဝ မုဂ်ဦးသည်ပင် လီလီ မျှော်လင့်ထားသည်နှင့် ခြားနားလှကြောင်းကို ချက်ချင်း အသိဝင်သည်။ ပန်းရောင်စုံဖူးပွင့်လျှက် စမ်းချောင်းနံဘေးမှာ တေးသီးနေသော ငှက်ကျေးတို့လည်း ဘယ်မှာ ရှာမတွေ့ပြီ။ အဆောင်ဆောင်၊ အခန်းခန်းဖြင့် မွန်းကျပ်လှောင်အိုက်ချင်စရာ။ အလင်းယဲ့ယဲ့အောက်မှ မှိုင်းပြပြ ဧဒင်သည် လီလီမှတ်ထင်ထားသလို သာယာငြိမ်းချမ်းလျှက် ပျော်ရွှင်ကြည်နူးဖွယ် အတိ ရှိမနေနိုင်ခဲ့ပေ။

 သံသယငွေ့ငွေ့ဖြင့် လီလီ့ခြေလှမ်းများ တုန့်နှေးသွားခဲ့တာကို လပြည့်လည်း ရိပ်မိနားလည်နေမှာပဲ။ လီလီ့လက်ကို တွဲဆုတ်ထားတဲ့ လပြည့်ရဲ့ လက်တွေက တင်းကျပ်လာတော့သလို အနေခက်ရပြန်သည်။

                   ဘုရားရေ..။ ဧဒင်မှာ လီလီတို့ချည်းလည်း မဟုတ်ပါပဲ။ အာဒံ၊ ဧ၀တို့၏ ကိုယ်ပွား၊ ချစ်သူစုံတွဲတွေလည်း အများသားပေ။ ဒါပေမယ့် လီလီ မနှစ်မျို့နိုင်တာက သူတို့၏ မျက်ဝန်းတွေ၊ အပြုံးတွေကို ဖြစ်သည်။ ချစ်ခြင်းတွေနှင့်  နွေးမြမြ မိန်းမူးရင်ခုန်ဖွယ် နူးညံ့ရွှန်းလက်နေခဲ့မည် ထင်ခဲ့တာ။ ခုတော့ လူမြင်မခံဝံ့သော၊ လျှို့ဝှက်ထားသော အလျှံတစ်မျိုးဖြင့် လောင်မြိုက်ကာ ဆူဝေနေကြသည်လား။

လီလီသည် ဧဒင်ဧည့်ခန်းမှာ အရုပ်ကြိုးပြတ် ထိုင်ချလိုက်လျှက် နောင်တဖြင့် ပူပန်စပြုသည်။ ရှက်ရွံ့တုန်လှုပ်လျှက် ပြိုကွဲချင်နေခဲ့ပြီ။  

“လီလီ…”

                   ငိုင်ငိုင်ကလေး ငြိမ်တွေးနေမိလျှက် ပါးပြင်နှင့်  နီးးကပ်လွန်းလှသော ထွက်သက်နွေးနွေးကြောင့် ဖြုန်းခနဲ လန့်သွားသည်။

‘လီလီ ငြိမ်လှပါလား။ နေမကောင်းဘူးလား”

“အင်း…”

‘ ခေါင်းမူးလို့လား”

“အိမ်ပြန်ချင်တယ်”

                   လီလီက  အခွင့်ကောင်းကို နင်းလိုက်လျှင် လပြည့်၏ မျက်နှာနုနုက အပျက်ကြီး ပျက်လေသည်။ လီလီ့ကို အဲလို အကြည့်တွေနဲ့ မကြည့်ပါနဲ့ လပြည့်ရယ်။ လီလီ ရှင့်ကို အထင်မသေးချင်ဘူး။ မမုန်းချင်ပါဘူး။

“အိမ်ပြန်ရအောင် လပြည့်ရယ် နော်”

                   ဘုရားရေ…။ လီလီ  လူကဲခပ် မှားတော့မလား မသိ။ လပြည့်၏ နူးညံ့နွေးထွေးခဲ့ဖူးသော မျက်နှာရိပ်မှာ လီလီ တစ်ခါဖူးမျှ မကြုံဆုံခဲ့ဖူးသော သူတစ်စိမ်းတစ်ယောက်၏ အရိပ်တစ်မျိုး ဘယ်အချိန်ကတည်းက ဖြတ်သန်းသွားခဲ့ သလဲ။ နွေးထွေးနူးညံ့ဟန်ဆောင်ထားသော အပြုံးမြမြတို့သည်လည်း  လီလီ့အား အလိုလိုက်မည့်ဟန်လည်း  စွန်းစမထင်တော့ပေ။ လီလီသည် ထိုခဏငယ်မှာပင် ၀မ်းနည်းလျှက် တပြိုင်နက်မှာ ထိတ်လန့်သည်ထက် ထိန့်လန့်လို့ လာခဲ့တော့ပြီ။

မဖြစ်ဘူး။ လီလီ အပြင်းအထန် ငြင်းဆန်ရတော့မည်။ ကြည်ဖြူနှစ်လိုပြီးသား ချစ်သူနှစ်ယောက်ဟာ နံရံတစ်ချပ်ခြားထားသော အမှောင်ကမ္ဘာငယ်မှာ ဘယ်လောက်ကြာကြာ ဖြူစင်နိုင်ကြပါမလဲ။

‘’ဒီထိတောင် ရောက်လာပြီးမှကွာ။ ကိုယ် ဂျုစ်တစ်ခုခု သွားယူပေးမယ်လေ။ ခဏနေရင် ကောင်းသွားမှာ…”

                    လီလီ့ငြင်းဆန်စကားကို ဂရုစိုက်ဖော်မရပဲ ခပ်ပြုံးပြုံးဆိုစကားနှင့်အတူ လပြည့်တစ်ယောက် အပါးမှ ခွာသည်။ ညစ်ကျယ်ကျယ်ပြုံးတုံ့နေသော ကောင်တာမှ လူနှင့် တွတ်ထိုးနေစဉ်  လီလီ လှစ်ခနဲ နေရာမှ ထသည်။ နောက်ကြောင်းပြန်ပြေးရန် ခြေဟန်ပြင်လျှက် အပြေး…။ တစ်လှမ်း…။ နှစ်လှမ်း…။

 အင့်ခနဲ တစ်စုံတစ်ယောက်နှင့် မုဂ်ဦးအ၀င်ဝမှာ ၀င်တိုက်မိကာ  လူက လည်ထွက်သွားရလျှက်  ပုံလျှက်သား ပစ်လဲကျသွားရသည် ။ နာကျင်မှုကို အမှုမထားအား။ အားယူကာ ကုန်းထလိုက်ရင်း အနီးသို့ ရောက်လာသည့် အင်အား ကြီးမားပုံရသော တစ်ဖက်လူကို အငြိုးတကြီး မောကြည့်မိလျှင်..။

                   ဟင်ခနဲ မင်သက်မိလျှက် နေရာမှာ ကျောက်ရုပ်ဖြစ်သွားရသည်။ တစ်ဖက်ကလည်း လီလီအား မြင်တွေ့သွားတော့ကာ အံ့အားတသင့် တုန်လှုပ်လျှက်။

“ဖေဖေ…”

                   လီလီ့ စိတ်အတွေးထဲက အသံကို ဖေဖေ မကြားနိုင်ပါ။ ဖေဖေ့နံဘေးက မေမေ မဟုတ်သော ဖေဖေ့ ဧ၀မလေးကတော့ လီလီ့တို့ အဖြစ်ကို အနည်းငယ်မျှ ရိပ်စားမိဟန်မတူ။ လီလီ့အား ဖျတ်ခနဲ သာမန်မျှ တစ်ချက်ကြည့်ကာ ဖေဖေ့လက်မောင်းတစ်ဖက်ကို ယီးလေးခိုလျှက် ဧဒင်နန်းဆီ မျှော်မော စိတ်စောနေပြန်တော့သည် လား။    

“လီလီ…”

“လီလီ…”

                   လီလီ နောက်လှည့် မကြည့်ဖြစ်ပါ။ လပြည့်ပဲ ဖြစ်ဖြစ်၊ ဖေဖေပဲ ဖြစ်ဖြစ် ..လီလီ ဂရုမစိုက်ဘူး။ ပြီးတော့ အားလုံးကို လီလီမုန်းသည်။ သူတို့နှင့် အဝေးဆုံးကို လီလီ ပြေးပုန်းပျောက်ကွယ်သွားချင်ပြီ။

                   အရှိန်ပြင်းပြင်း မောင်းဝင်လာတဲ့ ကားတစ်စီး၏ အရိပ်က မျက်ဝန်းထောင့်မှာ ဖျတ်ခနဲ အရိပ်ထင်ရုံ။ ဒုန်းခနဲ မြည်ဟီးသံက ကျွီခနဲ ဘရိတ်အုပ်သံထက် စက္ကန့်များစွာ နောက်ကျသွားခဲ့ပေါ့ ။ လေထဲမှာ မြောက်တက်သွားသလို အသိမှောင်။ လီလီ့ရဲ့ နောက်ဆုံးအချိန်မှာ ရင်ဘတ်အစုံပေါ်  နှင်းဆီပန်းတွေ လာတင်မပေးကြဖို့  သူတို့အားလုံးကို မှာခဲ့ချင်သေးသည်။     ။

                                                                                                                 သတိုး

http://www.facebook.com/#!/tin.nwe1

ချစ်ခြင်းကို ဖွဲ့ဆိုခဲ့သော

 “ဘ၀မှာ အရူးသွပ်၊ အမက်မောဆုံး အလုပ်ကို ပြောပါဆိုလျှင် စာရေးခြင်းဟုသာ ကျွန်မ ပြောရမည်ထင်ပါသည်”

သူမအား လူချင်းမရင်းနှီးခင်၊ အွန်လိုင်း မသုံးတတ်ခင်ကတည်းက မဂ္ဂဇင်းစာမျက်နှာပေါ်မှ သူမ၏ ၀တ္ထုတိုကလေးတွေနှင့် ရင်းနှီးနေနှင့်ခဲ့တာ။ အွန်လိုင်းသုံးတတ်စ၊ အွန်လိုင်းစာမျက်နှာတွေဆီ လျှောက်လည်ဖွရှုပ်ရင်း သူမ၏ စာမျက်နှာဆီ မျက်စေ့လည် ရောက်ခဲ့ဖူးတာ။ နောက်တော့ မကြာခဏ သူမ၏ “မေဇူး၏ စိတ်ကူးအိမ်” စာမျက်နှာဆီ မကြာခဏ အလည်ရောက်ကာ ၀တ္ထုတိုကလေးတွေ ဖတ်ရှုအားပေးဖြစ်ခဲ့ပြန်တာ..။

စိတ်ခံစားမှု မှန်သမျှ စာရွက်များပေါ် သွန်ချရင်း အသက်နှစ်ဆယ် အရွယ်ကပင် မဂ္ဂဇင်းစာမျက်နှာများပေါ်မှာ ပုံနှိပ်မှတ်တမ်းတင်ခြင်း ခံခဲ့ရသော သူမအား ပထမဆုံး မေးဖြစ်သော မေးခွန်းမှာ မဂ္ဂဇင်းစာမျက်နှာပေါ်မှာ သူမ၏စာတွေ ဘာကြောင့် အတွေ့ရနည်းသွားတာလဲ ဟူ၍ပင်။ ဒီမေးခွန်းကို…

“အခြားသော အကြောင်းအရာများစွာတို့ ဦးနှောက်ကို ဖိစီးလာသည့်အခါ ငယ်စဉ်ကလို စာရေးမသွက်တော့ပါ။ ဒီလိုနှင့် ကျွန်မ၏ ၀တ္ထုများ စာမျက်နှာများပေါ်တွင် ကျဲပါးလာခဲ့တော့သည်” လို့ အမှာစာလေးမှာ ဖြေခဲ့ဟန်တူပါသည်။

သူမ၏ ထူးခြားမှုကတော့ တစ်ဖက်သားကို စိတ်ချမ်းသာစေတတ်တာ၊ ထာဝစဉ်ချိုရွှင်သော မျက်နှာထားဖြင့် တက်ကြွရွှင်လန်းလျှက် မည်သူ့ကို မဆို အကူအညီပေးရန် အသင့်ရှိနေတတ်တာပဲ ဖြစ်သည်။  ကြီးမားများပြားလှတဲ့ အလုပ်တာဝန်၊ ၀တ္တရားတွေကြားမှာ ခေါင်းမဖော်နိုင်အောင် နစ်မြုတ်နေသည့်ကြားမှ အခွင့်ရသည်နှင့် လူမှုရေးလုပ်ငန်းတွေမှာ မညည်းမငြူ၊ တက်ကြွရွှင်လန်းစွာ ပါဝင်ရင်း၊ စာပေ၀ါသနာပိုးကလေးကိုလည်း တယုတယမွေးမြူရင်း ၀တ္ထုတို လုံးချင်းစာအုပ်ကလေးတစ်အုပ်ကို သူမ ကြိုးစားဖန်းတီး နိုင်ခဲ့ပြန်ပြီ။ ထပ်တူ ၀မ်းမြောက်မျှော်လင့်မိခဲ့ကြပါသည်။

“ဘတ်ဒေး ဗယ်လင်တိုင်းနှင့် ချစ်ခြင်းဖွဲ့ ၀တ္ထုများ”

…တဲ့။ ၂၀၁၂ ခုနှစ် ဖေဖော်ဝါရီလ (၁၄) ရက်နေ့မှာ စတင် ဖြန့်ချီလိုက်သော သူမ၏ ၀တ္ထုတိုများသည် တကယ်ပဲ ဗယ်လင်တိုင်းဒေးနှင့် လိုက်ဖက်ပြေပြစ်စွာ ချစ်ခြင်းများဖြင့် ထုံမွှမ်းနေခဲ့ပါသည်။ မာတိကာမှာ ၀တ္ထုတို (၁၀) ပုဒ်ထဲတွေ့ရတော့ နည်းလိုက်တာဟု အားမလို ၊အားမရ တွေးခဲ့မိသေးသည်။ တကယ်ဖတ်သောအခါ ၀တ္ထုတို တစ်ပုဒ်ချင်းစီသည် လုံးချင်းဝထ္ထုရှည်ကြီးတစ်ပုဒ်စီနှယ်ပင် ရှည်လျားကွေ့ကောက်စွာ သက်ဝင်နစ်မျောရသော ဇာတ်လမ်းရှည်ကြီး တစ်ပုဒ်ပမာ ဖြစ်နေပြန်တော့သည်။

ပထမဆုံး တစ်ပုဒ်မှာ “ဝေးလွင့်လိပ်ပြာ” ။ ဗယ်လင်တိုင်းဒေးနောက်ခံ သုံးပွင့်ဆိုင် အချစ်ဇာတ်လမ်းတစ်ပုဒ် ဖြစ်သော်လည်း မာယာမပါ၊ လှည့်ဖျားခြင်းကင်းသော ချစ်ခြင်း၊ ပြီး.. အချစ်နှင့် ဝေးလွင့်ကွေကွင်းရခြင်းဆင်းရဲမှာ အပြုံးမပျက်စတမ်း နားလည်ခွင့်လွှတ်တတ်ကြသော၊ တစ်ဦးအပေါ် တစ်ဦး အလိုက်သိ၊ ဖြည့်ဆည်း ပေးတတ်ကြသော စိတ်နေစရိုက်ကလေးတွေကို ဖတ်ရှုခဲ့ရသည်။ ဂရုဏာဖြင့် မျက်ရည်သီဝေ့ချင်သော်မှ စာရေးသူက နူးညံ့ငြင်သာစွာ စာဖတ်သူအား ထွက်ပေါက်ပေး နှစ်သိမ့်ခဲ့သေးသည်။ စာရေးသူ၏ အောင်မြင်သော ၀တ္ထု၊ ဗွီဒီယိုအဖြစ် အသက်သွင်းခံရသည် အထိ တာသွားခဲ့သော ၀ထ္ထု ဖြစ်မည် ထင်ပါသည်။

ဒုတိယတစ်ပုဒ် “အရိပ်မဲ့ နှလုံးသား” ကတော့ မာနကြီးပြီး ထက်မြက်သော (သို့သော် ဘယ်သူမှ မမြင်သိ၊ နားမလည်နိုင်တဲ့ နှလုံးသားတစ်စုံကတော့ နူးညံ့သိမ်မွေ့စွာ)  မိန်းမသားတစ်ယောက် အချစ်၊ ဘ၀မျှော်လင့်ချက်၊ ခံစားချက်ပင်။

“မာနကို ဖက်တွယ်ရင်း ကျန်ရှိတဲ့ ဘ၀တွေကို ငါ ရင်ဆိုင်ရဦးမှာ”

..မာန်တင်းနိုင်ခဲ့တဲ့ မိုးပပက…

ဒိုင်ယာယီရီထဲမှာ သော့ခတ်သိမ်းဆည်းထားသော မျက်ရည်များနှင့်အတူ..

“ကျွန်မဘ၀ရဲ့ နောက်ဆုံး အချိန်လေးမှာပဲ ကျွန်မ အနားကို ‘ကို’ ရောက်လာရင် ကျေနပ်ပါပြီ”

…တဲ့လေ။ ကံဆိုးတာက သူမဘ၀ရဲ့ နောက်ဆုံး အချိန်က တကယ်ပဲ ကျရောက်ခဲ့သည်။ သူမရဲ့ ကို ကရော.. သူမထံ တကယ်ရောက်ခဲ့သလား။

 တတိယ တစ်ပုဒ်ဖြစ်သော "ပျောက်ဆုံးသွားသော အချစ်တစ်ခု" ကတော့ နှစ်ထောင့် တစ်ခုနှစ်မှာ ချစ်သူတွေ အဖြစ် လက်တွဲခဲ့ကြသူ၊ အခြေခံ လူတန်းစား ကောင်လေးနှင့် ကောင်မလေးတို့၏ မသိမသာ တဖြည်းဖြည်း ပြောင်းလဲလာသော ခံစားချက်၊ ဘ၀အမြင်၊ လက်ဆောင်၊ တွေးမြင်ဆုံးဖြတ်ပုံတွေကို ၂၀၀၁/ ၂၀၀၂/ ၂၀၀၃/ ၂၀၀၄/ ၂၀၀၅/ ၂၀၀၆/ ၂၀၀၇/ ၂၀၀၈ စသည့်ဖြင့် ခုနှစ်အလိုက် ဆစ်ပိုင်းပုံဖော်သွားသည်မှာ နှစ်သက်ဖွယ် ကောင်းလွန်းလှတော့သည်။

နောက်တစ်ပုဒ်ကတော့ "စတုတ္ထမြောက်အိပ်မက်" ဖြစ်သည်။ အိပ်မက်တွေနှင့် ပတ်သက်လျှင် အစွဲအလန်းကြီးသူ တစ်ယောက်၏ အချစ်၊ ဘ၀၊ ခံစားချက်ကို စိတ်ဝင်စားဖွယ်ရေးဖွဲ့ထားလျှက် အဆုံးသတ်မှာတော့ စာရေးသူက မေးခွန်းတစ်စဖြင့် စာဖတ်သူကို မဆုံးတမ်း အတွေးထွေပြားစေရပြန်တော့သည်။

"လမ်းခွဲ.". ... ။ အံသြသွားသည်။ အချစ်နောက်ခံ မဂ္ဂဇင်း ၀တ္ထုတို တစ်ပုဒ်အတွက် စာရေးသူ၏ အရင်းအနှီးကား ကြီးမားလွန်းသည်ဟု ဆိုချင်သည်။ သူမ၏ အားထုတ်မှုကိုလည်း လေးစားရပါသည်။ စာရေးသူရွေးချယ်သော နောက်ခံမှာ ကျွန်တော်တို့နှင့် မစိမ်းလှသော မြစ်ဝကျွန်းပေါ်၊ ပုဇွန်မွေးမြူရေးကန်များ အကြောင်းဖြစ်သည်။  သို့သော် ကျွန်တော်တို့ သူမလောက် နှိုက်နှိုက်ချွတ်ချွတ် မလေ့လာ မိခဲ့၊ မသိပါ။ စာရေးသူ ဖန်တီးထားသော ဇာတ်ကောင် မိန်းကလေးမှာ M.Sc (Zoogloy ) နှင့် ကျောင်းပြီးသူ၊ နည်းပြဆရာမလုပ်ရန် ရည်ရွယ်စောင့်ဆိုင်းရင်း ပုဇွန်မွေးမြူရေးလုပ်ငန်းမှာ အလုပ်ဝင်ဖြစ်၊ နိုင်ငံခြားပညာတော်သင်အဖြစ် ပင်ပန်းတကြီး၊ နေပူထဲပြေးလွှား ပညာသင်ယူကာ နူးညံ့အေးဆေးသော ရုပ်ရည်နှင့်မလိုက် တက်ကြွလှုပ်ရှားသော၊ ထက်မြက်သော ၊ ကိုယ်စွမ်းကိုယ်စ ရှိသော နာမ၀ိသေသနတို့ဖြင့် ရုပ်လုံးကြွနေပါသည်။ ဇာတ်ကောင်၏ လှုပ်ရှားပြုမူပုံ၊ ခံစားချက်၊ ဆုံးဖြတ်ချက်များမှာ လေးစားနှစ်သက်စရာ....။ လုံးချင်းဝတ္ထုတစ်ပုဒ်အဖြစ် တစိ့်စိမ့် ခံစားဖတ်ရှုချင်စရာ ကောင်းလွန်းလှတော့သည်။

မျက်ရည်ခံ မှဲ့ကလေး ကိုယ်တိုင်ပိုင်ဆိုင်ထားသော်လည်း အစွဲအလန်းမထားချင်သော၊ အယူသီးသူများကိုလည်း ဆန့်ကျင်တော်လှန်ချင်သော အရွဲ့တိုက်ချင်စိတ်နှင့် ကောင်မလေး ‘မေပန်းဖူး’ အကြောင်း “သက်မဲ့ဆူး၏ နှောင်ဖွဲ့ခြင်း”

အသက်အရွယ်၊ အတွေ့အကြုံအရ ခံစားချက်တွေ ပြောင်းလဲခါးသီးလာတတ်တာ..။ ရင်ခုန်စွဲလန်းလှသော ဗယ်လင်တိုင်းဒေးဟာ ခုတော့လည်း…။ ဘတ်ဒေးဗယ်လင်တိုင်း ထဲက ဇာတ်ကောင် အိမ့်သဲပြည့် ကတော့ နေ့စွဲတွေကို မုန်းတယ်…တဲ့လေ။

နောက်…  GTI ကျောင်းကြီးနောက်ခံ အတိတ်ပန်းချီ…။

နောက်… အဆင်ခြင်မဲ့ မိုက်မှားကျူးလွန်မှုအတွက်  နောင်တတရားက ကျိန်စာသဖွယ်ဖြစ်ကာ ဘ၀တစ်လျှောက်လုံး ခံစားပေးဆပ်နေရရှာသော မေးစိုးသူ ၏ခင်ပွန်း။ သူ့အကြောင်း၊ သူ့ဒဏ်ရာများအတွက် “ကျိန်စာ”

”တွေ့ခွင့်မကြုံ

ဆုံခွင့်မရ

ဘ၀ချင်းပင် ဘယ်လိုဝေးစေဦးတော့

သူ.. ရှိနေသေးတယ်ဆိုတဲ့

အသိလေးနဲ့သာ…”

…ကဗျာလေးနဲ့ သက်မှူးညီညီ ဆိုသော မိန်းခလေး၏ ခရစ်စမတ်နောက်ခံ ဇာတ်လမ်းလေးသည်လည်း ဆွံ့ပျံ့ဖွယ်ရာပင်။

ဝတ္ထုတို (၁၀) ပုဒ်ထဲဟု အားမရချင်သလို ဖြစ်ခဲ့ရသော ဒီဝတ္ထုတိုစု စာအုပ်ကလေးသည် တစ်ပုဒ်ဖတ်ပြီး ခဏနား၊ စဉ်းစားရင်း တွေးတောရင်း၊ ရင်ခုန်စွာ နှစ်သက်မိရင်း အားရကျေနပ်ခဲ့ရပြန်သည်။ ထပ်ဆင်ပြောလိုသေးသည်မှာ ‘လမ်းခွဲ’  ၀တ္ထုတိုပင် ဖြစ်သည်။ ကျွန်တော်တစ်ယောက်တည်း၏ ခံစားချက်အရ ဤစာအုပ်တွင်ပါရှိလာသော ၀တ္ထုတိုအားလုံးအနက် အကောင်းဆုံး ၀တ္ထုတိုဟု သတ်မှတ်ချင်တော့သည်။ ထိုပြင် လမ်းခွဲ ကို တင်ဆက်မှု ပုံစံတစ်မျိုးဖြင့် အားပါးတရ ထပ်မံခံစား အားပေးချင်မိပါသေးသည်။ စာဖတ်သူများလည်း ဖတ်ဖြစ်လျှင် ကျွန်တော်နှင့် အကြိုက်ညီကြမည် ထင်မိပါ၏။

မမေဇူးသည် မအားလပ်သော တာဝန်များကြားမှ ယခုကဲ့သို့သော ထိရှနက်ရှိုင်းသည့် ခံစားမှု တစုံတရာပေးစွမ်းသော ၀တ္ထုတို အသစ်ကလေးတွေ ထပ်မံရေးဖွဲ့လာဦးမည်ဟုလည်း မျှော်လင့်လျှက် ဆက်လက်အားပေးနေပါဦးမည်။ မမေဇူး ဆက်လက်ချီတက် အောင်မြင်ပါစေကြောင်း ဆုမွန်ချွေလျှက်…..

MMG မောင်နှမများနှင့် မမေဇူးသို့ ချစ်ခင်စွာ….

                                                                                             ကိုသတိုး

လက်ဆောင်

“ဖေဖော်ဝါရီ ဆယ့်နှစ်ရက်နေ့က ပြည်ထောင်စုနေ့လေ…”

“ဖေဖော်ဝါရီ ဆယ့်သုံးမှာ ဗိုလ်ချုပ်မွေးနေ့ပါ …”

ပြုံးမြရွှင်သွက်လှတဲ့ ဟန်ပန်လေးနှင့် စကားတီတာဆိုတတ်လှသော ချစ်စဖွယ်ကောင်မလေးသည် ဗယ်လင်တိုင်းဒေးကိုလည်း ရင်ခုန်မျှော်လင့်တတ်သေးသူ ဖြစ်သည်။ ချစ်သူနှင့် အတူ နေရာအနှံ့ လျှောက်လည်ချင်သေးသည်တဲ့။ ချစ်သူပေးသော လက်ဆောင် တစ်ပွေ့တစ်ပိုက်ကို မက်မောစွာ ငံ့လင့်လျှက်ရှိသည် ဟုလည်း ပွင့်လင်းစွာ ၀န်ခံပြီးဖြစ်လေသည်။ ပြီး ကြည်နူးဆွံ့ပျံ့ဖွယ်ရာ ကော်ဖီဆိုင် တစ်ဆိုင်ဆိုင်မှာ ခေါင်းချင်းဆိုင်ကာ တွတ်ထိုးချင်ပြန်သတဲ့။

“ကိုယ် အဲဒီနေ့မှာ သွားစရာ တစ်ခုရှိနေတယ်”

…ဆိုလျှင်တော့ နှုတ်ခမ်းစူချင်ပြီ။

“ဒါဆို ဒီလို လုပ်ရအောင်လေ…”

“ဘယ်လိုမှ မလုပ်နဲ့။ ကိုကို့ကို မုန်းလိုက်ပြီ”

“ဟာ… ဘယ်တုန်းက…”

“အခုပဲ”
ပြောပြီး ခြေဆောင့်ကာ လှည့်ထွက်ရန် ခြေဟန်ပြင်တော့ပြီ။ ဒါပေမယ့် ထိုကောင်မလေးသည် စိတ်ဆိုးစိတ်ကောက်မြန်ဆန်သလောက် ချော့မော့သည့်အခါ အလွယ်တကူ စိတ်ပြေကြည်လင်လာတတ်ပြန်တာ ကျွန်တော့်အဖို့ ကံကောင်းလှပါသည်။ ထိုနေ့ရောက်ခဲ့လျှင်လည်း နှင်းဆီနီနီ ပန်းစည်းကြီးကို ကျေနပ်ပျော်ရွှင်စွာ၊ တယုတယပွေ့ပိုက်ကာ ချောကလက် မြုံ့ဝါးမပျက်ပဲ…

“ကိုကို သွားချင်တဲ့ဆီ သွားလို့ရပါပြီ။ ဒါပေမယ့် လုံမေကတော့ ကိုကိုနောက် တကောက်ကောက် လျှောက်လိုက်နေမှာပဲနော်။ ကိုကို မခေါ်လည်း လိုက်မှာပဲ”

ညစ်ကျယ်ကျယ် ဆိုနေပြန်ရာ ကျွန်တော် ပြုံးမိရသည်။

“ကိုကိုကလည်း လုံ့ကို အတူခေါ်သွားချင်တာပါ။ လုံ လိုက်ချင်ပါ့မလား မသေချာလို့သာ မခေါ်ဖြစ်ခဲ့တာ”

“အခုကစပြီး သေချာလိုက်တော့”

ကျွန်တော်က ရွှီခနဲ လေတစ်ချက်ချွန်လိုက်တော့ လုံက ပြုံးစစ မျက်စောင်းဝင့်သည်။

မြို့ထဲမှာ တုန်းကတော့ ကျွန်တော့်ပခုံးကိုင်ကာ ကြည်နူးပြုံးမြနေခဲ့သော လုံသည် အရာအားလုံးကို မထေမဲ့မြင် မေ့လျော့နေသလား ထင်ရသည်။ ဆိုင်ကယ် တစ်ချက် အခုန်မှာတော့ ကျောက်ခင်းလမ်းကြမ်းကို သတိပြုမိသွားတောပြီ။ သတိမထားမိခဲ့သော ပတ်ဝန်းကျင်မြင်ကွင်းများ၏ ပြောင်းလဲမှု၊ နုံချာမှုတို့ကိုလည်း သတိထားမိသွားရကာ ဇဝေဇ၀ါ ဖြစ်နေပြန်တော့သည်။

“ကိုကို ဘယ်သွားနေတာလဲ”

ကျွန်တော် ပြန်မဖြေပဲ လည်ပြန်ပြုံးပြလိုက်သည်။ လုံသည် တစ်စုံတစ်ရာအား သတိတရ လန့်ဖျတ်သွားဟန်ရှိလာတော့ကာ…

“ကိုကို… ကိုကို… လုံ့ကို ခိုးလာတာ မဟုတ်ပါဘူးနော်”

ကျွန်တော်က သဘောတကျ တဟားဟားရယ်လေ လုံကြောက်လာလေဖြစ်နေသည်။

“ကိုကို လုံတောင်းပန်တယ်နော်။ လုံ…လုံ ကြောက်လို့ပါ။ အဲလို မဟုတ်ဘူး မို့လားဟင်”

နောက်ကြည့်မှန်မှတဆင့် လှမ်းမြင်တွေ့နေရသော လုံမျက်နှာလေးက သနားကြင်နာချင်စရာ ကောင်းနေခဲ့ပါသည်။

ကျွန်တော့်ပခုံးကို ကျော်၍ကြည့်ကာ ဆိုင်ကယ် ရှေ့ခြင်းထဲမှ သစ်သီးနှင့် မုန့်၊ အချိုရည်ပုလင်းတွေဆီ အကဲခတ်နေပြန်သည်။

“ကိုကို့ကို ယုံယုံကြည်ကြည်နဲ့ လိုက်ခဲ့ပါ လုံရယ်။ ရောက်တော့ သိမှာပေါ့။ ဒီ ရှေ့နားလေးတင်ဆို ရောက်ပြီ်”

လုံ ယုံကြည်ပုံမရပါ။ ကျွန်တော့်မျက်နှာအား မရအရ လှမ်းကြည့် အကဲခပ်နေပြန်သည်။ လက်ထဲမှာ အမြတ်တနိုး ပွေ့ပိုက်ထားဆဲ ပန်းစည်းကြီးကိုလည်း ယောင်ယမ်းကာ လွှင့်ပစ်မိတော့မယောင်။

“လုံ… ပန်းစည်းကြီး လွတ်ကျကျန်ခဲ့ ဦးမယ်နော်”

ပတ်ဝန်းကျင်ရှိ ခြံဝန်းကျိုးကျဲနှင့် တဲသာသာ အိမ်ကလေးတွေက လုံ့အဖို့ စိမ်းသစ်နေဟန်ရှိပါသည်။

“ဒီဘက်တွေကို လုံ တစ်ခါမှ မရောက်ဖူးဘူး”

…ဟုလည်း ရိုးသားစွာ ၀န်ခံရှာပါသည်။ ခြံဝန်းတစ်ခုဆီ လှမ်းဝင်လိုက်သောအခါ လုံသည် ဆုတ်တွဲထားသော လက်တွေကို ဆောင့်ရုန်းပစ်လေကာ ခြံဝမှာ ခြေစုံရပ်နေတော့သည်။

“လာပါ လုံရဲ့။ ဒါ.. ကိုကို့ ဘော်ဒါတစ်ယောက် နေတဲ့ခြံပါ။ ခြံထဲမှာလည်း သူ တစ်ယောက်တည်း…”

ပြောလေမှ လုံ့မျက်နှာသည် ပြိုလုမိုးနှယ် ဖြစ်ရတော့သည်။

“ကိုကို… အကြံဆိုးပဲ။ လုံ ကိုကို့ကို မုန်းမိတော့မယ်”

လုံ့ မျက်ဝန်းမှ မျက်ရည်စ တချို့ကြောင့် ကျွန်တော် နောင်တရချင်လာခဲ့ပါသည်။ တကယ်ဆို ကျွန်တော်နှင့် လုံတို့က နှစ်ဘက်မိဘ ကျေနပ် ကြည်ဖြူပြီး ချစ်သူတွေ ဖြစ်ပါသည်။ နှစ်ယောက်စလုံး အလုပ်အကိုင် အတည်တကျနှင့် နှစ်ကိုယ်တူနေ့ရက်တွေအတွက် ကြိုးပမ်းဆဲ ကာလမို့သာ လက်ထပ်ရက်ကို ရွှေ့ဆိုင်းထားခဲ့ကြတာ မဟုတ်လား။

“ကိုကို လုံ့ကို အိမ်ပြန်ပို့ပါနော်”

ကျွန်တော့် နှုတ်ခမ်းများက ဖွင့်ဟ၀န်ခံလု ဆဲဆဲ…

“ဟော.. လူကလေးလား။ သူငယ်ချင်းပါ ပါလာတာလား။ အိမ်ထဲခေါ်ခဲ့လေ”

ခပ်အုပ်အုပ် ဆူညံသံကို အဖိုးက ကြားနှင့်နေခဲ့ပြီ။ အသက် ရှစ်ဆယ်နားနီးနေပြီ ဖြစ်သော်လည်း အဖိုးက ကျန်းမာသည်။ သတိလည်း ကောင်းသည်။ သို့ပေမယ့် တစ်ကြိ်မ် ချော်လဲပြီး ခြေတစ်ဖက်ကျိုးအက်ခဲ့ဖူးသော အဖိုးက ချိုင်းထောက်ကလေး အားပြုကာ ခြံဝန်းထဲမှာသာ ကျင်လည်နေရရှာသူမို့ စိတ်ကတော့ အားငယ်နွမ်းလျနေခဲ့ဖူးတာ။

“မချမ်းသာပေမယ့် အဖိုးတစ်ယောက်စာတော့ သူတို့ သဒ္ဒါကြပါတယ် လူကလေးရဲ့။ ဒါပေမယ့် ဒီခေတ်က အိမ်ရှိလူကုန် တစ်နေကုန် အိမ်ကထွက်ပြီး ရုန်းကန်နိုင်မှ ၀မ်းဝရုံ ရှိတာ မဟုတ်လား။ ကလေးတွေက ကျောင်းနဲ့ ကျူရှုင် ကူးရင်းနဲ့ မိုးလင်းမိုးချုပ် အလုပ်ရှု့ပ်၊ အဖေနဲ့ အမေက အလုပ်မှာ နေကုန်နေခမ်း၊ အိမ်ပြန်ရောက်တော့လည်း တီဗွီရှေ့မှာ တန်းစီ အပမ်းဖြေကြရင်း အိပ်ယာဆီ တန်းဝင်ကြပြန်တော့ အဖိုးကလည်း အလိုက်သိရတာပေါ့။ ဘုရားစင်နဲ့ အိပ်ယာ ကူးချည်သန်းချည်ပေါ့။ ဒီလို နေရတာပဲလေ…”

အားလပ်ရက်တချို့တိုင်း ကျွန်တော် အရောက်လာမည်ဆိုတော့ နားမလည်နိုင်ခြင်းများစွာဖြင့်……..

“လူကလေးက အဖိုးနဲ့ အဖော်လာနေပေးမယ်ဆိုတာ ဘာအတွက်လည်း”

ကျွန်တော်တို့ သူငယ်ချင်းတစ်စု၏ home care အစီအစဉ်အကြောင်းပြောပြလျှင်တော့ အဖိုးတစ်ယောက် ၀မ်းသာကြည်နူးမှု မျက်ရည်တွေ သီဝေ့လျှက် သာဓု အထပ်ထပ်ခေါ်ခဲ့သေးတာ ဖြစ်သည်။

“…. အဖိုး တစ်ယောက်တည်းလည်း နေတတ်ပါပြီ။ တစ်ခါတစ်လေတော့လည်း ကိုယ့်ရင်ထဲမှာ ပြောစရာလေးတွေရှိတတ်တာပေါ့။ တစ်ယောက်ယောက်ကို ပြောပြချင်တာပေါ့။ ဒါပေမယ့် ကိုယ့် အသက်အရွယ်က ကြောင်အိုတော့ ကြွက်မလေး ဆိုသလို ဖြစ်နေပြီ မဟုတ်လား။ အလိုက်သိတတ်ရတာပေါ့။ အမှန်အတိုင်း ၀န်ခံရရင်တော့ ကိုယ်လက်မအီမသာ ဖြစ်လာလို့တောင် ကိုယ့်ဘာသာ ဆေးပေးနေရတဲ့ ဘ၀ဆိုတော့ နည်းနည်းတော့ အားငယ်တယ်။ လူလေး ရောက်လာမှ စကားပြောဖော်ရတော့ ၀မ်းသာနေတာ။ ကျေးဇူးလည်း တင်တယ်”

ကျွန်တော် ရောက်လာမယ့် အားလပ်ရက်တွေကို မျှော်နေရှာတတ်တဲ့ အဖိုးက အိမ်အ၀င်ဝမှာ ခြေတစ်ဖက်တွဲလဲချလျှက် ထိုင်ကာ ဆိုင်ကယ် စက်သံကို နားစွင့်နေလေ့မြဲ။ ခုလည်း ကျွန်တော့် ဆိုက်ကယ်စက်သံကြားကတည်းက အိပ်ယာဆီမှ ဖင်ရွှေ့တရွတ်ဆွဲကာ အိမ်ရှေ့ထွက်လာတာ ဖြစ်မည်။ အဖိုး၏ မျှော်လင့်ချက်ဖြင့် ဖော်ရွေပျူငှာနေသော မျက်ဝန်းဝေသီတို့အား လုံတစ်ယောက် လှမ်းငေးနေဆဲ….

“သူက မလိုက်ချင်ဘူး လုပ်နေတယ် အဖိုး”

ကျွန်တော်၏ မချိုမချဉ် အပြုံးကို အဖိုးနားမလည်သော်လည်း လုံတစ်ယောက်တော့ တဖြည်းဖြည်း ရိပ်မိနားလည်လာဟန်ဖြင့် အဖိုးထံ ခပ်ဆဆ ခြေလှမ်းများဖြင့် တိုးလှမ်းသွားပါသည်။

"အဖိုးအတွက် မိတ်ဆွေအသစ် ခေါ်လာပေးတာ။ သူ့နာမည်က လုံမေပျိုတဲ့ အဖိုး"

လုံကလည်း...

“ဟက်ပီး ဗယ်လင်တိုင်းပါ အဖိုး”

ပန်းစည်းကြီး လက်ထဲရောက်လာသည့်တိုင် အဖိုးက လုံ့စကားကို နားလည်ဟန်မရှိတာ ရိပ်မိသွားလျှင်တော့ လျှာတစ်လစ်နှင့် ပခုံးတွန့်သည်။ ပြီး... အဖိုးအား နွေးထွေးစိတ်ရှည်စွာ ပြုံးပြနေလျှက်…

“’ဒီနေ့က ကိုယ် ချစ်တဲ့၊ ခင်တဲ့သူတွေကို လက်ဆောင်ပေးတဲ့နေ့လေ အဖိုးရဲ့။ ဒါကြောင့် လုံတို့က အဖိုးအတွက် လက်ဆောင်လာပေးကြတာ။ လုံက အဖိုး ပျော်ရွှင်ပါစေလို့လည်း ဆုတောင်းပေးတာ”

အဖိုးနှင့်အပြိုင် နှစ်လိုကြည်နူးစွာ ပြုံးမြနေသည့်တိုင် လုံက ကျွန်တော်ထံ မျက်စောင်းလှလှတွေ ပစ်လွှတ်လို့ပဲ မဆုံးတော့နိုင်။ ။

သတိုး

ရိပ်ကြီးခိုလျှင်…………..

                                   

                                                                                               

                တာလမ်းက ဖုံနေအောင် ကောင်းလှသည်။ တရုတ်ဆိုင်ကယ်လေးက ငြိမ့်နေအောင် ပြေးသည်။ တာတစ်ဖက်မှာ ရွေးမြစ်ပြင်ကျယ်ကြီးက တပြန့်တပြော ရေလွှာသင်ဖြူးခင်းနေသည်။။ မုန်တိုင်းဆင်ပြီးစမို့ မောနွမ်းငြိမ်သက်နေသလိုမျိုး၊ မဟုတ်လျှင်လည်း မကြာခင် မုန်တိုင်းလှိုင်းကြမ်း ဆင်တော့မည်မို့  အားယူကာ ဆင်ကြံ ကြံနေသလိုမျိုးဟု မကြည်လင်သော စိတ်အခံနှင့် တွေးမိသေးသည်။

                        တာအတွင်း ရွာကလေးတွေကိုတော့ ငယ်ငယ်က ဖြတ်သွားဖြတ်လာ ရင်းနှီးနေသလို စိတ်မှထင်သည်။ ထင်းစုတဲ့။ ကန့်ဘလာငူတဲ့။ ကိုယ်သွားချင်သည့် ကြာနီကန်ကျေးရွာကတော့ တာလမ်းနှင့် ဝေးလှမ်းသည်။ ငယ်ငယ်က နွေကျောင်းပိတ်ရက်တိုင်း အလည်ရောက်ဖူးနေကျမို့ အုန်းပင်စုစုကို လှမ်းမြင်ရုံနှင့် မှတ်မိနေသည်။ အဲသည်စဉ်ကတော့ ကြာနီကန်ချောင်းနှင့် ရွေးမြစ်ကို ရေကျော်ချောင်းကလေးက ဆက်ပေးထားသည်။ ရေ၀က်ကျချိန်လောက်အထိ လှေ၊ သမာန်တွေ ဖြတ်လို့ရသေးသည်။ ရေစစ်ချိန်တွေမှာတော့ ရေကျော်ချောင်းကို မည်သည့်ရေယာဉ်မှ ကူးဖြတ်မရနိုင်တော့။ ခုတော့ ငယ်ငယ်က ချွေးဒီးဒီးကျအောင် လှေဖြင့် လှော်ခတ်ခဲ့ရသော ရေကျော်ချောင်းကလေးလည်း ကောခဲ့ပြီ။ လွင်ပြင်ငယ်လေး ဖြစ်နေခဲ့ပြီ။

ကြာနီကန်ကျေးရွာနှင့် ကပ်လျှက် သွတ်မိုးပြောင်ပြောင် ဘုန်းကြီးကျောင်းနှင့် နေအိမ်တန်းများကတော့ မိဦးကျေးရွာ။ လွန်ခဲ့လျှင်တော့ လွန်ချောင်း။ ရှေ့မှာ ဥက္ကံ၊ ပျဉ်ထောင်တွင်း။

                        ဟိုတုန်းက တစ်ရွာနှင့်တစ်ရွာ ကူးလူးသွားလာချင်လျှင် လှေဖြင့်သာ လှော်ခတ်သွားကြရတာဖြစ်သည်။ မြစ်ချောင်းတွေ ခြားနေတာ မဟုတ်လား။ တာလမ်းပတ်လိုက်သောအခါ ချောင်းတွေလည်း တာအတွင်းသို့ ရောက်ကာ ကောကုန်ပြီ။ နွေအခါ ကုန်းကြောင်းခြေကျင်လမ်းပေါက်ခဲ့ပြီ။ ပတ်လမ်းတာကြီးကို မြေပြန်ဖို့ပြင်ဆင်ပြီးသောအခါ ဆိုင်ကယ်၊စက်ဘီး၊ဒိန်းဒေါင်းတွေကအစ ကားကြီးပါ မကျန် သွားလမ်း၊လာလမ်း သာခဲ့ကြတော့ပြီ။ ကောင်းလေစွ..။

                        သို့ပေမယ့် ငယ်ငယ်က ရွေးမြစ်နံဘေး ကမ်းနှင့်နီးနီး ကပ်သီကာ ရေဆန်၊ လေဆန် လှေခတ်သွားခဲ့ဖူးတာလည်း လွမ်းစရာကောင်းလှပါသည်။ ရွေးမြစ်ကမ်းနံဘေးက လမု၊ လဘ၊ သမှည့်၊ ဗိုင်းတောင့်၊ သခွတ်၊ ကန့်ဘလာစသော ဒီရေတောတန်းတွေလည်း ခုခါ မရှိတော့ပြီ။ လမုပန်းဖူးလေးတွေပြုတ်၊  ငါးပိချက်ချဉ်ချဉ်၊စပ်စပ်ကလေးနှင့် တို့မြုတ်စားရလျှင် ထမင်းမြိန်လှတာ။ ကန့်ဘလာသီး၊ လမုသီးမှည့်တွေကလည်း ငါးပိဖျော်နှင့် လိုက်ဖက်လှသည်ပင်။ ငယ်ငယ်က လတာပြင်မှာ ကန့်ဘလာသီးမှည့်၊ လမုသီးမှည့် ကောက်ခဲ့ဖူးတာ၊ ကန့်ဘလာသီးချဉ်ချဉ်၊ လမုသီးချဉ်ချဉ်တို့ကို ရှုံ့ရှုံ့မဲ့မဲ့၊ မက်မက်မောမော စားခဲ့ဖူးတာ ခုပြန်တွေးလျှင်တောင် ခု သွားရည်ယိုတုန်း။ ပါးတွေ ကျဉ်တက်လာတုန်း။

                        ဗိုင်းတောင့်သီးရှည်မျောမျောတွေကိုလည်း ကလေးဘ၀ကတော့ အလွန်သဘောကျသည်။ သူ့အညှာနှင့် သီးတောင့်ရှည်ကလေးကိုက အမြင်ဆန်းကာ လိုက်ဖက်နေတာဖြစ်သည်။ ဗိုင့်တောင့်ပင်ရဲ့ ထူးခြားမှုကတော့ သူ့အမြစ်တွေက မြေပြင်ပေါ် ပင်စည်တစ်ဝက်နီးပါးမှ စတင်ထွက်နေတာပဲဖြစ်သည်။ အသွယ်သွယ်ကားနေသော ဂါဝန်ဖားဖားလေး ၀တ်ထားသလိုမျိုး ။ အမေက ဗိုင်းတောင့်မြစ်ကို ပုလင်းဖုံးဖော့ဆို့လုပ်ပေးရန် အဖေ့ကို ပူဆာတတ်သည်။

                        သမှည့်သီးကတော့ အသည်းပုံလေးမို့ ကဗျာဆန်လှသည် ထင်ရသည်။ သမှည့်သီးမှည့်ချိန်ဆိုလျှင် ထမင်းဝိုင်းမှာ ငါးတန်လတ်လတ်ဆတ်ဆတ်ကိုချက်သော ဟင်ရံပွဲကို အငွေ့တလူလူ၊ ချိုအီနေအောင် စားရတတ်သည်။ ငါးတန်တွေ၏ အစာက သမှည့်သီးတွေ ဖြစ်နေသည်ကိုး။

                        မဒမတို့၊ ကနစိုတို့လို အပင်တွေကတော့ ရွေးမြစ်အောက်ဖက်ဆီမှာ ပေါက်ရောက်နေသေးသည်ဟု အဖေက ပြောဖူးသည်။ အပင်ကို မမြင်ဖူးသော်လည်း ကိုယ်တို့အိမ်ခြံဝန်းကို မဒမသား နီရဲရဲတွေနှင့် ၀န်းခတ်ထားသောကြောင့် သိနေသည်။ ကနစိုမျောသား ဖြောင့်ဖြောင့်တွေကလည်း အိမ်အချင်တန်းအဖြစ် သုံးကြတာ သိသည်။ ပြီးတော့ သင်ပေါင်းသားကတော့ ရွာမှာ မီးဖိုချောင်၊ ဘိနပ်ချွတ် အခင်းအဖြစ်သုံးကြရသည်။ သင်ပေါင်းပင်က ဆူးတွေကားနေသည်တဲ့။ အဖေ့မိတ်ဆွေတွေ ထင်းလှေပြန်အ၀င်တိုင်း သင်ဖောင်းဖူးတွေ လက်ဆောင်ပေးလာတတ်သည်။ သင်ပေါင်းဖူး အူတိုင်နုနုလေးတွေက အစိမ်းအတိုင်း စားလျှင်လည်း ချိုလှသည်။ များများစားလျှင် ၀မ်းဖောတတ်သည်ဟု အမေက ဟန့်သည်။ အမေ့အလစ်စောင့်ကာ ခိုးစားရသည်။ သင်ပေါင်းဖူးက ငရုပ်စပ်စပ်နှင့် ဟင်းချက်လျှင်လည်း ထမင်းမြိန်လှသည်ပင်။ အချိုချက်ပြန်လျှင်လည်း ဆိမ့်ဆိမ့်ကလေး အလွန်စားကောင်းလှတာဖြစ်သည်။ ရေလုံပြုတ်ကာ ငါးပိရည်နှင့် အတို့အမြုတ် လုပ်စားတော့လည်း ခေါင်းမဖော်နိုင်။ သင်ပေါင်းပိုးကတော့ ရတောင့်ရခဲ့ဖြစ်သည်။ ရွှေဝါရောင်သန်းနေသော လှုတ်တွန့်တွန့် သင်ပေါင်ပိုးမှာ အူယားစရာကောင်းလှသော်လည်း ထမင်းဦးပေါင်းထဲ ထည့်နှပ်ရုံနှင့် ချိုအီစိမ့်သက်နေတာမို့ ထမင်းနှင့်နယ်စားလျှင် ဆီမလို။ ဆားကလေး ပြက်သိကာဖြူးရုံမျှနှင့် ပြည့်စုံပြီ။ သင်ပေါင်းသီးတွေရလျှင်တော့ ကစားစရာ အသစ်အဆန်းပဲ ဖြစ်သည်။ သင်ပေါင်းသီးက ပန်းခိုင်ကားကားကြီးလို အလွန်လှသည်။ အစိမ်ရောင့် ရင့်ရင့်။ မှည့်လာလျှင် လိမ္မော်ဝါရောင် တောက်တောက် ဖြစ်သည်။ လတ်လတ်ဆတ်ဆတ် စားလျှင် စေးထန်းထန်း တစ်မျိုးအရသာပင်။ အခွံကတော့ ဖန်တွတ်သည်။

                        ငယ်ငယ်က ရွာကို အလည်ရောက်ဖြစ်တိုင်း ဒီရောက်တောထဲဝင်၊ ထင်းခွေရတာ စိတ်လည်းညစ်၊ ပျော်လည်း ပျော်ခဲ့ကြသည်။ လတာပြင်မှာ ဒူးကောက်ခွက်နစ်နေသော ရွှံ့ဗွက်ရုန်းရတာ တောသားတွေလောက် ခရီးမတွင်။ သူရို့တော့ ခရာဆူးတောထဲလည်း ခပ်ရဲရ၊ဲ တဖျောင်းဖျောင်း ဖြတ်နင်းလျှောက်သွားနေကြတာပင်။ ကိုယ်ကတော့ ရှေ့မှာကွယ်ကာနေသော ခရာဆူးပင်ကလေးကိုပင် ရွရွကလေးကိုင်ဖယ်ကာ ဖွဖွကလေးလှမ်းနေပြန်သည်မို့ သူတို့အဖို့ ရယ်ပွဲဖွဲ့စရာ ဖြစ်ခဲ့ဖူးသည်။ ကိုယ်က ခရောင်းတောတိုးရတာ စိတ်ပျက်သော်လည်း ဆူးပန်းပွင့် ခရမ်းဖျော့ကလေးတွေကိုတော့ ချစ်သည်။ ညှာတံအဖြူပိုင်းလေးတွေကို စုတ်ယူလျှင် လျှာဖျားမှာ ချိုမြမြအရသာ အတွေ့ကိုလည်း ကြိုက်သည်။ ပြီး ကြက်ဖသီးဟု ခေါ်ကြသော ခင်မွန်သီးလေးတွေသည်လည်း ငှက်ကလေးတွေ ပုံသဏ္ဍာန် ချစ်စရာကောင်းလှသလို စားလို့ အလွန်ချိုပြန်သည်။ ကျီးသေရွက်ကိုတော့ အရသာ မခံတတ်။ သူရို့ ရွာသားတွေကတော့ ကျီးသေရွက်၊ ကျီးသေသီး အားလုံးကို တို့စရာ လုပ်နေကြပြန်တာပင်။

 သမှည်ကိုင်းခြောက်တွေကို ထင်းခွေကြပြန်လျှင်လည်း ကိုယ့်ထင်းစည်းကလေးက ခပ်သေးသေးပင်။ သို့သော်လည်း ထင်းစည်းသေးသေးလေးကို ထမ်းကာ လာလမ်းအတိုင်း တောတိုးပြန်ထွက်ရတာ သေချင်စော်နံနေတော့ပြီ။ သူရို့ကတော့ ထင်းစည်းကြီးတွေ ပခုံးပေါ်စွေ့ကနဲထမ်းတင်ကာ ရှေ့ကနေ ပြေးနေသလားတောင် ထင်ရသည်။ ခုတော့ထင်းရှားလို့ဆိုပြီးညည်းကြ၊ငြူကြသံရွာလုံးညံနေပြီ။

                        ဒီတောထဲမှာ ပျော်စရာ ကောင်းတာကတော့ ကဏန်းချိတ် လိုက်ရတာပဲ ဖြစ်သည်။ ကိုယ်တို့ ကြီးတော်(ကိုယ်တို့ အားလုံးက အမေ့ဘက်မှ အစ်မမို့ ကြီးကြီးဟုခေါ်ကြသည်။ ) တစ်ယောက်က ကဏန်းချိတ်အလွန်တော်သူဟု နာမည်ကြီးလှသည်။ ကဏန်းချိတ်ထွက်ကြသူချင်းအတူတူ သူတကာထက် သူက ကဏန်းပိုရလေ့မြဲ။ ကြီးကြီးက သူ့ကဏန်းတွင်းတွေကို ကိုယ့်အမှတ်အသားနှင့်ကိုယ် မှတ်သားထားတတ်သည်တဲ့။ သူဘာသာ ရက်ပတ်တွက်မှတ်သားထားကာ အလှည့်ကျ နှိုက်ယူနေတာ ဖြစ်သည်။ ကြီးကြီး၏ ကဏန်းချိတ်ပညာကိုတော့ ကိုယ်တွေ့မို့ အံ့သြအားကျခဲ့ဖူးသည်။ ကဏန်းတွင်း တစ်တွင်းမြင်သည်နှင့် ကဏန်းရှိနေသလား၊ မရှိတော့ဘူးလား အတတ်သိသည်။ဘယ်လောက်ကောက်ကွေ့နေသောကဏန်းတွင်းဖြစ်ပါစေ တွင်းထဲသို့ သံချိတ်ကောက်ကလေးနှင့် တစ်ချက်နှစ်ချက် ထိုးချိတ်ဆွဲယူလိုက်ရုံနှင့် ကဏန်းက သူ့သံချိတ်ကို လက်မနှင့် ညှတ်လျှက် ပါလာပြီးသား။ ထိုသို့မဟုတ်ပါကလည်း သံချိတ်နှင့် အသာကလေး တွင်းအပြင်ရောက်အောင် ချိတ်ဆွဲထုတ်နိုင်ခဲ့တာပင်။ လက်မကြီးတကားကားနှင့် သူ့အသက်အန္တရာယ်ကို ခုခံကာကွယ်နေဟန်ရှိသော ကဏန်းကောင်ကို သူတကာတွေလို လက်မကို သံချိတ်လက်ကိုင်နှင့် လှမ်းရိုက်ချိုးပြီးမှ ဖမ်းတာမျိုး ကြီးကြီးက လုပ်လေ့မရှိပါ။ ကဏန်းကောင်ကို လက်မ ပုံမပျက်အောင်  သူ့လက်နဲ့ပဲ ကျင်လည်လှပစွာ ဖမ်းနိုင်သူ ဖြစ်လေသည်။ ကြီးကြီးကို အားကျအတုခိုးကာ သူများ သံချိတ်နှင့် ချိတ်ထုတ်ပေးသော ကဏန်းကောင်ကို လက်နှင့် ဖမ်းဖူးသည်။ ဒေါသချောင်းချောင်းထွက်နေသော ကဏန်းကောင်က ကိုယ့်လက်မကို သူ့လက်မနှင့် ညှတ်လိုက်ရာ မလွှတ်တော့။ နာလိုက်သည်ဖြစ်အင်မှာ ဆိုဖွယ်ရာ မရှိ။ စိတ်ကြီးသောကဏန်းကောင်က မလွှတ်တော့ သူ့လက်မကို ကိုယ်နှင့် တခြားစီဖြစ်အောင် ရိုက်ချိုးပစ်ပြီးမှ သွားနှင့်ကိုက်ဖြုတ်ယူခဲ့ရသည်။ နှစ်ရက်ခန့် အော်ငိုနေရတော့သည်။

                        ကဏန်းက အန္တရာယ်ပြုတတ်သော်လည်း အရသာ အလွန်ရှိသည်။  လသာရက်တွေမှာတော့ အခွံများကာ လမိုက်ရက်တွေမှာ အသားပြည့်နေတတ်သည်။ ပြုတ်စားလျှင်လည်း ကောင်းသည်။ ကန်စွန်းရွက်၊ တောင်သလဲရွက်နှင့် ချဉ်ရည်ဟင်းချက်စားလည်းပဲ မရိုးနိုင်။ ကဏန်းဦးနှောက်ကို ထမင်းပူပူနှင့် ဆီဆမ်း၊ ဆားဖြူးစားခဲ့ဖူးသည့် အရသာကို တော့ ခုထိ မမေ့နိုင်သေး။

                        ငယ်ငယ်က တောတိုးခဲ့ဖူးသော ဓနိပင်တန်းတွေလည်း မရှိတော့ပေ။ တာပတ်လိုက်သောအခါ ရေငန်တွေ ချိုကာ ဓနိပင်တွေလည်း သေကုန်ပြီ ထင့်။ တာအပြင်ဘက်မှာလည်း ပုဇွန်ကန်တွေ အပြိုင်းအရိုင်းမို့ ဓနိတောပြုန်းရပြန်တော့သည်။ ငယ်ငယ်တုန်းက ကိုယ်တို့မြို့သားတွေအတွက် ၀ါးကျဉ်ထောက်အသစ်နှင့်ခံယူကာ  နံနက်စောစောယူလာပေးသော ဓနိရည်ချိုချိုကို လွမ်းလှတော့သည်။ ထိုဓနိရည်ချိုကို မီးအပူပေးကြိုကာ သကာရည်အဖြစ် ကောက်ညှင်းကြိုးဖြတ်လုပ်ကျွေးကြပြန်တော့လည်း အကြိုက်တွေ့ခဲ့ဖူးသည်ပင်။

                        ရွာကို နံနက်စောစောရောက်လျှင် ကောက်ညှင်းပေါင်းပူပူလေးကိုဆုတ်ကာ ငါးပိကင်မွှေးမွေးနှင့် စားချင်မိသည်။ ဒါပေမယ့် ရွာမှာ ကောက်ညှင်းမစိုက်ကြတော့ဘူး ထင်ရဲ့။ လသာသာမှာ မုန့်ဆန်းထောင်းကြသော ဆုံသံမကြားရတာတောင် ကြာလှပြီဟု ရွာကလူတွေ မြို့သို့လာစဉ် ပြောသံကြားဖူးသည်။

                        ရွာကလေးလည်း အတော်ပြောင်းလဲနေပါပြီ။ ဒီရေအတက်အကျ ရှိသော ချောင်းကိုခွကာ ဟိုဘက်ကမ်း၊ ဒီဘက်ကမ်း ခွဆောက်ထားသော တဲကလေးတွေက မပြောင်းလဲဟု ထင်ရသော်လည်း ချောင်းရေက သေနေပြီ။ ချောင်းကောရေတိမ်ဖြစ်လာကာ ရေအရောင်က စိမ်းညစ်ညစ်။

                        ငယ်ငယ်က တက်ချည်ဆင်းချည် ပြေးဆော့ခဲ့ဖူးသော မီးသွေးဖိုတွေကတော့ အုတ်ပုံ အပြိုအပျက်များအဖြစ် မြို့ဟောင်းကလေးလို ဖြစ်နေပြီ။ အဲဒီတုန်းက ချောင်းကမ်းနံဘေးမှာ ထင်းပုံကြီးတွေ ဟီးထနေခဲ့ဖူးတာ မှတ်မှတ်ရရ ရှိလွန်းလှသည်။ ထင်းသမာန်ကြီးတွေကလည်း လက်ညှိးထိုးလို့ မလွဲနိုင်အောင်ပင် ချောင်းလယ်မှာ စီတန်းလျှက် ကျောက်ချရပ်နားနေခဲ့တာ မဟုတ်လား။ ရွှေဌေးမြင့်၊ လှမြတ်ကေသီ၊ ချမ်းသာကြီး စသည့်ရန်ကုန်သွားမည့် သင်္ဘောကြီးတွေက ညနေတိုင်း ရောက်လာဆိုက်ကပ်တတ်သေးသည်။ မီးသွေးဖိုတွေက မီးသွေးအိတ်တွေ ၀ိုင်းတင်ပေးလိုက်ကြသည်။ လွှဲငွေတွေ ရေတွက်ရင်း အမေကတော့ ပျော်ရွှင်နေတတ်သည်။ မီးသွေးအလုပ်သမားတွေ၊ အလုပ်သမတွေကတော့ အမြဲတမ်း ပုံဖမ်းမရအောင် မည်းနက်နေခဲ့ကြတာ။ သူတို့လည်း အလုပ်မှာတော့ စကားဖောင်ဖွဲ့မပျက် မီးသွေးအိတ်ထည့်ရင်း၊ အိတ်တွေ ပြန်ချုပ်ရင်း ပျော်နေကြတာပဲ။ ထင်းကျည်ထောက်တွေ အိမ်အပြန်ပေးလိုက်လျှင် ဆွေ့ဆွေ့ခုန်နေပြီ။ ဒါပေမယ့် နောက်ပိုင်းတော့ အမေက ထင်းကျည်ထောက်တွေအား အလုပ်သမားတွေကို မပေးတော့။ အမေမှ မဟုတ်။ ဘယ် ဖိုသူကြီးမှ ထင်းကျည်ထောက်တွေ အလုပ်သမားကို မပေးနိုင်ကြတော့။ အမေပြောတော့ ထင်းကျည်ထောက်က အရင်လို မပေါများတော့ဘူးတဲ့။ ဈေးကောင်းလည်း ရနေပြီ မဟုတ်လား။ ထင်းလှေသူကြီးတွေကလည်း တောမှာ ထင်းရှားလာပြီဟု ခြူသံပါအောင် ညည်းငြူကြတာ ကြားဖူးလှပြီ။

 အဖေအပါအ၀င် မီးသွေးဖို ပိုင်ရှင်အားလုံးက အရင်ကတော့ မဒမ၊ မြင်းက မှ မဟုတ်လျှင် မီးသွေးထင်းလို့ မှတ်ခဲ့ကြတာ မဟုတ်။ ခုတော့ လမု၊ လဘ၊ ကန့်ဗလာ၊ သစ်ပင်မှန်သမျှ ထင်းအဖြစ် သတ်မှတ်ရတော့ပြီ။ နောက်တော့ အပင်ကြီးမှ မဟုတ်။  လမု၊ လဘ အပင်အနုပေါက်လည်း မငြင်းဆန်နိုင်ကြတော့။ တချို့ကတော့ လယ်ရိုင်းတွေဆီတက်ကာ မြေကြီးအတွင်း နစ်နေသော မဒမ အမြစ်ငုတ်တွေကို ပေါက်တူးနှင့် တူးဆွဖော်ယူကာ ထင်းမီးသွေးအဖြစ် အသွင်ပြောင်းရသည်အထိ ဖြစ်လာကြတော့ပြီ။ ကိုယ်တိုင် လက်ပမ်းကျချိန်ရောက်မှ နောက်က သစ်တောကို မျှော်ကြည့်ဖို့ သတိရတော့ နောက်ကျလွန်းနေခဲ့ပြီ။ ခါးလည်သာသာ လမုပင်၊ ကန့်ဘလာပင် ကျိုးကျဲသာ ယိုင်ယဲ့ယဲ့ ကျန်တော့သည်။ ကိုယ့်အရပ်ဟာ ပင်လယ်နှင့် နီးလွန်းလှတာ သိပင်သိငြား ပင်လယ်ဘယ်မှာ မမြင်ဖူးကြသော အဖြစ်မှ ပင်လယ်ကို တိုးလျှိုပေါက် လှမ်းမျှော်ကြည့်လို့ ရနိုင်လာတော့ပြီ။ ကားဆီးထားသော သစ်တောတွေ မရှိတော့ပြီလေ။

                        နေ့စဉ် ရွှေဥ ဥပေးနေသော ငန်းကို တစ်ချက်တည်း ရိုက်သတ်စားသူ၏ အဖြစ်ကမှ တော်ဦးမည်။ ဘ၀စဉ်ဆက် မှီခိုနေလာသော သဘာဝတရားကြီးကို ကိုယ်တို့တွေ တစ်ကိုယ်စာ သက်ရှင်ရပ်တည်နိုင်ရုံ မျက်တောင်တဆုံး အတွေးတိမ်တိမ်နှင့် တစ်ယောက်တစ်လက် ၀ိုင်းဝန်းဖျက်ဆီးခဲ့လိုက်ကြတာ။ ကမ္ဘာကျော် ပင်လယ်လှိုင်းကြီးက အဆီးအတားမဲ့ ခဏအတွင်း ကျော်လွှားခုန်ပျံကာ ကုန်းမြေပေါ်အလွယ်တကူလွှမ်းဖုံးလာလေမှ နောက်တရချင်မိတော့ နောက်ကျလွန်းခဲ့ပြီ။  အသက်အိုးအိမ်များစွာ ရင်းနှီးပေးဆပ်လိုက်ရပြန်တော့ တုန်လှုပ်ခြောက်ခြားရကောင်းမှန်း သိကြပြီ။ သဘာဝတရားကြီး၏ ဒဏ်ခတ်မှုက ပြီးဆုံးခဲ့ပြီထင်ရသော်လည်း ရာသီဥတုတွေ မမှန်သေး။ အခါမဲ့ မိုးတွေ ရွာသွန်းတတ်လာသည်။ မိုးရာသီလည်းပဲ နေကျဲကျဲ ဆာဟာရငယ် ဖြစ်နေတတ်ပြန်တာ။ မုန်တိုင်းသတိပေးချက်တွေကလည်း တစ်နှစ်တာလုံး ကြားနေရပြန်တော့တာ..။

“အဲဒါတွေလာပြောနေရအောင်မင်းက ဘာများလုပ်ပေးနိုင်လို့ တုန်း”

                        ကြီးကြီး၏ သားအကြီးဆုံး၊ သားသမီ်း ငါးယောက်၏ ဖခင်၊ ၊ မြေး တစ်ကျိပ်ခြောက်ယောက်တို့၏ အဖိုး၊ ကိုယ်တို့ အစ်ကိုက ငေါ်တော်ငေါက်တောက် ဆိုလာတော့ရုတ်တရက်နှုတ်တုန့်ဆွံ့အသွားရသေးသည်။

“ ကျွန်တော် တစ်ယောက်တည်းတော့ မတတ်နိုင်ဘူးပေါ့ဗျာ။ ကျွန်တော်နဲ့ အတူတူ အားလုံး၊ အားလုံး…”

“မင်းနှယ်ကွယ်။ အားအားလပ်လပ်…”

                        စကားမဆုံးမီကိုယ်တို့ မရီးက ခေါင်းဖြူစွယ်ကျိုးမှ အားမနာ သန်းဥစမ်းရင်း မဲ့ရွဲ့ပြသည်။

“ဟာ.. အဲလို လက်လွတ်မပြောကြနဲ့ဦးဗျာ။ ဒီမှာ..”

လည်ချောင်းတစ်ချက်ရှင်းလိုက်သည်။ နောက်တော့ သတိတရ သောက်ရေ တစ်ဖန်ခွက် တောင်းရပြန်တော့သည်။ ကိုယ် စကားတွေ အများကြီး ဆက်ပြောချင်သေးသည်လေ။ ရာသီဥတုကလည်း ပူလွန်းလိုက်တာ ဟူး…။

                         

                                                                                                               သတိုး