Monday, November 14, 2011

အဆုံးမဲ့ နိဂုံး (ဇာတ်သိမ်း)

http://consciouslifestyles.files.wordpress.com/2011/09/stop-violence-agains-women.jpg 
(ခြောက်)
                        ကားအက်ဆီးဒင့်ဖြင့် ကိုကိုကြီးတစ်ယောက် ပွဲချင်းပြီး ဆုံးပါးကွယ်လွန်သွားခဲ့ရသော်လည်း ကိုကိုကြီးနှင့် တစ်ခရီးတည်း ပါသွားခဲ့သော မမရည်ကတော့  သေကံ မရောက်ခဲ့ပေ။ သို့သော် ဆေးရုံမှာ ရက်လများစွာ ကြာမြင့်ခဲ့သည့်တိုင် မမရည်၏ ခြေအောက်ပိုင်းများကတော့ ပြန်လည်မလှုပ်ရှားနိုင်တော့ပြီ။
                        မမရည်၏ မိဘများက မမရည်အား မိဘအိမ်မှာ ပြန်လာနေရန် ကမ်းလှမ်းခေါ်ငင်ကြသည်။ မမရည်ကတော့ မထင်မှတ်စွာ တူးတူးခါးခါး ငြင်းပယ်ခဲလေသည်။
                        မမရည်၏ အကြောင်းပြချက်ကတော့ ကိုယ့်အိမ်ကိုယ့်ယာ ဖြစ်ခဲ့ဖူးသော မိဘအ်ိမ်သည်လည်း တစ်အိုးတစ်အိမ် ခွဲခွာနေထိုင်ပြီးနောက်မှာတော့ သူစိမ်းနှင့် မခြားနားလှတော့ပါတဲ့။ နွေးထွေးမှုတို့ အေးခဲခဲ့ပြီဟု ဆိုပြန်သည်။ ငယ်ရွယ်သူများကလည်း စိမ်းကားနှိမ့်ချကြမှာ မလိုလားပါတဲ့။ မိမိက ဒုက္ခိတဘ၀မှာ ရောက်နေရပြန်သည်မို့  ပိုမိုအောက်ကျကာ မျက်နှာငယ်ရမည့် အဖြစ်မျိုး အရောက်မခံနိုင်ဟု ခပ်တင်းတင်းဆိုသည်။ ကိုကိုကြီးနှင့် မောင်တို့နှစ်ယောက်၏ လေးတော်တင်ပွဲမှာ မျက်နှာလိုက်ခဲ့ကြသော မိဘများအပေါ် စိတ်အနာ မပြေသေးတာလည်း ပါဝင်လ်ိမ့်မည်ဟု ကျွန်မတွေးမိသည်။
                        ပြီး.. ဘယ်လို အခြေအနေမျိုးတွေ ရှိခဲ့ဖူးသည် ဆိုဦးတော့ နှစ်နှစ်ကျော်၊ သုံးနှစ်နီးပါး သစ္စာတည်စွာ ချစ်မြတ်ကြင်နာခဲ့သော ခင်ပွန်းသည်အပေါ် မမရည်တစ်ယောက် နီးစပ်မှုဖြင့် အားကိုးတွယ်ငင်ချင်ခဲ့ပြီ ထင်ပါသည်။ ထိုသံယောဇာဉ်သည် မမရည်အား ကိုကိုကြီး၏ အရိပ်အငွေ့များ ယှက်သန်းဆဲဖြစ်သော သည်နေအိမ်၊ ဋ္ဌာနလေးအပေါ် ခုံမင်တွယ်တာတတ်စေခဲ့ဟန်တူပါသည်။
သို့နှင့်ပင် ဆေးရုံမှ ဆင်းစ အစဦးကာလများမှာမမရည်၏ မိခင်အပါအ၀င် သူမ၏ ဆွေမျိုး အသိုင်းအ၀ိုင်းများ၊ ကျွန်မတို့ လင်မယား စသည်တို့ဖြင့် မမရည်တစ်ယောက် အခြေမပျက်၊ အားမငယ်ကြရလေအောင် ၀ိုင်းဝန်းဖေးမ ကြရတော့သည်။
နောက်တော့ မမရည်က သူ့အတွက် အခြားသူတွေမှာ ဒုက္ခမပိုစေလိုဟု ဆိုကာ စါယ်ရှယ်နာ့စ်တစ်ယောက်သာ အနားမှာ နေစေတော့သည်။
ထို့နောက်မှာတော့ မမရည်၏ ဝေယျာဝစ္စများမှာ ဖြည့်ဆည်းပေးနိုင်မည့်အပြင် အဖော်သဟဲအဖြစ်ပါ အားကိုးအားထားပြုနိုင်မည့် ဆွေးမျိုးနီးစပ် မိန်းကလေးတစ်ယောက်သာပဲ အနားမှာ ပြုစုလျှက် နေစေတော့သည်။
ခင်ပွန်းသည်ဆုံးပြီးစ အလှအရွယ်တင့်ဆဲဖြစ်သော မုဆိုးမ ပူပူနွေးနွေးတစ်ယောက်၊ ပြီးတော့.. မသန်မစွမ်း ဒုက္ခိတတစ်ယောက်၏ အထီးကျန်အားငယ်မှုကို ကျွန်မ စာနာနိုင်ပါသည်။ ယခုလိုဘ၀မျိုး ရင်ဆိုင်ကျရောက်နေရသည့်တိုင် မိဘဆွေမျိုးအားလုံးကို အာခံမာန်ဝင့်နေနိုင်ခြင်းမှာလည်း ထိုမိဘဆွေမျိုးတို့ထက်  ကျွန်မတို့ ဇနီးမောင်နှံအား  ပိုမိုအားကိုးခင်တွယ်၍ ဖြစ်နိုင်ကြောင်း ကျွန်မ တွေးယူကြည့်နိုင်ပါသည်။
ကျွန်မ၏ တာဝန်ဝတ္တရားချိန်များမှ အပဖြစ်သော ကိုယ်ပိုင်အားလပ်ချိန်များကို မမရည်၏ ကရိကထ၊ ဗာဟီရများအတွက် ပေးဆပ် အသုံးးချနေရခြင်းအပေါ် ကျွန်မ အနည်းငယ်မျှပင် မတွန့်တိုခဲ့မိပါ။ ၀န်ထုတ်ဝန်ပိုါ်ကြီးတစ်ခုအဖြစ် မမရည်အား ထင်မှတ် မငြိုငြင်ခဲ့ဖူးတာလည်း အမှန်ပင်ဖြစ်ပါသည်။
ဒါပေမယ့် မောင်နှင့် ပတ်သက်လာလျှင်တော့ ကျွန်မသည် မမရည်အား အနည်းငယ်မျှပင် သဘောထား မကြီးနိုင်ခဲ့။
မမရည်၏ ဝေယျာဝစ္စ အသေးအမွှားကလေးများမှအစ ၀တ္တရားထက်ပိုလွန်ကာ စေတနာပို ဂရုတစိုက် ပြုစုယုယမှုမပျက်သော ကျွန်မက…
“ဒီနေ့ နေကောင်းရဲ့လား မမရည်”
                        …ဆိုသော မောင့် နှုတ်စကားတစ်ခွန်းကိုပင် စောင့်ကြည့်ဝန်တိုနေမိတတ်ပြန်သည်။ ထိုစကားထဲမှာ သာမန်ထက်ပိုလွန်သော ကြင်နာမှု အရိပ်အငွေ့တွေ အဘယ်မျှအထိ ပျော်ဝင်ပါရှိနေနုိုင်သလဲ။  ကြွင်းကျန်ရစ်ဆဲဖြစ်သော အတိတ်က သံယောဇာဉ် အရိပ်ငွေ့တွေကိုရော မောင့်မျက်နှာပေါ်မှာ ဝေ့ကဲဖိတ်လျှံကျနေမလားဟု စောင့်ကြည့်အကဲခပ် ခွဲခြမ်းစိတ်ဖြာရတာ အမော။
                        မမရည်အားလည်း  စောင့်ကြည့်ရန်မမေ့ပါ။ ထိုအချိန်မှာ ကျွန်မ၏ အပြုအမူ၊ စကားသံတို့သည် ‘ မမရည်နော်…သတိထား။ ကျွန်မရဲ့မောင့်အပေါ် နည်းနည်းလေးမှ ရှင် စိတ်မလည်မိစေနဲ့’ ဟု နှုတ်မှ ထုတ်ဖော် မပြောသည့်တိုင် သိသာလွန်းနေပေလိမ့်မည်။
                        မမရည်၏ ကွယ်ရာမှာတော့…
“ မမရည်က ခုထိ လှနေတုန်းပဲနော်.. မောင်”
                        ..ဟု မောင့်အား သွေးတိုးစမ်းမိတတ်ပြန်သည်။ ထိုအခါ မောင်က…
“မောင့် မျက်စိထဲမှာတော့ ခင်မင်းကို မီမယ် မထင်ပါဘူးကွာ”
                        ပြုံးမြမြ ၊ ချစ်မက်ဖွယ်ရာ ဆိုလာခဲ့လျှင်တော့ ထိုခဏငယ်မှာ ကျွန်မ နှစ်သိမ့်ကြည်နူးမဆုံး ရှိနေပြန်တော့ကာ အရာရာကို ပေါ့ပါးစွာ မေ့လျော့ထားနိုင်ပြန်သည်။
                        ဒါပေမယ့် မကြာခင်မှာပဲ…
“မမရည်က မောင့် အချစ်ဟောင်း မဟုတ်ဘူးလား။ သံယောဇဉ် အကြွင်းအကျန် နည်းနည်းလေးတောင် မရှိတော့ဘူးဆိုတာ ကျွန်မက ယုံရမှာလား”
                        …ဟု စကားစစ်ထိုးမိပြန်တော့သည်။
“အား.. သွားစမ်းပါကွာ။ ဒီမှာ ခုချိန်မှာ မောင်ချစ်နေရမှာက မောင့်ဇနီးမယားပဲလေ။ ခင်မင်းပဲလေ..”
                        မောင်ကတော့ ပါးနပ်လိမ္မာစွာ ချော့မော့ နှစ်သိမ့်တတ်လေသည်။ မောင့်ရဲ့ စောင့်စည်းမှု၊ တည်တံမှုတို့ကို ကျွန်မ အကြွင်းမဲ့ ယုံကြည်ချင်ပါသည်။ သို့သော် အဘယ်သို့သော သံသယနတ်ဆိုးတို့က ကျွန်မ၏ နှလုံးအိမ်ကို ပူးကပ်နှောင့်ယှက်နေကြသည် မသိတတ်နိုင်။
                        ထိုအချိန်မှာပင် ကျွန်မတွင် ရှိနှင့်ပြီးသော သံသယမြူမှုန်တို့ စုဖွဲ့ပေါက်ကွဲစေရန် အကြောင်းအချက်များက အတိအပ တိုးဖွဲဖြစ်တည် လာခဲ့တော့တာ ဖြစ်ပါသည်။
                        ************
                        (ခုနစ်)
                        ပြဿနာ၏ အစကို သယ်ဆောင်လာခဲ့သူကတော့ မမရည်၏ မွေးသမိခင်ပဲ ဖြစ်သည်။
                        မမရည်ခံစားနေရသော ဝေဒနာဒုက္ခများကို အကြောင်းပြုကာ မမရည်၏ ကံဇာတာအား နာမည်ကြီး ဗေဒင်လက္ခဏာ ဆရာ အကျော်အမော် တစ်ဦးထံမှာ တွက်စစ်မေးမြန်းလာခဲ့သည်တဲ့။ ထိုဆရာ၏ ပညာအလိုအရ မမရည်သည် နေအိမ်မှ ခေတ္တယာယီ ပြောင်းရွှေ့နေထိုင်ရမည်ဟု အခါတော်ပေးလိုက်သည်တဲ့။
                        အစဦးကတည်းက တင်ကြိုငြင်းဆန်ထားပြီးဖြစ်သော မမရည်၏ မိဘများအိမ်မှာ ကိန်းခန်းအလိုအရ အရပ်မတည့်ပြန်ပါ။  ထိုအခါ မမရည်အတွက် အသင့်လျော်ဆုံးသော နေရာဋ္ဌာနသစ်မှာ ကျွန်မတို့၏ နေအိမ်ပင် ဖြစ်လာရတော့သည်။
                        စကားအစမှာကတည်းက မနှစ်မြို့၊ သဘောမကျနိုင်ခဲ့သော ကျွန်မအတွက်တော့ မမရည်က ကျွန်မတို့၏ နေအိမ်မှာ ပြောင်းရွှေ့ဗနထိုင်ဖို့  ကြည်သာအေးဆေးစွာ ခေါင်းညိတ်လိုက်သောအခါ ပို၍ပင် ဒေါသ ဆူဝေချင်စရာ ကောင်းနေပြန်တော့သည်။
                        ဗေဒင်မေးလာခဲ့သူသည် မမရည်၏ မိခင်ဖြစ်နေလို့သာပေါ့။ ကျွန်မကိုယ်တိုင်သာ ဖြစ်ခွင့်ရှိလျှင် အဲဒီအိမ်ကလည်း မမရည်အတွက် မကောင်းသေးဘူး မမရည်။ အဲဒီမှာ မမရည်ရဲ့ အူ၊ အသည်းတွေကို နုတ်ယူစားသောက်မယ့် စုန်းမတစ်ယောက်လည်း ရှိသေးတယ်ဟု ဇွတ်ပြောမိမည် ထင်သည်။ ခုနေ ကျွန်မမှာသာ ဖန်ဆင်းတတ်သူတစ်ယောက်၏ တန်ခိုးသြဇာမျိုး ရှိနိုင်ခဲ့လျှင် မမရည်အား ဟိုး.. အဝေးကြီး မောင်းနှင့်ကင်းလွတ်ရာ ဆီ ဝေးလွင့်အောင် ဖန်တီးလွှင့်ပစ်လိုက်ချင်သည်။ ခုတော့ မတတ်သာ။
                        အရေးထဲမှာပင် မမရည်၏ အဖော်၊ အကူကောင်မလေးကလည်း မမရည် ကျွန်မတို့အိမ်မှာ ပြောင်းရွှေ့နေထိုင်စဉ် သူ့မိဘတွေရှိရာ ရွာသို့ခဏ ပြန်ချင်းသေးသတဲ့။ သေလိုက်တော့။
                        ကျွန်မသည် မမရည်နှင့် ပတ်သက်လေမှ မောင့်အား မြေမှာမပုံရဲ၊ ချုံမှာလည်း မတင်ရဲသော ဗြဟ္မာဦးခေါင်း ကိုင်ထားမိသူနှယ် ရူးနှမ်းတွန့်တိုနေမိတော့သည်။
                        **********


(ရှစ်)
                        ကျွန်မသည် မမရည်အပေါ် အဘယ်မျှအထိ မုန်းမျက်နေမိသည်လည်းဆိုတာ ထိုည အိပ်မက်မှ လန့်နိုးချိန်ရောက်မှပင် ဆင်ခြင်ထိတ်လန့်စွာ သိတတ်နိုင်ခဲ့တော့သည်။
                        ကျွန်မတို့အိမ်သို့ မမရည်ရောက်ရှိခဲ့တာ ရက်သတ္တ တစ်ပါတ်ခန့်ပင် ရှိဦးမည်။ ထိုကာလတစ်လျှောက်လုံးမှာ ကျွန်မသည် မမရည်အပေါ် ၀တ္တရား ကျေပြွန်ရုံမျှမက စေတနာယုယမှုတို့ ပိုလွန်ခဲ့တာ ကျိန်တွယ်သစ္စာဆိုဝံ့ပါသည်။ မမရည်အပေါ် သံသယနှင့် မုန်းမျက်ဝန်တို နေမိခြင်းတို့ကိုလည်း အထူးဆင်ခြင် ထိန်းသိမ်းနေမိသေးသည်။
                        ကာလတစ်လျှောက်လုံး မစ္ဆရိယ အတွေးတို့နှင့် နစ်မွန်းပူလောင်နေမိခြင်းသည် မိမိထက် ကြီးမြတ်သူနှစ်ဦးအပေါ် ပြစ်မှားနေမိခြင်းပဲ မဟုတ်လား။ ကျွန်မ ဆင်ခြင်ရတော့မည်။ မောင့်ကိုလည်း အားနာစရာ..။ တကယ်ဆို မမရည်လည်း သနားစရာ ကောင်းပါသည်။
                        ကျွန်မ ထိုသို့ ဆင်ခြင်ထိန်ချုပ်နေမိသည့်ကြားမှပင်  ထိုညက မြင်မက်ခဲ့သော အိပ်မက်က ဆိုးရွားပြင်းထန်လွန်းတော့သည်။
                        မောင်နှင့် မမရည်တို့သည် ကျွန်မ တင်ကြိုထိတ်လန့်၊ စိုးရိမ်နေသည့်အတိုင်းပင် ကျွန်မ၏ မျက်ကွယ်မှာ ဖြစ်ပျက်နေခဲ့ကြသည်တဲ့။  အိပ်မက်မှာတော့ မောင်က မမရည်အား ကယုကယင်နှင့် နှစ်ဦးသား တွယ်မှီးနီးကပ်လွန်းလှသော အနေအထားမှာ ကျွန်မက ပက်ပင်းမိခဲ့တာ ဖြစ်ပါသည်။ သူတို့ နှစ်ယောက်၏ အခြေအနေမှာ ဘယ်လိုမှ ငြင်းဆန်ရှောင်လွှဲ၍ မရနိုင်သော အခြေအနေပဲ ဖြစ်သည်။
                        ကျွန်မ၏ ၀မ်းနည်းယူကျုံးမရ ခံစားမှုများကို ပြောမပြတတ်တော့ပါ။ အမြင်တွင် မျက်ရည်ငွေ့တို့ ကာဆီးပိတ်ဖုံးနေခဲ့သည်။ နောက်တော့ ကျွန်မ… ဒေါသတွေ တရိပ်ရိပ် ဆူဝေလာတော့သည်။
                        ထိုအချိန်ခဏမှာ မောင်ကတော့ ဘယ်ဆီ ရောက်ရှိ ပျောက်ကွယ်သွားသလဲ မသိ။  ကျွန်မ၏ ဒေါသများကို ကြောက်ရွံ့ကာ မောင် ပြေးပြီပေါ့။
                        မမရည်ကတော့ သတ္တိကောင်းလှစွာ ကျွန်မကိုပင် ထီမထင်ဟန်ဖြင့် အံတုချင်နေခဲ့သေးသည်။ ကျွန်မ၏ ဆင်ခြင်မဲ့ ဒေါသတရားတို့သည် ထိုအခါမှ မမရည်အပေါ် အထိန်းသိမ်းမဲ့ ကျရောက်သင့်လောင်စေခဲ့တော့တာ ဖြစ်သည်။
                        ကျွန်မသည် မမရည်အား အငြိုးတကြီး ၊ သဲသဲမဲမဲ တိုက်ခိုက်သတ်ပုတ်မိတော့သည်။ မမရည်က ကျွန်မအား တန်ပြန်မခုခံ။ ထွက်ပြေးပုန်းရှောင်ခြင်းလည်း မပြု။ ထိုအခါ ကျွန်မသည် မမရည်၏ လည်မြိုအား အားကုန်သုံးကာ စိတ်ရှိ လက်ရှိ  ဖျစ်ညှစ်နေမိတော့ပြီ။
                        မမရည်၏ မျက်လုံးအစုံတို့ ပြူးကျယ်လာ။  လျှာ အလျားလိုက် ထွက်ကျလျှက် ကျွန်မ၏ လက်တွင်းမှာ သူမ၏ ကိုယ်ခန္ဒာ တောင့်မတ်စန့်ထွက်လာသောအခါမှ ကျွန်မ ထိတ်လန့်တကြား ဟစ်အော်မိလျှက် အိပ်မက်မှ လန့်နိုးလာခဲ့တော့သည်။
                        ထိုညက ကျွန်မ ပြန်လည်အိပ်စက် မပျော်နိုင်တော့ပဲ တလူးလွန့်လွန့်ဖြင့်သာ နံနက်လင်းခဲ့ရတော့သည်။ မောင်ကတော့ ကျွန်မ၏ နံဘေးမှာ အပူပင်ကင်းမဲ့စွာ နှစ်နှစ်ခြိုက်ခြိုက် အိပ်ပျော်နေခဲ့သည်။ အပြစ် ကင်းသန့်ဟန်ရှိသော မောင့်မျက်နှာဆီ တစိမ့်စိမ့်စိုက်ငေးကြည့်ရင်း ကျွန်မ မျက်ရည်ကျနေမိပြန်သည်။ အားနာပါတယ် မောင်ရယ်။ ကျွန်မ မောင့်ကို စော်ကားမိပြန်ပြီ။ ကျွန်မ၏ မသိစိတ်ကပင် မောင့်အပေါ် သံသယတွေ စွန်းထင်းနေခဲ့ပြီ မဟုတ်လား။
                        ထိုအချိန်မှာ အိပ်ယာထက်တွင် မလှုပ်သာ မလှည့်သာဖြင့် ညောင်းချိပင်ပမ်းမှုအား အန်တုသီးခံကာ အိပ်ပျော်အောင် ဇွတ်နှစ်ကြိုးစားနေရရှာမည့် မမရည်ကိုလည်း စာနာသနားစိတ် ၀င်မိသေးသည်။ မမရည်လည်း ကျွန်မကို ခွင့်လွှတ်ပါ။
                        သုံးလောကတွဋ်ထား ရှင်တော် မြတ်ဘုရား…။
                        ကျွန်မ၏ နှလုံးအိမ်တွင် ပူးကပ် နှောင့်ယှက်ကာ ပူပန်သောကတို့ကိုသာ တိုးပွားပျံ့နှံ့စေသော သံသယနတ်ဆိုးတို့အား မဟာကရုဏာတော်ဖြင့် ဖယ်ရှင်းပေးလှည့်ပါ။

                        **********
(ကိုး)
                        နံနက်လင်းလျှင် နီရဲကျိန်းစပ်နေသော အိပ်ပျက်မျက်ဝန်းများနှင့် ကျွန်မ မီးဖိုဆောင် အတွင်းမှာ ထုံးစံမပျက် အလုပ်ရှုပ်နေပြန်တော့ပြီ။ မောင့်အတွက် နံနက်စာအား ထုံးစံများထက် စေတနာပိုလွန်၊ ဂရုစိုက်စွာ ပြင်ဆင်ပေးနေမိသည်။ ပြီးတော့ မမရည် အတွက်…။
                        ခဏကြာလျှင်တော့ ကျွန်မ မမရည်၏ အခန်းသို့ သွားရဦးမည်။ မမရည် အိပ်ယာနိုးနေနှင့်ပြီလား။
“နိုးနေတာ ကြာပြီလား မမရည်။ ညက အိပ်ပျော်ရဲ့လား”
                        ပဋိသန္ဒာရစကား ဆိုဖြစ်ချိန်မှာတော့ ကျွန်မ၏ အပြုံးမျက်နှာသည် အခါတိုင်းနေ့များထက် ထူးခြားကြည်စင်နေစေဖို့ မျှော်လင့်ယုံကြည်ပါသည်။ ပြီးလျှင် မမရည်၏ ဝေယျဝစ္စများကို ကြည်ဖြူစွာ လုပ်ကိုင်ဆောင်ရွက်ပေးရပါဦးမည်။
“ခင်မင်းလည်း နေ့တိုင်း အဖို့ ပင်ပန်းလှတယ်ကွယ်။ မမရည် အားနာလှပြီ”
                        မမရည်က ပြောလာခဲ့လျှင်တော့ ကျွန်မ ကြည်လင်စွာ ပြုံးပြ နှစ်သိမ့်ရဦးမှာပေါ့။
                        ကျွန်မသည် ညက အိပ်မက်အတွက် မမရည်အား တိတ်တဆိတ် အားနာနေမိသည်မှ အပ လ်ိပ်ပြာသန့်စင်စွာပင် မမရည်၏ အခန်းသို့ ခြေလှမ်းပြင်နေမိတော့သည်။
“ဒေါက်… ဒေါက်…။ မောင်ရေ…”
                        မောင့် အခန်းရှေ့ အရောက်မှာ အသံပြုလိုက်မိသေးသောအခါ မောင်လည်း အိပ်ယာမှ နိုးထနေနှင့်ဟန်ဖြင့် တုန့်ပြန်အသံပြုသည်။
“မမရည်ရေ…။ နိုးနေပြီးလား”
                        မမရည်၏ အခန်းရှေ့ အရောက်မှာကျွန်မ အသံပေးကာ ရပ်တန့်နားစွင့်မိသေးသည်။  တုန့်ပြန်သံ မကြားရ။ မမရည် အိပ်ယာက မနိုးသေးဘူးလား။ မဖြစ်နိုင်ပါ။ မမရည် သည်အချိန်အထိ အိပ်စက်နေတတ်သည့် အကျင့် မရှိပါ။
                        မမရည်၏ အခန်းတံခါးသည် ဘယ်အခါမျှ ချက်ချမထားတတ်သော အလေ့ကြောင့် ကျွန်မ အခန်းတ့ခါးကို ပေ့ပါးညင်သာစွာ တွန်းဖွင့်ဝင်လိုက်မိတော့သည်။
“ဟင်…”
                        ကျွန်မအား စောင့်ကြိုလျှက်ရှိသော မမရည်၏ အနေအထားမှာ ကျွန်မ လုံးဝ မမျှောင်လင့်ဖူးသော အခြေအနေဖြစ်ပါသည်။  ကျွန်မ၏ ခန္ဒာကိုယ် တစ်ခုလုံး အေးစက်တောင့်တင်းကာ အသက်ရှူရပ်တန့သြွးတော့ မတတ်ပင်။
“ မောင်ရေ…”
                        ကျွန်မ၏ အသံက စူးရှအက်ကွဲနေမှာ အလွန်သေချာပါသည်။
                        ကျွန်မ၏အသံနှင့် မရှေးမနှောင်းမှာပင် မောင် အပြေးအလွှား ရောက်ရှိလာခဲ့သည်။ ထိုအချိန်အထိ ကျွန်မ ရွေ့လျား လှုပ်ရှားမရပဲ ရှိနေလေသည်။
“မမရည်..”
                        မျက်နှာပေါ်မှာ ခေါင်းအုံးကြီးပိကာ တောင့်မတ်စန့်ရံ့ ပုံစံကြီးနှင့် လဲလျောင်းနေသော မမရည်၏ ပုံစံ မူမမှန်မှုအား မောင်လည်း မြင်တွေ့သွားလေပြီ။
                        မောင်က ကျွန်မ၏ ပခုံးကို တစ်ချက် ဖျစ်ညှစ်အားပေးဟန်ပြုကာ မမရည်၏ အနီးသို့ အလျှင်စလို တိုးကပ်သွားသည်။ မမရည်၏ အနီးတစ်ဝိုက် လှည့်လည်စစ်ဆေးနေကာ ညစ်ညူး စိတ်ရှုပ်ဟန်ပြသည်ကို ကျွန်မ မျက်တောင်မခပ်၊ အသက်ရှူရပ်တန့်ကာ စောင့်ကြည့်နေမိသည်။
                        ဟော.. မောင် ကျွန်မဘက်သို့ မျက်နှာလှည့်လာပြီ။ ဟင့်အင်း မောင်။ မမရည်ကို ကျွန်မ မသတ်ဘူးနော်။
                        ဒါပေမယ့် မောင့် မျက်ဝန်းမှာ ကျွန်မ မတွေ့မြင်လိုသော (ရင်ဆိုင်ရန် အင်အားမရှိသော)  သံသယတွေ စွန်းပေနေသည်ဟု ကျွန်မ ထင်လိုက်သည်။
                         မောင် ကျွန်မထံ တရွေ့ရွေ့ လျှောက်လာနေပြီ။ ကျွန်မ ဦးခေါင်းကို ပြတ်ထွက်မတတ် ပြတ်ထွက်မတတ် ရမ်းခါထားနှင့်ခဲ့သည်။
“ခင်မင်း”
“ဟင့်အင်း ။ ခင်မင်း သတ်တာ မဟုတ်ဘူး။
                        ကျွန်မ ဗလုံးဗထွေး ငြင်းဆန်မိစဉ် မောင် ကျွန်မအနီးသို့ ရောက်လာကာ ကျွန်မ၏ ပခုံးနှစ်ဘက်အား ညင်သာဖွဖွ ဆုတ်ကိုင်လျှက်…
“ခင်မင်း..”
“ဟင့်အင်း”
                        ငြင်းဆန်ခိုက်မှာပင် ကျွန်မ မိုက်ခနဲ မူးဝေပြာမှောင်ကာ အသိကင်းပျောက် သွားရတော့၏။                ။

                                                                                                                              သတိုး


9 comments:

  1. စိတ်ထဲက ကြိတ်ပြီးသဝန်တိုနေတာကိုးးး။ လွှတ်ထားပြီး မျက်နှာလွှဲနေလိုက်ရင် အေးသွားမှာပါပဲ။ တစ်ခါတစ်လေ ကိုယ်ထင်တဲ့အတိုင်းလည်း ဖြစ်ချင်မှဖြစ်တာပါ။ ဇာတ်လမ်းလေး ဖတ်လို့ သိပ်ကောင်းတယ်။

    ReplyDelete
  2. နေ့လည်က ပထမပိုင်းလာဖတ်တယ်။
    အဲထဲက ဘာဖြစ်မလဲဆိုပြီး ဒုတိယပိုင်းဖတ်ချင်နေတာ။
    ကြောက်စရာနော်။
    သူ့ဘာသာ ပူလောင်မှန်းသိရက်နဲ့ မထိန်းနိုင်ဘူးဖြစ်နေတာ။ ကောင်းတဲ့စိတ်က တစ်ဝက်၊ နောက် ပူလောင်တဲ့ စိတ်ကတစ်ဝက်နဲ့။ အရမ်းသနားဖို့ ကောင်းတာပဲ။
    ဇာတ်ကောင်ကို ပေါ်လွင်အောင် ရေးနိုင်ပြီး ဖတ်လို့ကောင်းတဲ့ အဆုံးမဲ့ နိဂုံးပါပဲ။

    ReplyDelete
  3. မိန်းမတွေရဲ့ သဝန်တို သံသယကို ပေါ်လွင်ထင်ရှားအောင် ရေးဖွဲ့ထားတဲ့ ဝတ္ထုလေးဘဲ..
    အစကနေ အဆုံး ပေါင်းဖတ်သွားတယ်
    ဒုတိယပိုင်းကို ဖတ်နေရင်း တစ်ခုခု မဖြစ်ပါစေနဲ့ လို့ ဆုတောင်းနေမိတယ်.
    ဝတ္ထုမှန်းသိနေပေမဲ့ ဇာတ်ကောင်စရိုက်ရဲ့ သက်ဝင်မှုက ဖမ်းစားလွန်းတော့ တကယ်ဖြစ်နေသလို ထင်လာမိတယ်။
    ဆုတောင်းမပြည့်ဘူး မမရည် တစ်ခုခုဖြစ်သွားတယ်..
    မသေချာတာက ခင်မင်းက တကယ်သတ်တာလား..
    အိပ်မက်ထဲမှာ မသိစိတ်ရဲ့ စေခိုင်းမှုနဲ့ သတ်မိတာလား..
    သေစေချင်စိတ် ပြင်းပြလွန်းတော့ အိပ်မက်ထဲမှာ သတ်သလိုနဲ့ အပြင်မှာ သတ်လိုက်မိတာလား...
    စတဲ့ အတွေးများစွာနဲ့.......
    သဝန်တိုမှုဆိုတာ တကယ်ကို ပူလောင်ရပါတယ်..

    ReplyDelete
  4. မမရည်က နားလည်စွာ သူ့ဖာသာသူ အဆုံးစီရင်သွားပုံ ရပါတယ်။ မိန်းခလေးတစ်ယောက်မှာ မနာလိုဝန်တိုစိတ်ရှိတာ မဆန်းပါဘူး။ ယောက်ျားတွေမှာတောင် ရှိနေတတ်တာ။

    ခင်မင်းပါ အသက်ပါသွားလေသလား မသိ။း(

    ခင်မင်လျှက်

    ReplyDelete
  5. အရမ်းကောင်းတယ်အကို...စိတ်ဝင်စားလွန်းလို့ အသက်ရူဖို့တောင် မေ့လောက်အောင်ပဲ ..သံသယက ကြောက်ဖို့ကောင်းတယ်နော်... သဝန်တိုတက်တာလဲ ပြဿနာအကြီးကြီး ဖြစ်စေတာပဲ...

    ReplyDelete
  6. စာရေးဆရာဆိုးတယ်ဗျာ..။အဆုံးသတ်နဲ့ စာဖတ်သူကို ငိုင်ကျသွားအောင်၊ အတွေးတွေ ပွားသွားအောင် လုပ်ထားရက်တယ်။ မမရည်ကိုယ့်ကိုယ်ကို သတ်သေတာမဖြစ်နိုင်လောက်ဘူး။ ခင်မင်းရဲ့ စိတ္တဇအိပ်မက်က ၀န်တိုမှုတွေလွှမ်းပြီး မသိစိတ်နဲ့ သတ်မိသွားတာ။ ဟုတ်တယ်မဟုတ်လား...။ :)

    ReplyDelete
  7. ဟန်ကြည်November 15, 2011 at 7:41 PM

    အလုပ်များနေတာကြောင့် ကိုသတိုး ပို့စ်တွေတက်နေတာ သတိမထားလိုက်မိဖူးဖြစ်နေတယ်...အဆင်တော့ပြေသားပဲ စောင့်စရာမလိုတော့ဘဲ နှစ်ပုဒ်လုံး အစအဆုံးဖတ်လိုက်ရတယ်...

    အရေးအသား၊ အယူအဆ၊ အသယ်အပို့ သပ်သပ်ရပ်ရပ်ရှိတဲ့ ၀ထ္ထုကောင်းတစ်ပုဒ်အတွက် ကျေးဇူးတင်ပါရဲ့ဗျား...

    ReplyDelete
  8. အိပ်မက်ယောင်ပြီး သတ်လိုက်မိလေသလား??? သူ့ဘာသာတော့ သတ်သေမယ်မထင်ဘူးလေ.. ဆိုတော့ကာ ဝတ္ထုလေးက အရမ်းကောင်းလွန်းပါတယ်ဗျာ။။။

    ReplyDelete
  9. ၁ ကိုပါ ပြန်ပြီးတော့ ဖတ်နွှေးပြီး ဖတ်သွားတယ်ဗျာ။

    ပြောပြရမှာကို ခက်တယ် လို့ ဆိုရမယ်။

    ReplyDelete

စိတ်ထဲ ခံစားမိသလို မျှဝေပြောပြခဲ့ပါဦး...။