အသားတံဆိပ်

ဦးခွေးနီစပ်ကြီးမှာ ငယ်နာမည်နောက်တစ်မျိုး ရှိသေးတဲ့အကြောင်းကို သူ့မိသားစုနဲ့ နီးစပ်ပတ်သက်ရာ တချို့ကလွဲရင် ဘယ်သူမှ မသိခဲ့ကြပါဘူး။ မသိဆို….သူတို့တစ်သက်လုံး ဦးခွေးနီစပ်ကို ဦးခွေးနီစပ်ရယ်လို့ပဲ ခေါ်ကြတာသာ ကြားခဲ့ဖူးကြတာလေ။ သူတို့တွေကိုယ်တိုင်လည်း ပြောဆိုဆက်ဆံစရာ အရေးအကြောင်းကြုံလာရင် ဦးခွေးနီစပ်ကို ကိုခွေးနီစပ်၊ ဦးလေးခွေးနီစပ်၊ ဘကြီး..ခွေးနီစပ် ရယ်လို့သာ သုံးနှုန်းဆက်ဆံလာခဲ့ကြဖူးတာ။ အဲဒီအခါတွေတုန်းကလည်း အဆင်ပြေနေခဲ့တာပဲ မဟုတ်လား။ ဦးခွေးနီစပ်ကြီးမှာ တခြားငယ်နာမည်တစ်မျိုး ရှိနေဦးမယ် ဆိုတဲ့အတွေးကို တစ်ခါမှကို မတွေးခဲ့ကြစဖူး။ တစ်ယောက်ယောက်က ပြောလာခဲ့ရင်လည်း သိပ်စိတ်ဝင်စားမိ၊ မှတ်သားထားမိမယ် မထင်ဘူး။ သူတို့အဖို့တော့ ဦးခွေးနီစပ်ကြီးကို ဦးခွေးနီစပ်ကြီးရယ်လို့သာ ခေါ်ပြောဆက်ဆံရတာ နှုတ်စွဲပြီး အဆင်ပြေနေခဲ့ကြတာ မဟုတ်လား။

ဒါပေမယ့်…အခု…ဦးခွေးနီစပ်ကြီးကို ဦးခွေးနီစပ်ကြီးလို့ ခေါ်ဖို့ အဆင်မပြေ တော့ဘူးတဲ့။

                                    @@@@@@@@@@@

ဖြစ်ပုံက ရပ်ကွက်ထဲမှာ မင်္ဂလာဆောင်အခမ်းအနား တစ်ခုအတွက် ဖိတ်စာဝေရာက စတာပဲ။ ရပ်ကွက်ထဲကို မင်္ဂလာဆောင်ဖိတ်စာ ဝေကြမယ်ဆိုတော့ နှစ်ဘက်မိဘတွေနဲ့ သတိုးသာလောင်း၊ သတို့သမီးလောင်းတွေ ခေါင်းချင်းဆိုင်ကြ။ သူ့ဘက်၊ ငါ့ဘက်အမျိုးအဆွေ၊ ရပ်နီးရပ်ဝေး မိတ်သင်္ဂဟတို့ရဲ့နာမည်တွေ ရွတ်ကြ၊ ရေးကြပေါ့။ လမ်းထဲက အိမ်တွေကိုတော့ တန်းစီပြီး ဖိတ်ကြရမှာပဲ။ ရောက်လာချီးမြှင့်တာ၊ မချီးမြှင့်တာကတော့ သူတို့ဘက်က အပိုင်းပဲမဟုတ်လား။

ဥိးဇော်မင်းသန်းနဲ့ဇနီး

ဦးထွန်းထွန်းသူနဲ့ ဇနီး

…စသည်ဖြင့် နာမည် ခေါ်ပေးတဲသူက ခေါ်ပေး။ ဖိတ်စာထည့်မယ့် စာအိတ်ပေါ်မှာ လက်ရေးလှလှနဲ့ ရေးတဲ့သူကရေးပေါ့။

``ဦးခွေးနီစပ်နဲ့ဇနီး´´

အနားမှာရှိနေတဲ့တစ်ယောက်က သတိပေးတယ်။ ဦးခွေးနီစပ်ရဲ့နာမည်က ဦးခွေးနီစပ် မဟုတ်တော့ဘူးတဲ့။ ဒါဆို ဘယ်သူလဲဆိုတော့ သူလည်း ဇဝေဇ၀ါနဲ့ မေ့တေ့တေ့ဖြစ်နေတယ်တဲ့။ လက်တစ်ကမ်းမှာရှိနေတဲ့ လူပရိတ်သတ်ထဲမှာလည်း သိတဲ့သူမရှိဘူး။ နာမည်သေချာအောင် စောင့်နေရရင် အလုပ်နှောင့်နှေးမှာလည်း စိုးရသေးတယ်။ ခဏဆိုပြီး တေးမှတ်ဖယ်ချန် ထားခဲ့ဖို့ဆိုတော့လည်း မတော်တဆ အပြီးမေ့ကျန်နေခဲ့မှ မျက်နှာပျက်စရာတွေ ဖြစ်နေရဦးမယ်။ အဲဒီအခါကျ ဖိတ်စာရေးတဲ့သူတွေ အပြစ်ကျလာဦးတော့မယ်။ အဲတော့ ထူးပါဘူးကွာ။ ရေးသာရေး…။ အေးလေ… ဒီပြင်တခြားနာမည် ရှိနေတယ်လို့ တို့လည်း မကြားမိပါဘူး။ ရေးသာရေးလိုက်တော့ ဦးခွေးနီစပ်ပဲ။

အဲလိုနဲ့ ဖိတ်စာဝေတဲ့ လူငယ်လေးတွေ ဦးခွေးနီစပ်ကြီးရဲ့ အိမ်လည်းရောက်ရော ပြဿနာတက်ကြပါလေရော…။

``ဒီဖိတ်စာ ဘယ်သူရေးတာလဲ´´

ဘယ်သူရေးတယ်ရယ်လို့တော့ အသေအချာ ဘယ် မှတ်မိမှာတုန်း။ သတို့သားရဲ့ သူငယ်ချင်းအသိုင်းအ၀ိုင်းတွေထဲက ဒီလိုပဲကြုံရာလူ ၀ိုင်းဝန်းရေးပေးကြတာပဲပေါ့။

``ငါ့နာမည် ဦးခွေးနီစပ်လို့ မင်းတို့ကို ဘယ်သူပြောလဲ´´

ပြောစရာ လိုသေးလို့လား။ ဦးခွေးနီစပ်ကြီးရဲ့နာမည်ဟာ ဦးခွေးနီစပ်ဆိုတာ တစ်ရပ်ကွက်လုံး သိနေနှင့်တဲ့ဥစ္စာ။

``မင်းတို့ကောင်တွေ မသေမချင်း မှတ်ထားကြ။ ငါ့နာမည် ခွေးနီစပ် မဟုတ်တော့ဘူး။ အောင်…….မှတ်၊ ဦးအောင်မှတ်ကွ´´

ဦးခွေးနီစပ်ကြီးရဲ့ အမျိုးသမီးကလည်း….

``ပြောလိုက် အဲဒီမင်္ဂလာဆောင်အိမ်ကို ။ ဦးခွေးနီစပ်လို့ ဖိတ်စာမှာရေးဖိတ်တာ အရမ်းစိတ်ဆိုးတယ်လို့။ မင်္ဂလာပွဲကိုလာစေချင်ရင် ဦးအောင်မှတ်လို့ ပြောင်းဖိတ်ပေးမှ လာမယ်´´

ဖိတ်စာဝေတဲ့ ကလေးတွေလည်း ပြာပြာသလဲ တောင်းပန်ကြရတာပေါ့၊ ပြီး… အပိုပါသွားတဲ့ ဖိတ်စာအသစ်ပေါ်မှာ …..

ဦးအောင်မှတ်နှင့် ဇနီး

…ဆိုပြီး ချက်ချင်း ရေးဖိတ်ခဲ့ကြတာတောင် မကျေနိုင်၊ မချမ်းနိုင် မြည်တွန်ဗျစ်တောက်သံတွေက တတွတ်တွတ် နောက်က လိုက်လာနေတုန်းမို့ ဝေးရာဝေးကြာင်းဆီ အသော့နှင်ပြေးခဲ့ကြရသတဲ့။

@@@@@@@@@@@

နောက်မှ သိကြရတာက ဦးခွေးနီစပ်ကြီး ဆိုတဲ့ အဲဒီနာမည်က ရာဇ၀င်နဲ့ကို ချီလာခဲ့တာဆိုပဲ။

မိနစ်ပိုင်းကလေးခြားပြီး လူ့လောကထဲ ရောက်လာကြတဲ့ အမြွာညီအစ်ကို နှစ်ယောက်ကို သဲသဲလှုပ်လှုပ် အထွဋ်တင်ချစ်မ၀တဲ့ သူတို့ရဲ့မိဘနှစ်ပါးက အောင်မြတ်နဲ့ အောင်မှတ်ဆိုပြီး အောင်အတိတ်နဲ့မင်္ဂလာယူကာ အမည်သညာ မှည့်ခေါ်ခဲ့ကြတာပါ။ ညီအစ်ကိုအမြွာ လူမှန်းသိတတ်စ ကတည်းက မိဘအပါအ၀င် ၀န်းကျင်အသိုင်းအ၀ိုင်းနဲ့ ဆွေမျိုးစုအားလုံးက အရေးပေး၊ အလိုလိုက်ခဲ့ကြတော့ တစ်နေ့တခြားကို ဆိုးသွမ်းလာခဲ့ကြတော့တာ။ လူပျိုပေါက်အရွယ်ကလေးတွေ ရောက်လာကြတော့ မိဘပိုက်ဆံကိုလည်း ရေလိုသုံးတတ်နေကြပြီ။ လစ်ရင်ခိုးယူတယ်။ မလစ်ရင် လုယူမယ် ဆိုတဲ့အထိကို ဖြစ်လာကြပြီ။ မကောင်းမှုနဲ့ မွေ့လျော်သူတွေ နေပျော်ရာအရပ် မှန်သမျှ သူတို့ညီအစ်ကိုလည်း ရောက်ဖူးတယ်။ မင်းမူဗိုလ်ကျတယ်။ ရမ်းကားနေပျော်တယ်။ အရပ်ထဲမှာ ရန်ပွဲဟေ့လို့ အသံမကြားလိုက်ရနဲ့။ အမြွာနှစ်ယောက်ကတော့ တစ်ဖက်မှာပါပြီးသားပဲ။ တစ်ခြားသူတွေနဲ့မှ ရန်မဖြစ်ရရင် ညီအစ်ကို အချင်းချင်းဖြစ်တယ်။ ရန်ဖြစ်ပြီဆို ဘယ်သူဝင်ဆွဲ၊ ၀င်တားလို့မှ မနိုင်ဘူး။ ညီအစ်ကို အချင်းချင်း သူစိမ်းပြင်ပြင်တွေလို တုတ်ဆွဲ၊ ဓါးဆွဲလည်း လုပ်တတ်ကြသေးတာပါ။ ဆိုဆုံးမလို့ မနိုင်တာထားလို့ လိုဘမပြည့်ရင် အဖေ၊အမေကိုတောင် ချမ်းသာမပေးပဲ ရန်လုပ်ရမ်းကားတတ်သေးတာဆိုတော့ ကမ်းကုန်ပါလေရော။ အိမ်မှာ လက်တိုလက်တောင်း အကူခေါ်ထားတဲ့ ဆွေမျိုးနီးစပ် မိန်းခလေးတွေ ဆိုလည်း ဘယ်သူမှ လပိုင်းထက်ပိုပြီး ကြာကြာ မမြဲဘူး။ အစ်ကိုမဟုတ်ရင် ညီက အနိုင်ကျင့်ပြီးသား။ အခွင့်သာတာနဲ့ စော်ကားပြီးသား။ အဲဒီလိုနဲ့ အငယ်ကောင်အောင်မြတ် တစ်ယောက်တော့ သူတပါးလက်ချက်နဲ့ စောစောစီးစီး သေခဲ့ရတော့တယ်။

အောင်မြတ်ဆုံးသွားတော့ အောင်မှတ်တစ်ယောက်လည်း နည်းနည်းတော့ ဆင်ခြင်သွားတယ် ပြောရမယ်။ ရန်ပွဲတွေလည်း ကျဲသွားတယ်။ အိမ်နေလည်း မြဲလာခဲ့တယ်။ အသုံးအဖြုန်းလည်း အရင်ထက်စာရင် အတော်ကလေး ဆင်ခြင်လာတယ်လို့ ဆိုကြရဲ့။ ဒါပေမယ့် ခဏပါပဲ။ ခွေးမြီးကောက် ကျည်ထောက်စွတ်ပေးထားလည်း ခဏနေတော့ မူလပကတိအတိုင်း ကောက်မြဲကွေးမြဲပဲမဟုတ်လား။

ဒီပုံအတိုင်းဆိုရင် အောင်မှတ်တစ်ယောက်လည်း ဘယ်သူ့လက်ချက်နဲ့ တစ်နေ့ သေရဦးမယ်မသိဘူး။ မိဘတွေက ပူပန်စိုးရိမ်လာကြတယ်။ အဲဒီမှာ ဘယ်သူကစပြီး ရွှေဥာဏ်တော် စူးရောက်ခဲ့တယ်မဆိုနိုင်ဘူး။ အောင်မှတ်တို့ ညီအစ်ကိုတတွေက နာမည်စီးနေတာဆိုပဲ။ ဒါကြောင့် အောင်မှတ်ကလေး လိမ္မာကျိုးနွံလာအောင်၊ အသက်ရှည်ရှည်နေနိုင်အောင် နာမည်ပြောင်းမှဖြစ်မှာတဲ့။ ပြောင်းမယ့်နာမည်ကိုလည်း ရှည်ရှည်ဝေးဝေး တွက်ချက်စဉ်းစားမနေကြတော့ပါဘူး။ ဘယ်သူက စလိုက်မှန်း မသိတဲ့ နာမည်တစ်ခုက တမဟုတ်ခြင်း တောမီးလို ပြန့်နှံ့သွားတော့တယ်။ တစ်ခါတည်း နာမ်နှိမ်ပြီးသားဖြစ်အောင် ဆိုပြီး ခွေးနီစပ် လို့ပဲ အလွယ်တကူ ပြောင်းမှည့်လိုက်ကြပါတော့တယ်။

အံ့သြစရာကောင်းတာကတော့ နာမည်ပြောင်းပြီး နောက်ပိုင်းမှာ ခွေးနီစပ် တစ်ဖြစ်လဲ အောင်မှတ်ကလေးဟာ အကျင့်နဲ့ စိတ်ဓါတ်တွေ တစစပြောင်းလဲလာခဲ့တယ်ဆိုပဲ။ ဒါပေမယ့် တစ်ခါတစ်ရံတော့လည်း ငုတ်နေတဲ့ညဉ်ဆိုးတွေက ပေါ်လာတတ်သေးတာပေါ့။ အသက်အရွယ်လည်းရလာခဲ့ပြီ။ သားနဲ့ မယားနဲ့တွယ်တာနှောင်ငင်စရာတွေတိုးလာခဲ့ပြီ ဆိုတော့လည်း အရင်ကလောက်တော့ မဆိုးတော့ဘူး ဆိုရမှာပေါ့။

                                    @@@@@@@@@@

မဆိုးတော့ဘူး ဆိုတာတောင် ဦးခွေးနီစပ်ကြီးနဲ့တော့ ဘယ်သူမှ မပတ်သက်ချင်ကြပါဘူး။ ကုန်ကုန်ပြောရင် သားသမီးတွေကတောင် သူတို့အဖေနှင့် မျက်နှာချင်းဆိုင်ရဖို့ဆို သတိဆွဲနေပြီးသားပဲ။ စိတ်က အပြောင်းအလဲမြန်ပြီး တယူသန်ဆန်သလောက် သူစိတ်တိုင်းမကျရင် ဒေါသကရှေ့ကို ကြိုရောက်နေနှင့်တတ်တာ။ ကြိုးကြောင်းသင့်ပြောပြရုံနဲ့ ငြိမ်းငြိမ်းချမ်းပြီးပြတ်ရမယ့် ကိစ္စဟာ သူတို့အဖေ ငါတကော ကောတာနဲ့ အော်ကြီးဟစ်ကျယ်၊ ရပ်ကျော်ရွာကျော်ဖြစ်ရတာတွေလည်း အကြိမ်ကြိမ်။

``ငါမွေးထားလို့ လူဖြစ်လာတဲ့ ဟာတွေက…လူပါးဝတယ်´´

မိဘကို လူပါးဝတယ်ရယ်တော့ ဘယ်ဟုတ်ပါ့မလဲ။ ကိုယ့်အရွယ်နှင့် အတွေ့အကြုံအရ အသိအတွေးကိုယ်စီ ရှိနေကြပြီမို့ ထားရာနေ၊ စေရာသွားတော့ မနေနိုင်ကြဘူးလေ။ ကိုယ်ယုံကြည်ရာနှင့် သွေဖယ်နေလျှင် သားသမီးပေမယ့် မိဘကို ကျိုးကြောင်းသင့် ငြင်းဆိုရှင်းပြခွင့် မရှိရဘူးလား။

``ငါ..မင်းတို့ထက်ပိုသိတယ်။ ငါပြောသလိုသာလုပ်´´

``အာ…ကျွန်တော်တို့ သိတာတွေကိုတော့ အဖေမသိပါဘူး´´

နှုတ်လှန်ထိုးရကောင်းလားရယ်လို့ ဆွေ့ဆွေ့ခုန်၊ ဒေါသအုံကြွလျှင် လှံဆွဲ၊ ဓါးဆွဲ။ လက်ထဲပါလာတဲ့လက်နက်နှင့် မဆင်မခြင် လက်လွတ်စံပါယ် ပစ်လွှတ်၊ ခုတ်ပိုင်းမယ် ကြံခဲ့ဖူးတာလည်း အကြိမ်ကြိမ်မို့ စကားချေတင်ကြုံရတိုင်း ပြေးလမ်းကို လေ့လာထားပြီး မျက်ခြည်မပြတ်စေရအောင် ကျီးကန်းတောင်းမှောက် ကြည့်ထားရသေးတာ။ ဦးခွေးနီစပ်ရဲ့ သားသုံးယောက်စလုံး အိမ်ပေါ်ကနေ အကြိမ်ကြိမ် ဆင်းရဖူးကြတဲ့သူချည်းပဲ။ သမီးငယ်ကတော့ရှင်းတယ်။

``အဖေနဲ့နေရတာ စိတ်ဆင်းရဲတယ်´´

ပြောပြီးမကြာဘူး။ တရပ်ခြားက အခြေအနေမဲ့တစ်ယောက်ကို စွန့်စွန့်စားစား လက်ထပ်ယူပြီး ကောက်ကောက်ပါအောင် လိုက်သွားလိုက်တာ။ အိမ်ထောင်နှစ်ဆက် ပြောင်းခဲ့ပြီဆိုတာတောင် သတင်းပဲလှမ်းပို့တယ်။ လူကတော့ ဒီနေ့ထိ အရိပ်တောင်လာမပြဘူး။ ဦးခွေးနီစပ်ကလည်း မလျှော့ဘူး။

``ငါ့ အိမ်ရိပ်နင်းရင် ဓါးနဲ့ပိုင်းမယ်မှတ်´´

လမ်းထဲမှာလည်း ဦးခွေးနီစပ်ဆိုလျှင် ရွံကြောက်ကြီးဖြစ်ကို ဖြစ်လို့ပါ။ ဘာအကြောင်းကိစ္စရှိလို့မှ ဆန့်ကျင်စကား မပြောရဲဘူး။ ကိုယ့်မြေပေါ် ကျူးကျော်ခြံခတ်လာလည်း ခပ်တင်းတင်းမပြောရဲဘူး။ မျက်နှာချိုသွေးပြီး လေပြည်ထိုးရတယ်။ ဦးခွေးနီစပ်ကတော့ မျက်စေ့ထဲ ရိပ်ခနဲမြင်တာနဲ့ ရန်လုပ်ပြီးသားပဲ။ လမ်းထိပ်အုတ်ခုံပေါ် ညဘက် ဂစ်တာတီး၊ သီချင်းဆိုတဲ့ကလေးတွေကို လေးခွနဲ့ ပစ်လွှတ်တယ်။ အိမ်ရှေ့ဆွမ်းဆန်ရပ်တဲ့ သီလရှင်လည်း ရန်တွေ့လွှတ်တာပဲ။ ကိုယ်တိုင်ပင့်ထားလို့ အိမ်မှာ ဆွမ်းခံကြွနေကျကိုယ်တော်လည်း စိတ်အဆင်မပြေတဲ့နေ့မှာ ကန်တော့ဆွမ်းပဲ။ အလှူခံလာရင် စေ့စေ့ပေါက်ပေါက် စစ်မေးနေတာ အကြာကြီး။ ပြီး…

``ခင်ဗျားတို့ လူလိမ်တွေ´´

…ဆိုပြီး နှင်ချင်နှင်လွှတ်တတ်တာ။ သာမှု၊ နာမှုမှန်သမျှ စိတ်လိုမှ ရောက်လေ့ရှိတယ်။ စိတ်မလိုရင် ဘယ်သူ့ကိုမှ အားနာမျက်နှာပူနေတာတွေ၊ ဘာတွေမရှိဘူး။ ခပ်တည်တည်ပဲ။ လစဉ်ထည့်ဝင်နေကျ ရပ်ကွက်မီးကင်းကြေးတောင်….

``နေစမ်းပါဦး။ မင်းတို့ကောင်တွေ ကိုယ်အိမ်ကအိပ်ယာကနေ ကင်းတဲပေါ်ကအိပ်ယာဆီ ပြောင်းအိပ်နေတာကို ငါတို့က ပိုက်ဆံပေးရမှာလား´´

``အဲဒါဆို ဦးလေး လာပြောင်းအိပ်ပါလား´´

မီးကင်းလခကောက်တဲ့သူက မရူးမကောင်းနဲ့ ခံပက်တော့ ရှူးရှူးရှားရှားနဲ့ ထုံးစံအတိုင်း အိမ်ထဲဝင်ပြီး ဓါးရှာနေတုန်း အပြေးကောင်းခဲ့လို့သာပေါ့။ ကိုယ်ထူကိုယ်ထ လမ်းခင်းရအောင်ဆိုလည်း…

``ငါ မထည့်ဘူး။ ငါ့အိမ်ရှေ့လမ်းနေရာ ကွက်ချန်ထားခဲ့လိုက်´´

…..ဆိုပြီး ကပ်ဖဲ့လုပ်နေတတ်ပြန်ရောလေ…။

မိန်းမနဲ့လည်း ဒီလိုပဲ။ စိတ်ကောင်းဝင်နေစဉ်တော့ `ဖေကြီးရေ၊ မေကြီးရေ…´ ပါပဲ။ ခဏနေကြရင် ဆူဆဲပွက်လောညံကြရော။ ရိုက်နှက်အော်ဟစ်သံ၊ ကယ်ပါယူပါ ငိုညည်းသံတွေနဲ့ အုန်းခြိမ့်ခြိမ့်ညံပြန်ရော…။ ရွာရိုးစုန်ပြီး မိန်းမကို ဓားနဲ့လိုက်၊ လှံနဲ့ပစ် ဆိုတာလည်း မကြာခဏ။ သူ့မိန်းမ မချိုအေးတစ်ယောက် သူများအိမ်မှာ ပုန်းအိပ်ခဲ့ရတာတွေလည်း အကြိမ်ကြိမ်ရှိခဲ့တာပါ။

ခုတော့ သားတွေတင်မက မြေးတွေတောင် အရွယ်ရောက်လာခဲ့ပြီဆိုတော့ အရင်လောက်တော့ မဟုတ်တော့ပါဘူးလို့ ဆိုကြပြန်ပြီ။

                                    @@@@@@@@@@

ဦးခွေးနီစပ်ကြီးအိမ်က ဆွမ်းကျွေးအလှု ဖိတ်စာကလေးရောက်လာတော့ တစ်ရပ်ကွက်လုံးက အံ့သြတကြီး စိတ်ဝင်တစားရှိခဲ့ကြတာပါ။ ဖိတ်စာရဲ့ အတွင်းထဲမှာတော့…

ဦးအောင်မှတ်+ ဒေါ်ချိုအေး

...တဲ့။ ဦးခွေးနီစပ်ရဲ့ ဆန္ဒအတိုင်း ထည့်ပေးထားတာပါ။ သားတွေ၊ သမီးတွေ မင်္ဂလာဆောင်ဖိတ်စာတွေမှာ ကတည်းက `ဦးအောင်မှတ်´လို့သာ ရေးစေချင်ခဲ့တာ။ ဒါပေမယ့် သင်းတို့က…

``အာ…အဖေ့ကို တစ်ရပ်ကွက်လုံးက သိနေကြတာဦးခွေးနီစပ် ပဲကို။ တော်ကြာ အဖေ့သားသမီးမှန်း သိတဲ့လူကသိ။ မသိတဲ့လူက မသိနဲ့ မင်္ဂလာဆောင် မှာ ဧည့်သည်နည်းနေပါ့မယ်´´

ဟုတ်သော်ရှိ၊ မဟုတ်သော်ရှိ မတော်လို့ ဧည့်သည်အလာနည်းနေလျှင် ကိုယ့်အပြစ်ဖြစ်လာဦးမှာ စိုးရသည်မို့ အလျှော့ပေးခဲ့ရတာချည်းပင်။ ဦးခွေးနီစပ်ု(ခ) ဦးအောင်မှတ်…တဲ့။ မနှစ်မြို့နိုင်ပေမယ့် ကျေနပ်ခဲ့ရတာပေါ့။ ခု…အလှူကတော့ ကိုယ့်စိတ်တိုင်းကျ ကိုယ့်အလှူ၊ ကိုယ့်သဘောပဲ။ သူမှန်းမသိလို့ မလာချင်လည်း နေကြပေတော့။ လာသလောက် ဧည့်သည်တွေကိုပဲ သူ့ကိုယ်သူ ဦးအောင်မှတ်အဖြစ် အသိမှတ်ပြုစေရတော့မှပဲ။

ဒါပေမယ့် ဆရာတော်ကတရားပေးတော့လည်း…

``ဒီကနေ့ ဒကာကြီး ဦးခွေး၊ အဲ… ဦးအောင်မှတ်ရဲ့ အသက်ခြောက်ဆယ်ပြည့် မွေးနေ့ဆွမ်းကျွေးအလှူ….´´

..ဆိုတော့ မခက်ပေဘူးလား။ ရေစက်ခွက်ကြီးရှေ့ချထားပြီး ဦးအောင်မှတ် ကျွဲမြီးတိုမိတယ်။ ဒီဆရာတော်ဟာ အသေအချာ လျှောက်ထားပန်ကြားခဲ့လျှက်နဲ့ စကားမှားဖြစ်အောင် မှားရသေးတယ်။

ဆရာတော်၊ သံဃာတော်တွေကို ဆွမ်းကပ်အပြီး ဝေးနီးဆီမှ ရောက်လာချီးမြှင့်ကြတဲ့ ဧည့်သည်တွေကို သေသေချာချာ ဧည့်ခံကျွေးမွေးတယ်။ အေးအေးဆေးဆေး တစ်ဝိုင်းချင်းကုိ ရှင်းပြတောင်းပန်ခဲ့တယ်။ ဒီနေ့အလှူက သူ့ရဲ့အသက်ခြောက်ဆယ်ပြည့် မွေးနေ့အလှူလည်းဖြစ်သလို ဦးအောင်မှတ်နာမည် ပြန်လည်အတည်ပြုရေး ကင်ပွန်းတပ်မင်္ဂလာလည်း ဖြစ်တဲ့အကြောင်း….။ နေ့မြင်ညပျောက် သေကာလ၊ ပျောက်ကာလ လူ့ဘ၀မှာ နေစရာနေ့ရက်တွေ သိပ်ကျန်တော့မယ်ဟု မမျှော်လင့်နိုင်ကြကြောင်း၊ သူကတော့ ကျန်ရှိသေးတဲ့ ဘ၀ရဲ့နေ့ရက်ကလေးကို ဦးအောင်မှတ်ဆိုတဲ့ အမည်ကောင်းတစ်မျိုးတည်းနဲ့သာ ဆက်လက်ရှင်သန် ချင်တော့ကြောင်းတွေ…. ဝေေ၀ဆာဆာပြောခဲ့လေရဲ့။

ပြီးတော့…ဦးအောင်မှတ် ဘ၀တုန်းက မိဘဂုဏ်ရှိန်နဲ့ လျှမ်းလျှမ်းတောက် လူဇော်လုပ် နေခဲ့ရတဲ့ ဘ၀နေ့ရက်တွေကိုလည်း ပြန်ပြောင်းတမ်းတမိသေးရဲ့။ ခွေးနီစပ်ဆိုတဲ့ နာမည်ကို ရခဲ့ချိန်ကစလို့ သူ့စိတ်ထဲမှာ သိမ်ငယ်နိမ့်ကျနေခဲ့ရတာ ဘယ်သူမှစာနာနိုင်မှာမဟုတ်။

သူ့ ပတ်ဝန်းကျင်မှာ နာမည်ပြောင်တစ်ခုနဲ့ တစ်သက်လုံး နေသွားခဲ့ကြသူတွေ အများအပြား ရှိနေခဲ့တာလည်း သူ… သိပါရဲ့။ ဒါပေမယ့် အဲဒီနာမည်တွေဟာ ကာယကံရှင်ကို ချစ်နိုးစိတ်နဲ့ ကျီစယ်ခေါ်ဝေါ်ခဲ့ကြရင်း တွင်ကျယ်လာခဲ့ ကြတာပဲ။ သူ့နာမည်ဟာ သူ့အတွက် ချစ်စနိုး ကျီစယ်လိုစိတ်နဲ့ ပေးထားတဲ့ နာမည်မျိုး ဆိုရင်တော့ ဘယ်လို အကောင်ပလောင်၊ တိရိစ္ဆာန်နာမည်ဖြစ်ပါစေ။ သူ… ကျေကျေနပ်နပ် ခံယူချင်ပါရဲ့။ အခု… သူ့နာမည်ကျတော့ သူ့ဘ၀တစ်လျှောက်လုံး ဆိုးမိုက်ရမ်းကားခဲ့၊ အနိုင်ကျင့် ဗိုလ်ကျခဲ့သမျှ ခံခဲ့ကြရသူ၊ တစ်နွယ်ငင်၊ တစ်စင်ပါ ရန်ငြိုးသိုဖွဲ့သူတွေက လိမ္မာစွာ ဆန့်ကျင်ကာ၊ သူ့အပေါ် နိုင်သလောက်အားနဲ့ လက်စားချေ တုန့်ပြန်ခဲ့ကြတာ။ တပြန် ဖိနှိမ်နိုင်စားခဲ့ကြတာ မဟုတ်လား။ ဒါကြောင့်သာ ဒီ နာမည်ပြောင်ဟာ တစ်ယောက်ကစ၊ တစ်ရာမကတော့ပဲ ပတ်ဝန်းကျင်အနှံ့ အလွယ်တကူ ပျံနှံ့တွင်ကျယ်ခဲ့တော့တာ။

                        သူ့မှာတော့ အချိန်တိုင်း ရှက်ရွံ့နာကျင်နေခဲ့ရတာ။ နာကျည်းနေခဲ့မိတာ။ သူ့အပြုအမူ၊ သူ့နေထိုင်မှုဟန်ပန်တွေဟာ ဘုကလန့်၊ လူ့ဂွစာတစ်ယောက်လို မူမှန်ဖြစ်မနေပြန်တာလည်း သိပါရဲ့။ ဒါပေမယ့် ကိုယ့်ကိုယ်ကိုယ်မှ မကျေနပ်နိုင်တဲ့ လူတစ်ယောက်ဟာ သူတပါးကျေနပ်အောင် နေပေးစရာလိုလို့လား။ နေလည်း မနေတတ်ခဲ့ပါဘူး။

အသက်အရွယ်ကလေး ရလာခဲ့တော့မှ အတွေးတွေ တဖြည်းဖြည်း ပြောင်းလာခဲ့တော့တာ။ ဆင်းပဲ ရဲရဲ၊ ချမ်းပဲသာသာ ကိုယ့်ဂုဏ်ကလေးကို ကိုယ်ဆယ်လို့ ဦးအောင်မှတ်ဘ၀နဲ့ပဲ တင့်တောင့်တင့်တယ် သေပါရစေတော့။

တပျော်တပါး၊ အားပါးတရ စားသောက်ရယ်မောနေကြတဲ့ ဧည့်ပရိတ်သတ်ကလည်း ဦးအောင်မှတ်ရဲ့ စိတ်ကူးနဲ့ ရည်ရွယ်ဦးတည်ချက်ကို ခုမှ နားလည်စာနာနိုင်ကြတော့တဲ့ပုံနဲ့…

``ဦးအောင်မှတ် သက်တော်ရာကျော်ရှည်ပါစေ

…ပေါ့။ အားလုံးရဲ့ နှုတ်ဖျားမှာ ဦးအောင်မှတ်ဆိုတဲ့နာမည်က တွဲလဲခို၊ ရေပမ်းစားနေပြန်တာကို ဦးအောင်မှတ်တစ်ယောက် ဂွမ်းဆီထိသလို၊ ရွှန်းပီတိတွေ တအိအိစိုနေတုန်းမှာပဲ….

``အား..ကောင်းလိုက်တဲ့ ၀က်သားဗျာ။ စားကောင်းကောင်းနဲ့ စားလိုက်တာ စူစကာဗိုက်ဖြစ်နေပြီ။ အင်း… ပြန်လိုက်ဦးမှ..ကိုခွေးနီစပ်ရေ….

ပြောတဲ့သူက အမှတ်မဲ့ပေမယ့် ဦးအောင်မှတ်က ဧည့်ပရိတ်သတ်အလည်မှာ သပြေသီးမှည့်ရောင် မျက်နှာညိုကြီးနဲ့၊ မျက်ထောင့်ကြီးနီလို့။ ပါးစပ်ကလည်း အယုတ္တ၊ အနတ္တတွေ တရစပ် မရပ်မနား ဆဲရေးရေရွတ်ပစ်လိုက်တာ ပွဲကို ပျက်ကရောတဲ့။

                                    @@@@@@@@

ခုတော့ အလွယ်တကူ ပျက်စီးခဲ့ရတဲ့ နာမည်တစ်ခုကို ပြန်ပြင်၊ အဖတ်ဆယ်ဖို့ တစ်ဘ၀စာလုံး အတင်းအကျပ် ကြိုးစားခဲ့ရတဲ့ ဦးခွေးနီစပ်ကြီးတစ်ယောက် ဆုံးပါးကွယ်လွန် ခဲ့ရှာပါပြီ။ နာရေးဖိတ်စာမှာ…၊ နာရေးမှာ ဧည့်ပရိတ်သတ်ကို ကမ်းတဲ့ယပ်တောင်မှာ… `ဦးခွေးနီစပ်(ခ)ဦးအောင်မှတ်´လို့ပဲ ဖော်ပြထားပါတယ်။ သရဏဂုံတင်တဲ့ ဘုန်တော်ကြီးရဲ့ ရေစက်ချတရားတော်ထဲမှာလည်း ဦးခွေးနီစပ်(ခေါ်) ဦးအောင်မှတ်ပါပဲ။

“ငါသေရင် မီးသဂြိ င်္ုလ်ပစ်ပြီး ဘာအရိုးပြာမှ ကောက်ယူ ဂူတည် မနေနဲ့။ အို.. ကုန်ကုန်ပြောမယ်။ ငါ့နာမည်နဲ့ ပတ်သက်သမျှ ဘာ…လက်စလက်နမှ မကျန်ခဲ့ချင်ဘူး… ရှင်းလား”

အခုထိတော့ ဦးခွေးနီစပ်ကြီးအကြောင်း စကားစပ်ဆိုင်လို့ ပြောဖြစ်ကြရင် ဦးခွေးနီစပ်ဆိုတဲ့ နာမည်ကိုပဲ သုံးစွဲပြောဆိုနေကြတုန်းပါပဲ။

လူကြီးမင်းများခင်ဗျာ…အိမ်ထောင်မှု၊ ဘုရားတည်၊ ဆေးမင်ရည် စုတ်ထိုး ဆိုတဲ့ `နောင်ပြင်ရန်အခက်  တွေထဲမှာ `နာမည်ဆိုး´ဆိုပြီး နောက်တိုးတစ်မျိုး မပါဝင်ခဲ့ဖူးတာ သေချာပါရဲ့လား။ ။

                                                                            သတိုး

ပန်ပါ

ဝါရွှေရောင်ပိတောက်ဖူးတို့ တစ်ကြိမ်ဖူးပွင့်ခဲ့ပြီးဖြစ်သော်လည်းသင်္ကြန်ကျရန် ရက်အနည်းငယ်လိုပါ သေးသည်။

မျှော်လင့်သောသင်္ကြန် ရောက်မလာသေးသော်လည်းတူးပို့..တူးပို့… သင်္ကြန်ဒိုးသံများကတော့ ဒီနှစ်မှ ပိုလို့တောင်မြူးကြွမြိုင်ဆိုင်နေသလိုပင်။

``ဒီနှစ် သင်္ကြန် ငါအရောက်ပြန်လာခဲ့မယ် မီ´´

ညီ့ထံမှ စေပါးလိုက်သော အမှာစကားကို ရရှိ၊ ကြားသိပြီးချိန်မှစလို့သင်္ကြန်ကျဖို့ မီ…မျှော်မောစိတ်စော နေခဲ့ပါသည်။

ခြံထောင့်က ပိတောက်ပင်ကြီးမှာ ပိတောက်ဖူးလက်ကျန်တို့ စိမ်းမြမြ၊စီရရီကျန်ရှိနေသေးသည်။ စိမ်းညိုစိုလက် အရွက်ဖားဖားတို့ကြားမှ ရွှေဝါအဆင်းနှင့် ၀င်းလက်ပွင့်ဖူးလာ တော့မည့် ပိတောက်ပန်းတို့ ကလည်း ညီပြန်ရောက်အလာကိုစောင့်ကြိုငံ့လင့်နေကြသည်ထင့်။

* * *

မီ နှင့် ညီတို့သည် ငယ်နုစဉ်ကလေးဘ၀မှာကတည်းက ဒီပိတောက်ပင်ကြီးအောက်မှာအတူဆော့စား ကြီးပြင်းလာခဲ့ကြပါသည်။ ဒါပေမယ့် …ညီခူးပေးသော ပိတောက်တစ်ခက်ကိုဖြင့် မီ တစ်ခါဖူးမျှ မပန်ဆင်ခဲ့စဖူး။

``ညီရေ….ပိတောက်တွေ ပွင့်တော့မယ်နော်´´

ညီကတော့ အရေးမထားစွာ``အင်း´´ တစ်လုံးထက်မပိုတတ်ခဲ့။

``ညီရေ…ငါတို့ခြံမှာ ဒီမနက် ပိတောက်တွေ စပွင့်တယ်´´

``ဟုတ်လား..။လာ…သွားကြည့်ရအောင်´´

…ရယ်လို့ ညီ..ဘယ်တော့မှ မဆိုခဲ့ပါ။

``ညီရယ်…လာပါ။မီ့ကို ပိတောက်ပန်းတွေ ခူးပေးစမ်းပါ´´

..ဟုတော့ မီ့နှုတ်က အတင်းအကျပ် ထုတ်ဖေါ် မတောင်းဆိုချင်ခဲ့ပေ။ မီလည်းပဲမိန်းကလေးပီပီ ပန်းကြိုက်တတ်သေးသော်လည်း ကေသာရွရွ ပန်ဆင်ရန်အတွက်တော့ဘယ်တုန်းကမှ စိတ်ကူးတရ ရှိခဲ့ဖူးတာမဟုတ်။

ဒါပေမယ့် မီ့ဖို့ရယ်လို့ ညီကစိတ်လိုလက်ရ ခူးလာပေးခဲ့လျှင်တော့အမှန်တကယ် ၀မ်းမြောက်ပျော်ရွှင်မည့် သူဖြစ်ပါသည်။ ညီ ခူးယူပေးသော ပိတောက်ပန်းတို့ကို အဦးဆုံး ဘုရားမှာ ကပ်လှူပူဇော်မည်။ ပြီး…မီ့ အိပ်ခန်းပန်း အိုး လေးမှာ လှပဝေဆာစွာ ထိုးစိုက်ထားဦးမည်။ညီကမီကို ပန်စေချင်သည်ဆိုလျှင်တာ့ ကေသာဆံစပ်မှာ တစ်ပွင့်၊တစ်ခက်ထိုးစိုက်ပန်ဆင်ကာ အမူပို အပြုံးနှင့် ငြူစူရောင်ပြုမိဦးတော့မည်။

ဒါပေမယ့်…ညီသည် ပိတောက်ဝါတို့ ဖူးပွင့်လေတိုင်း မီ့ကို တစ်ကြိမ်တစ်ခါမျှ သတိမရခဲ့ပါပေ။

* * *

``ဟယ်…ညီ၊ ပိတောက်ပန်း တက်ခူးနေတာလား´´

``အင်း……´´

မီတို့နှစ်ယောက်သားထို့ထက်ပု၍ စကားမဆိုဖြစ်ကြတော့။ သူ..အပင်ပေါ်မှခူးယူချွေချပေးသော ပိတောက်ခက်တွေကို မီက တစုတစည်းတည်းဖြစ်အောင်ကောက်ယူစုဆောင်း ပေးထားရသည်။ ပြီး ရွှေဝါရောင် ပိတောက်ပွင့်ဖတ်တို့နှင့်လိုက်ဖက်သင့်တော်ရုံ အနေတော်ဖယ်ချန်ကာ အရွက်စိမ်းစိမ်းတွေကိုချွေပစ်ရသည်။ ညီက ထိုပိတောက်ဝါတို့ကို လှလှပပစည်းနှောင်ထုတ်ပိုး နေ တော့  လည်း ဘေးကကူညီ၊ကြည့်ပေးရုံပင်။ ဘယ်သူ့အတွက်လဲရယ်လို့ မီမမေးပါ။ မေးနေစရာ လိုသေး လို့လား။ မီဖို့မဟုတ်တာ သေချာနေပြီးသားပဲလေ။

``မီ…ဒီည ….နင်တို့ ယိမ်းအက တိုက်ရဦးမှာလား´´

``အင်းလေ…..´´

``ညကျရင် နင့်ကို ငါလိုက်ပို့ပေးမယ်´´

မီ့နှုတ်ခမ်းတွေ မဲ့ကွေးထားပြလိုက်သည်။ သူကများ မီ့ကိုသင်္ကြန်ယိမ်းတိုက်နေသော ရပ်ကွက်ဓမ္မာရုံဆီ လိုက်ပို့ပေးဦးမလို့တဲ့။

ညီတို့အကြောင်းကို မီက နောကျေနေအောင်သိထားပြီးသူမို့ မယုံကြည်ပါ။ မီတို့ယိမ်းအဖွဲ့မှ တစ်ယောက်ယောက်ကို ညီ…ပတ်သက်ရန်ကြိုးစားနေတာဖြစ်ရမည်။ မီ့အထင်မမှားဘူးဆိုလျှင်ဒီနှစ်ခရိုင်သင်္ကြန်မယ်ဆုအတွက် လျာထားတစ်ပေးခံထားရသော `ရွှေရည်´´ဖြစ်နိုင်ပါသည်။

အဲဒီညနေ ညီ့ဆိုင်ကယ်ပေါ်က မီအဆင်း၊ ဓမ္မာရုံထဲဝင်ရောက်ပြီးခဏအကြာမှာပင် ရွှေရည်တို့အုပ်စု ရောက်လာခဲ့ကြတော့ ပိတောက်ပန်းတွေ ထိန်ဝါဝေလို့ပင်။

``မီ…ပန်ဦးမလား´´

ရွှေရည်ကမေးတော့….

``ဟင့်အင်း…။ အဲဒါ မီတို့ခြံထဲက ပွင့်တာလေ….။ မီက ပန်းမပန်တတ်လို့……´´

တကယ်လည်း မီက စင်ပေါ်မှာ ဧည့်ခံကပြနေစဉ် ပန်ထားရသော ပိတောက်ပန်း အတုကိုတောင် စင်အောက်ရောက်သည်နှင့် ဆွဲဖြုတ်ပစ်တတ်သူမို့ယိမ်းခေါင်းဆောင်ဆရာမ၏ ဆူပူကြိမ်းမောင်းခြင်းကို အမြဲခံယူ နေရသူဖြစ်လေသည်။

* * *

“ရွှေရည်က လှတယ်မဟုတ်လား…မီ”

““အဲတော့ ဘာဖြစ်လဲ”

မီ့မျက်စောင်းတို့ သူ့ထံလွင့်ခနဲ ရောက်လေလျှင် သူက လှစ်ခနဲပြုံးလိုက်ကာ ….

“သင်္ကြန်အတက်နေ့ကျမှ ငါ့ကို အဖြေပေးမှာတဲ့”

“…………………..”

“ငါ ဈေးဆစ်တာပေါ့။ ဒါပေမယ့် မရပါဘူးဟာ…”

“အဲဒါ…ငါနဲ့ဆိုင်လို့လား….”

“နင်ကလည်း….အသားလွတ်ကြီး စွတ်အော်နေစရာလား။ ငါကဆိုးတိုင်ပင်၊ကောင်းတိုင်ပင် သူငယ်ချင်း တွေမို့ နင့်ကိုပြေပြတာ….”

မီ့လေသံ အနည်းငယ်လျှော့ချရတော့သည်။ သို့သော်…

“အဲဒါတွေ ငါ့ လာမပြောနဲ့…“

ဒါပေမယ့် ခဏနေတော့လည်း ဒီစကားတွေဆီပဲ ပြန်ဦးတည်လာပြန်တော့တာပင်။

အဲဒီရွှေရည်ဟာ ရုပ်ကလေးလှသလောက် အထာအမျိုးမျိုးနဲ့ စိတ်ကစားတတ် သေးတာ။ ညီအပါအ၀င် သူမကုိ ပတ်သက် နွယ်ငင်လာသူမှန်သမျှကို မျှတစွာအရောတ၀င်နေတတ်သူဆိုတာ ညီမသိဘူးလား။ သိလည်းပဲ ညီ ဂရုစိုက်လိမ့်မည် မထင်။ မီကလည်း သူတပါးမကောင်းသတင်းပြောရန် နှုတ်တွန့်ဝန်လေးလှပါသည်။

ဒါပေမယ့် ညီဟာ ရွှေရည့်အပေါ် ဘယ်လောက် စွဲလန်းခဲ့ပြီလဲ မသိ။ အဲဒီလိုဆိုလျှင်တော့ ညီ ခံစားနာကျင်ရ တော့မှာ သေချာသည်။

ညီ့နှလုံးသားမှာ ဒဏ်ရာအနာတရဖြစ်ရမှာမျိုးတော့ မီမလိုလားတာအမှန် ။ ဒါပေမယ့်….

“ငါ……ရင်တွေခုန်နေတယ် မီရဲ့”

“ဖြစ်တတ်တာပဲလေ…..”

“အံမယ်…..နင်က ဆရာမကြီးစတိုင်နဲ့။ နေစမ်းပါဦး။ နင်က ဘယ်တုန်းက အဲလိုခံစားဖူးလို့လဲ”

“ဆယ်တန်းအောင်စာရင်း စောင့်ကြည့်ကြတဲ့ ညတုန်းကလေ………”

“အာကွာ……။ အောင်စာရင်းရင်ခုန်တာနဲ့ ဘာမှမဆိုင်ပါဘူး…။ တစ်မျိုးစီပဲ ။ သိလည်းမသိပဲနဲ့…..”

“ဟုတ်ကဲ့။ ကျွှန်မကတော့ မသိနားမလည်ပါဘူး လူကြီးမင်းရယ်…။ ဒါပေမယ့် တစ်ခုတော့သတိပေးလိုက်ပါမယ်နော်။ ဘယ်သူ့ဆီကမှ အများကြီးမျှော်လင့်မထားပါနဲ့။ ကဲ…… ကြွပေတော့။ နားငြီးတယ်…………”

* * *

“ယိမ်းနွဲ့ကာ တီးကွက်နဲ့အတူ က…စဉ်……လက်ခုတ်သံ စည်းချက်လိုက်မှာလား…………”

စင်ပေါ်မှာ မီတို့အဖွဲ့ ပြိုင်ပွဲဝင်နေစဉ်ကတည်းက ပရိတ်သတ်ကြားမှာ ညီ့ကိုလှမ်းတွေ့လိုက်သေးသည်။

သီချင်းပြီး၍ စင်အောက်ပြန်ဆင်းတော့ မီတို့ကို လှမ်းတွေ့မြင်သာရုံခပ်ဝေးဝေး ကနေ ကြည့်ငေးနေတာ တွေ့ရပြန်သည်။ ရွှေရည့် သူငယ်ချင်းတွေက ရွှေရည့်ကို သတင်းလှမ်းပို့ရင်း တွတ်ထိုးနေကြတာကို မီက ဂရုစိုက်မနေပဲခေါင်းပေါ်က ပိတောက်ပန်းခြောက် အတုတွေကို ဖြုတ်ပစ်ရန် ကြိုးစားနေမိသည်။

“မီ….ပန်းတွေကို ဖြုတ်ပစ်နေပြန်ပြီလား။ နောက်တစ်ကြိမ်ပြိုင်ပွဲဝင်ဖို့ရှိသေးတာ သိသားနဲ့။ အဲဒီကလေးမ ကတော့…..”

မီ မျက်နှာကြီးမအီမလည်နှင့် စူပုတ်နေရတော့သည်။

“မီ…ဘာဖြစ်နေပြန်တာလဲ…”

“ငါ ဆူခံထိထားတာ နင်မကြားဘူးလား”

“ကြားတယ်လေ။ နင်ကလည်းနင်ပဲကို……….”

“ငါ ဇက်ညောင်းလို့………..”

“အပိုတွေ…..။ ညီက နင့်ကို အရေးမလုပ်ပဲ ရွှေရည့်ကိုပဲ ခစားနေလို့မဟုတ်လား…..”

“မိနွယ်နော်….။ငါ စိတ်တိုနေတာ။ မဟုတ်တာတွေ လာမပြောနဲ့”

“ကဲပါ။ မပြောနဲ့ဆို မပြောပါဘူး။ ရော့….အချိုရည်ဗူး ယူလိုက်ဦး။ဒီမှာမုန့်လည်းစား…..။ ဒီည ညည့်နက်လိမ့်မယ် ထင်တယ်ဟ…”

မီ တကယ်ပဲ ဗိုက်ဆာနေတာမို့ မိနွယ်လက်လှမ်းသော မုန့်ကို ပလုတ်ပလောင်း စားကာ အချိုရည်နှင့် မျှောချနေလိုက်သည်။

“ဟဲ့ ..ဟိုမှာတွေ့လား။ ဒီအချိုရည်နဲ့ မုန့်လာကြွေးတဲ့ အန်ကယ်လ်နဲ့အန်တီတို့ လင်မယားလေ… ။ သူတိုကဘေးက တစ်ယောက်က သူတို့သားတဲ့…အမိုက်စားပဲဆရာ……“

“………………..”

“နင့် ညီတော့ ခံရပြီထင်တယ်။ အဲဒီတစ်ယောက်က ရွှေရည်နဲ့ ဘာလိုလိုပဲတဲ့။သူ့သူငယ်ချင်းတွေ ၀ိုင်းစနေကြတာ…”

မီ သောက်လက်စ အချိုရည်တောင် သီးသွားရလေသည်။

* * *

သင်္ကြန် အတက်နေ့……။

ညီ့စကားအရ ရင်ခုန်မျှော်လင့်သောနေ့ ဖြစ်လေသည်။

သို့သော်………

“ရွှေရည် ပုံပြောသွားပြီ….တောက်”

“ဟဲ့..သူ့မှာ ဘာအခက်အခဲရှိလို့ရောက်မလာနိုင်တာလဲ စုံစမ်းပါဦးတော့….”

“စုံစမ်းပြီးပြီ။ သူ့ အကောင်သစ်နဲ့ ရေပက်ခံထွက်လည်နေတာလေ…”

မီ ဘာဆက်ပြောရမလဲတောင် မသိတော့။ ထိုနေ့ တစ်နေ့လုံး ညီတစ်ယောက်အိမ်ပြန်မရောက်တော့……

“မီရေ…ညီ ဘယ်တွေသွားတတ်သလဲ။ သမီးသိလား...”

ညီ့အမေက ဖုန်းဆက်မေးလေလျှင် မီလည်းမသိတတ်နိုင်။

ညနေပိုင်းမှာ မီတို့ယိမ်းအက တစ်ဖွဲ့လုံး ရေပက်ခံကားဖြင့် မြို့ထဲလည်ရန်လူကြီးများက စီိစဉ်ပေးပါသည်။

“ဟဲ့ တို့နောက်က ကပ်ပါလာတဲ့ဆိုင်ကယ်ဟာ ညီတို့မဟုတ်လား”

“ဟုတ်ပါရဲ့။ ဟဲ့ မူးနေကြပြီ ထင်တယ်”

ညီတို့ဆိုင်ကယ်သည် မီတို့ကားကု ကျော်တက်သွားလျှင်ရနိုင်လျှက်နှင့်ကျော်မတက်။ နောက်က ကပ်လိုက်လာရင်း နှုတ်ကလည်း ဘာတွေအော်ဟစ်နေမှန်းမသိ။

မီတို့ကားပေါ်မှာလည်း ကက်ဆက်က သင်္ကြန်သီချင်းတွေ ဖွင့်ပေးထား သောကြောင့်အားလုံးသံပြိုင် လိုက်အော်ဆိုနေကြရာ ဆူညံနေလေပြီ။ ညီတို့ ဆိုင်ကယ်ကိုရွှေရည်လည်း တွေ့ထားပြီးဖြစ်ပုံရကာ မမြင်ယောင် ပြုနေခဲ့လေသည်။

မီတို့၏ရေပက်ခံကား ည ရပ်ကွက်ထဲပြန်ဝင်လေမှ ညီတို့တတွေ ဆိုင်ကယ်ကုိဝူးခနဲ အရှိန်ပြင်းပြင်း မောင်းနှင်လမ်းခွဲသွားလေသည်။

* * *

မီတို့မြို့ကလေးက ညီထွက်ခွာသွားခဲ့တာ သင်္ကြန်သုံးနှစ်ပင် ဖြတ်သန်း လွန်မြောက်ခဲ့ပြီ။

ညီ မရှိတော့သော သင်္ကြန်ရက်များသည် မီအတွက် ပျော်စရာမကောင်းခဲ့ တော့ပေ။

မီတို့ ခေါင်းရင်းခြံသို့ ညီတို့သားအမိပြောင်းရွှေ့လာခဲ့ကြစဉ် မီနှင့်သူ ငါးတန်းနှစ်ကတည်းက သင်္ကြန်တွေမှာ အတူတူပျော်ရွှင်ခဲ့ဖူးကြတာ…..။

မီတို့တတွေ အရွယ်ရောက်လာချိန်မှာတော့ ညီသည် မီ့အနားမှာ အမြဲရှိ မနေတတ်ခဲ့တော့ပါ။

“ညီ…နင်တို့ရေပက်ခံထွက်ကြမလို့ဆို….”

“အေးလေ။ ဘာလဲ…နင်က လိုက်ချင်ပြန်ပြီလား….”

အမှန်တော့ မီလည်းလိုက်လည်ချင်လို့သာ စကားစမိတာဖြစ်သည်။

ဒါပေမယ့်…“နင်လည်းလိုက်ခဲ့ပါလား မီ” ဟု သူက စမခေါ်ပဲတော့မီဘက်ကခွင့်တောင်းခံပြီး မလိုက်လိုပါ။ သူကလည်း…..

“လိုက်မနေပါနဲ့ မီရယ်။ သင်္ကြန်လည်တာ မိန်းခလေးတွေအတွက် မကောင်းပါဘူး။မထော်မနန်းတွေ နင်လည်းမြင်တွေ့ နေတာပဲ မဟုတ်လား“

“ဒါဆို..နင်တို့ဆိုင်ကယ်နောက်က ကောင်မလေးတွေကျတော့ရော…“

“သူတို့က သူတို့ပဲလေ…။ နင်လိုက်မတုနဲ့…။လိုအပ်ရင် ငါကသူတို့အားလုံးကုိလျစ်လျှူရှုနိုင်တယ်။ နင်ပါလာရင်သာ ငါ နောက်ဆံငင်နေရမှာ…”

“ငါက ဘာဖြစ်နေမှာမို့လဲ…”

“နင်ကတော့ ဘာမှမဖြစ်ဘူးပေါ့။ဒါပေမယ့် …..အာကွာ။မလည်ချင်ပါနဲ့ဆိုကွာ…။ ငါနဲ့လည်းမလိုက်နဲ့..။ ဘယ်သူခေါ်လို့မှလိုက်မလည်ပါနဲ့မီရယ်…နော်။ပလိစ်….”

“…………………”

“ငါ နှစ်ဆန်းတစ်ရက်နေ့ကျရင် နင့်ကို နံနက်အစောကြီးဘုရားလိုက်ပို့ပေးမယ်ကွာ…။ ကျေနပ်တော့ ဟုတ်လား….”

ဒီလောက်ဆိုလျှင်ပင် မီကျေနပ်နိုင်ခဲ့ပါသည်။

နှစ်ဆန်းတစ်ရက်နေ့ရောက်တိုင်း မီ့အားဘုရားပို့ပေးနေကျ ညီသည်ထိုနှစ်သင်္ကြန်မှာတော့ မီ့အပေါ် ကတိပျက်ခဲ့တော့သည်။

မီကတော့ ဘုရားပေါ်မှာ ညီ့အတွက် ပန်း၊ရေချမ်း၊အမွှေးနံ့သာတိုင်သက်စေ့ထွန်းလှူကာ ညီတစ်ယောက် ကျန်းမာပကတိရှိနိုင်ပါစေကြောင်း အထပ်ထပ်တောင်းဆုချွေ နေခဲ့မိသည်။

မီတို့ ရေပက်ခံကားနောက်မှ ကပ်လျှက်လိုက်ပါလာခဲ့ကြပြီး လမ်းခွဲအထွက်မှာပင် ညီတို့ ဆိုင်ကယ်အက်ဆီးဒင့်ဖြစ်ခဲ့ကြတာ…။ ညီကဆိုင်ကယ်နောက်မှလိုက်စီးသူမို့ အဝေးကြီး လွင့်သွားကာဒဏ်ရာပုိမိုပြင်းထန်ခဲ့ပါသည်။

မြန်မာပြည် အလယ်ပိုင်းမြို့ကလေးမှာ နေထိုင်သောညီ့ဖခင်ထံ ဖုန်းဆက် ကာရန်ကုန်မှာကြိတင်စောင့်ဆိုင်း နေစေရသည်။ သတိမရသေးသော ညီ့ကိုတော့ရန်ကုန်ဆေးရုံကြီးသို့ လွှဲပို့ရန် စီစဉ်ကြရပြန်သည်။

ရန်ကုန်မှာ နှစ်လနီးပါးခွဲစိတ် ကုသအပြီး ညီတစ်ယောက် ပြန်လည် နေကောင်း ကျန်းမာလာခဲ့လျှင်တော့ မီလည်း မြိုကကလေးမှနေ ညီကိုမျှော်ရင်းမောလှပြီ။

ဒါပေမယ့် မီတို့မြို့ကလေးသို့ ညီတစ်ယောက်ပြန်ရောက်မလာခဲ့တော့ပါ။ ညီ့ ဖေဖေနှင့်မေမေက နယ်လုကြရင်း လမ်ခွဲခဲ့ကြအပြီး …ညီကသူ့မေမေနှင့်လိုက်ပါနေထိုင်ခဲ့တာ ဖြစ်ပါသည်။ ညီဆယ်တန်းအောင်ပြီးချိန်မှာ ဖခင်နှင့်တလှည့်ပြန်နေကာ တကသိုလ်ဆက်တက်စေရန်စီစဉ်ခဲ့ကြပြန်သည်။ ခေါင်းမာသော ညီက အဝေးသင်ပဲယူကာ မြို့ကလေးမှတဖ၀ါးမခွာ။

“ငါက နင်တစ်ယောက်တည်း ကျန်နေခဲ့မှာစိုးလို့ သိလား”

နောက်တောက်တောက် အပြောမှာ အမှန်တ၀က်မက ပါဝင်နေတာ မီခံစားနားလည်ကျေနပ်နေခဲ့ဖူးသည်။

အက်ဆီးဒင့် ဖြစ်ပြီးနောက်မှာတော့ မိခင်ကြောင့် ညီပျက်စီးရသည်ဟုအပြစ်တင်ဖို့ကာ အဘွားနှင့်ဖခင်က ဆေးရုံမှအဆင်းတွင် သူ့ကိုတစ်ပါတည်းခေါ်ချသွားတော့သည်။

ညီ…ဟိုမြို့ကလေးသို့ရောက်စကတော့ မီ့ထံ တယ်လီဖုန်းလောက် လှမ်းဆက်ဖေါ်ရသေးသားပင်။

“ငါ…ဖေဖေ့ ပွဲရုံမှာ ၀င်ကူနေရပြီ…”

….ဆိုကာ တဖြည်းဖြည်းသွေးအေးသွားသောအခါ တစ်နှစ်လုံးနေမှတစ်ကြိမ်၊နှစ်ကြိမ် စကားပြောဖြစ်ကြရုံရှိတော့သည်။ ခု…နောက်ဆုံးတစ်ကြိမ်… မိံထံဖုန်းဆက်ခဲ့ လျှင်တော့ ……

“မီတို့ ခြံထဲက ပိတောက်ပင်ကြီး အဖူးတွေနဲ့လား”

“တစ်ကြိမ်တောင် ပွင့်ပြီးသွားပြီ”

“ဟာကွာ ။နစ်နာလိုက်တာ”

မီက….

“ဘာ ဇာတ်လမ်းတွေ လာရှာဦးမလို့လဲ”

သူ တဟဲဟဲသာ ရယ်မောနေခဲ့သည်။

“နေဦး…။ပိတောက်တွေပွင့်တာမြင်ရင် နင်ရော…ငါ့ကို သတိမရနေဘူးလား”

မကွယ်မ၀ှက် ၀န်ခံကြေးဆိုလျှင်တော့ မီ သူ့အားပြင်းပြင်းပြပြ သတိရ နေတတ်တာပေါ့။ နှုတ်ကတော့…..

“ငါ နင့်လို ပိတောက်ရူးမဟုတ်ဘူး ”

ပြောပြီး ဖုန်းချပစ်လိုက်တော့သည်။

* * *

သင်္ကြန်ရက်အတွင်းအရောက်လာခဲ့မည်ဆိုသော ညီက တကယ်တမ်းမှာ သင်္ကြန်လွန်လေမှရောက်လာနိုင်တော့သည်။

သင်္ကြန်၇က်အတွင်းမှာ သူ့ဖခင်ဘက်မှ ဆွေမျိူးများ၏ အလှူရှိ နေလို့ဟုဆိုပါသည်။ ညီ့အဖွားက ညီ့ကိုပါ ရဟန်ခံပေးချင်သည်ဖြစ်ပြန်ရာ ရှင်လိန်ပြန်ညီတစ်ယောက် ကတုံးအသစ်စက်စက်နှင့် မီ့ထံသို့ရောက်လာခဲ့ပါသည်။

“မီ ..ပိတောက်တွေကျန်သေးလား”

“ဘယ်လိုဖြစ်နေလဲ …..အသည်းအသန်။ တို့မြို့မှာ နင်မရှိကတည်းက ပိတောက်လက်ကျန်တွေ အများကြီး….”

ပိတောက်ပင်အောက်သို့ သူနှင့်အတူ ပထမဆုံးအကြိမ် ပြန်ရောက်ရခြင်းပဲဖြစ်သည်။

“နင်..ခဏလေးစောင့်ဦး မီ”

“ဟဲ့…”

တားမနိုင်၊ဆီးမရစွာ ပိတောက်ပင်ပေါ် တလွှားလွှားရောက်သွားခဲ့ပြီ။

“မီရေ…ဖမ်းထား…..ရော့….”

မီကတော့ အေးဆေးစွာ …ပိတောက်တွေ မြေပေါ်ရောက်ပြီးမှ တစ်ခက်ချင်းကောက်ယူစုပုံ ပေးထားလိုက်ပါသည်။

အကိုင်းနိမ့်တစ်ခုဆီအရောက်မှာတော့ ညီသည် မီ့ရှေ့တည့်တည့်သို့ ရုတ်တရက် ခုန်ချလိုက်တော့တာမို့ မီလန့်သွားရတာကို ညီကသဘောကျရယ်မောနေခဲ့သေးသည်။

“ရော့…….”

မီက သူမ၏ လက်ကလေးကုိ ချက်ချင်းနောက်ပြန် သိမ်းဝှက်လိုက်ကာ ခြေတစ်လှမ်းတောင် ဆုတ်လိုက်မိသေးသည်။

“ပိတောက်လက်ဆောင်လေ မီရဲ့…။ နင့်ဖို့…...”

မီ ချာခနဲ လှည့်ထွက်ခဲ့လိုက်တော့သည်။

* * *

“ဒီ ငုဝါပင်ကလေးက နင်ကိုယ်တိုင်စိုက်ထားတာပေါ့။ ဟုတ်လား….မီ”

မီ ခေါင်းညိတ်ပြလိုက်ပါသည်။ ညီက လေးလေးနက်နက်ပြုံးနေခဲ့လျှက်က…..

“……ဟုတ်တယ်နော်။ မီပြောမှ တွေးမိတယ်။ လူတွေအတော်များများက တစ်နှစ်မှတစ်ခါသာပွင့်တယ်ရယ်လုိ့ ပိတောက်ကိုသာ သဲကြီးမဲကြီး ရှိနေကြတာ..။ ဒါပေမယ့်ပိတောက်အလှက ခဏပဲ။ ငုဝါပန်းလေး တွေကမှ ဘယ်သူသိသိ၊မသိသိ တစ်နွေလုံးလှနေ၊ ဝေနေတော့တာပဲ…”

အဲဒီ ဇွတ်တရွတ်နိုင်သောညီက အညာမှ သူ့အဖေနှင့်အဘွားကို ချက်ချင်းကြီး လှမ်းမှာကာ သူ့အမေနှင့်အတူ မီ့မိဘတွေထံ လာရောက် ကြောင်းလမ်းကြတော့မည်။ ပြီး.....

“တို့နှစ်ယောက် တူတူနေရင် ငုဝါပန်းတစ်ပင် ကိုယ် ကိုယ်တိုင်စိုက်ပေးဦးမယ်”

………..တဲ့။

မီ ငြင်းလိုက်ပြန်လျှင်လည်း အနှစ်နှစ်၊ အလလက ….ငယ်သံယောဇဉ်တွေကိုမထောက်ညှာရာ ရောက်မှာ စိုးပါသည်။ ။

သတိုး

ဆုံမှတ်တစ်ခုဆီမှ….

တကယ်တော့ ဒီနေရာလေးမှာ မတစ်ယောက် ရှိနေနှင့်ခဲ့လို့သာ ကျွန်မတို့တတွေ နေပျော်ခဲ့ကြတာဖြစ်ပါသည်။ မဟုတ်လျှင်တော့ ဒီနေရာလေးဟာ အကျယ်ချုပ် အကျဉ်းကျနေတာနှင့် မခြား စိတ်လေခြောက်ခြားစရာ ကောင်းနေမည်လားမသိ။

စရောက်သည့်နေ့ကစလို့ ကျင့်ကြံလိုက်နာစရာစည်းမျဉ်းများ၊ ရှောင်ရှားရမည့် အမူအကျင့်များ၊ အပြုအမူများ၊ အချိန်ဇယားများ စသည်ဖြင့် ခေါင်းနောက်စိတ်လေချင်စရာချည်းပင်။ ဆယ်တန်းစာမေးပွဲကြီးကို ထူးထူးချွန်ချွန် အောင်ချင်စိတ်တစ်ခုကြောင့်သာ ဒီနေရာသို့ ရောက်လာခဲ့တာဖြစ်သည်။ တကယ်ဆို ကျွန်မ…မေမေနှင့်ခွဲချင်ခဲ့တာ မဟုတ်။ အတူနေစဉ်က သိပ်မတည့်လှသော ညီမလေးကိုလည်း ခုတော့ လွမ်းရကောင်းမှန်းသိနေပြီ။

``တိုတွေက အရင်ဘ၀တုန်းက ရေစက်ရှိခဲ့ကြလို့သာ တစ်နေရာစီကနေရောက်လာပြီး ဒီမှာ တစ်စုတစ်ဝေကြီးနေရဖို့ အကြောင်းဖန်လာတာပေါ့။ ဒါပေမယ့် ခုလိုနေခွင့်ရမှာက အကြာကြီးလည်း မဟုတ်ဘူး။ ဒီစာသင်နှစ် တစ်နှစ်တည်းပဲ။ ပျော်စရာတွေလည်း ရှိမယ်။ စိတ်ညစ်စိတ်ရှုပ်စရာတွေလည်း ရှိမှာပေါ့။ ဒါပေမယ့် တို့…ညီအစ်မတတွေ စုစုစည်းစည်း တိုင်တိုင်ပင်ပင်၊ ညီညီညွတ်ညွတ်နဲ့ ရင်ဆိုင်ကြမယ်။

သူမ၏ အရပ်အမောင်းက ကျွန်မတို့တတွေထက် အနည်းငယ်မျှသာ မြင့်ပေလိမ့်မည်။ အသားဖြူဖြူ ပိန်သွယ်သွယ်ကလေးမို့ ကျောင်းသူမတွေနှင့် သိသာစွာ မခြားနားလှ။ ကျောလယ်ထိရှည်သော ဆံပင်ကို နောက်သို့စုသိမ်းကာ ကလစ်တစ်ခု၊ သို့မဟုတ် ခေါင်းစည်းကြိုးတစ်ချောင်းနှင့် ထာဝစဉ် စည်းနှောင်ထားတတ်သည်။ သူမ၏ မျက်ဝန်းကြည်ကြည်လေးတွေက နူးညံ့ခြင်း အရိပ်တစ်မျိုး ယှက်သန်းနေလျှက်။ ပန်းသွေးရောင်နှုတ်ခမ်းပါးများကတော့ နွေးထွေးစွာ ပြုံးနေခဲ့လေသည်။

ကျွန်မတို့အားလုံးက သူမကို မ..ဟု တစ်လုံးတည်းအဖျားဆွတ်ကာ ချစ်နိုးစွာခေါ်ခဲ့ကြပါသည်။ မကလည်း ကွန်မတို့အားလုံးကို လိုအပ်သောတစ်ခါတစ်ရံမှလွဲလျှင် နာမည်အရင်းအတိုင်း ခေါ်ခဲလှသည်ပင်။ ဘယ်သူ့ကိုမဆို ညီမလေးဟုသာ ကြင်နာနွေးထွေးစွာ နူးနူးညံ့ညံ့ခေါ်ပြောဆက်ဆံတတ်ခဲ့တာဖြစ်သည်။

``ဘာအကြောင်းပဲ ရှိရှိ မကို အသိပေးပါ။ တိုင်ပင်ပါ နော်။ မ..ညီမလေးတို့ကို ကိုယ့်ညီမလေးအရင်းတွေလို တစ်နှစ်လုံး စောင့်ရှောက်မှာ

မိန်းကလေးတချို့ နှာခေါင်းရှုံ့လိုက်ကြတာ သူမလည်းမြင်လိုက်ရပါလျှက် မသိသလို မျက်နှာလွှဲလိုက်လေသည်။ ကျွန်မလည်း ရောက်စကတော့ သူမကို သိပ်ပြီး ယုံကြည်လို့မရခဲ့ပေ။ သူမဟာ study guide တစ်ယောက်အဖြစ် ကျွန်မတို့နှင့် နေ့နေ့ညည တစ်နှစ်တာလုံးအနီးကပ်ရှိနေမည့်သူဖြစ်သည်။ ဘာသာရပ်တွေကို သင်ယူရာမှာ အခက်အခဲတွေ့လျှင် သူမက လမ်းညွှန်ပြသနိုင်ပေလိမ့်မည်။ အချိန်ဇယားအတိုင်း နေ့စဉ်ပုံမှန် စာစစ်ပေးဦးမည်။ ဒါပေမယ့် ကျွန်မတို့တတွေ ဆရာများ၏အလစ်မှာ တစုံတရာ စည်းကမ်းဖောက်ဖျက်မိလျှင်၊ အပြစ်လုပ်မိလျှင်တော့ အုပ်ချုပ်သူဆရာမကြီးထံ အသိပေး တိုင်ကြားဦးမှာ မဟုတ်လား။

သို့ပေမယ့် ဒီနေရာသို့ရောက်ပြီး ရက်အနည်းငယ်အတွင်းမှာပင် ကျွန်မတို့အားလုံး အသားတကျနေပျော်သွားကြတော့ပြီ။ ရောက်စက ညအိပ်ယာဝင်လျှင် စောင်ခေါင်းမြီးခြုံကာ တိတ်တိတ်ကျိတ်ငိုတတ်ကြသူတွေတောင် ခုတော့ အိပ်ယာထဲမှာ ရေပက်မ၀င်တွတ်ထိုးရင်း တခစ်ခစ် လုပ်နေတတ်ပြန်တာမို့ မက ခဏခဏ သတိပေးရင်း ဟန့်တားခြောက်လှန့်နေရပြီ။ မကို ရောက်စကလောက် မရှိန်တော့သော်လည်း သူ့စကားတော့ နားထောင်မှဖြစ်မည်ဟု အားလုံးက စိတ်ဝမ်းလက်ညီ နားလည်လက်ခံမိနေပြီ။ ကိုယ့်ရဲ့ ဘာသာရပ်ဆိုင်ရာ သင်္ခန်းစာအခက်အခဲများ၊ တစ်ကိုယ်စာလိုအပ်ချက် အသေးအမွှားကလေးများမှသည် နာဖျားမကျန်းကိစ္စအထိ ချက်ချင်းရင်ဖွင့်ပြောပြနိုင်သောသူက မတစ်ယောက်တည်းသာ မဟုတ်လား။ ပြီး လိုအပ်သလို အလေးဂရုပြု ဖြည့်ဆည်းပြုစုတတ်သူကလည်း မပဲဖြစ်နေပြန်ပါသည်။ အုပ်ချုပ်သူဆရာမကြီးနှင့် ဘာသာရပ်သင်ဆရာများကို စကားတစ်ခွန်းတိုက်ရိုက်ပြောဖိုိ့ရန်ကျတော့ ကျွန်မတို့ကျောင်းသူမတွေက နှုတ်နှေးတွန့်ဆုတ်နေကြသေးတာဖြစ်သည်။ လိုအပ်လျှင် မက သူကိုယ်တိုင် သက်ဆိုင်ရာ ဆရာတို့ထံ အသိပေးလေ့ရှိပါသည်။ အခါများစွာကတော့ သူသာတာဝန်ခံကာ လူစေ့တက်စေ့ကို ထောင့်စေ့အောင် တာဝန်ယူပေးတတ်လေ့မြဲ။

မကိုတော့ ကျွန်မတို့တတွေက အချိန်တိုအတွင်းမှာပင် ရင်းနှီးကျွမ်းဝင်နေမိကြတော့တာ။ လိုအပ်တာ၊ လိုချင်တာမှန်သမျှ သူမထံတွင်သာ ရင်ဖွင့်အရေးဆိုနေမိကြတော့တာ။ သူမကလည်း ကျွန်မတို့မိန်းကလေးတွေအားလုံးကို ချော့တစ်ခါ၊ ချောက်တစ်လှည့်ဖြင့် သူလိုရာရောက်အောင် အလျှော့အတင်းညီညီ ကိုင်တွယ်နိုင်သူဖြစ်လေသည်။

********

မက အင်္ဂလိပ်စာ အဓိကဖြင့် ကျောင်းပြီးခဲ့သူဟု သ်ိရပါသည်။ နောက်ဆုံးနှစ်မှာ ကွာလီဖိုင်းတောင် ၀င်ခဲ့သေးသည်တဲ့။

``မကလည်း မဟာဆက်တက်ပြီး တက္ကသိုလ်မှာ ဆရာမပြန်လုပ်ပါတော့လား။

ကိုယ်ဖြစ်စေချင်တာပဲ ဇွတ်တရွတ်ပြောနေမိသော ကျွန်မကို အရိပ်အကဲနားမလည်တတ်သူဟု ကျွန်မ၏ သူငယ်ချင်းမ ဆွေက စွတ်စွဲခဲ့လေသည်။

``ဟိုမှာ မျက်နှာပျက်သွားတာ နင်မတွေ့လိုက်ဘူးလား။ သူလည်း မတက်ချင်ပဲ နေမလား။ အကြောင်းအမျိုးမျိုးကြောင့် ဒီကိုရောက်လာတာ ရှိမှာပေါ့

ကျွန်မသာဆိုလျှင်တော့ ကိုယ်လုပ်ချင်တဲ့အရာကိုသာ နောက်မဆုတ်တမ်း၊ မငဲ့မကွက် လုပ်မှာပင်။ မလွှဲကင်းသာစွာ လုပ်ရသောအလုပ်မျိုးတော့ စိတ်ကို မ၀င်စား။

``ဟဲ့… မိုး။ နင် တယ်ခက်ပါလား။ ဒါ မရှိရင် နင်လုပ်ချင်တာ ဘာမှ လုပ်လို့ မရဘူးဟဲ့

ဆွေက အရန်ကောဟူသည့် အမူအယာအပြည့်ဖြင့် ကျွန်မကို သူငယ်နှပ်စားလိုကြည့်ကာ လက်မနှင့် လက်ညှိုးကလေးကို ကွေးဝိုင်းပြလေသည်။

``မက ဆယ်တန်းတုန်းကလည်း ဂုဏ်ထူးသုံးခုပါခဲ့သေးတာတဲ့။ ဆရာဝန်ဖြစ်ဖို့လည်း စိတ်ကူးယဉ်ခဲ့သေးတယ် ထင်တယ်။ ဒါပေမယ့် သူကတော့ ဆရာဝန်မဖြစ်ချင်ပါဘူးတဲ့။ စာသင်ရတာပဲပျော်တယ်။ ဆရာမပဲဖြစ်ချင်တယ်တဲ့

``စပျစ်သီးချဉ်တယ်ပြောနေတာနေမှာပေါ့ ဟယ်…

တကယ်တမ်းမှာ မတစ်ယောက် ဆရာဝန်ဖြစ်ချင်ခဲ့လျှင်တောင် သူမမှာ မိဘကျောထောက်နောက်ခံ တောင့်တင်းပုံမရပါ။ မတို့အဖေက အစိုးရဌာနတစ်ခုမှ အရာရှိဟောင်းကြီးတစ်ဦးဖြစ်ပြီး လွန်ခဲ့သော နှစ်နှစ်ခန့်ကပင် ကျန်းမာရေးကြောင့်ပင်စင်ယူလိုက်ရသည်ဟု ပြောကြသည်။ အမေကတော့ ကုန်စုံဆိုင်ကလေး ဖွင့်ထားသည်တဲ့။ မောင်လေးက ပထမနှစ် အဝေးသင်တက္ကသိုလ်တက်နေကာ ညီမလေးကတော့ ဒီနှစ် ဆယ်တန်းဖြေရမည်ဟု ဆိုပါသည်။

``မရဲ့ညီမလေးကို ဘာလို့ ဒီမှာ မထားတာလဲ

မကခပ်လျော့လျော့ကလေးပြုံးကာ…

``မတို့အိမ်ကနေ ဒီကို ကျောင်းလာတက်ဖို့က ဝေးလွန်းတယ်။ မောင်လေးကလည်း အလုပ်တစ်ဘက်နဲ့ဆိုတော့ အကြို၊ အပို့လုပ်မပေးနိုင်ဘူးလေ။ အိမ်နဲ့နီးတဲ့ ကျူရှင်တစ်ခုမှာ အချိန်ပိုင်းတက်နေတယ်

``ဟင်…ညလေးတို့လို ကျောင်းအိပ်ကျောင်းစား နေလိုက်ပေါ့

``ဟဲ့…

ဆွေက ကျွန်မကို တံတောင်နှင့်တွတ်ပြန်လေသည်။

``ညီမလေးတို့က အရမ်းကံကောင်းကြတာ။ မိဘတွေက တတ်လည်း တတ်နိုင်ကြတယ်။ သားသမီးတွေကိုလည်း ထူးချွန်စေချင်လို့သာ ဒီကို လာပို့ပေးထားကြတာ။ သူတို့ တာဝန်ကျေတယ်။ ညီမလေးတို့လည်း ကိုယ့်ဘက်က တာဝန်ကျေဖို့ ကြိုးစားကြ ဟုတ်လား။

ဘယ်စကားပဲပြောပြော နောက်ဆုံးတော့ ဒီစကားပဲ။ စာကြိုးစားဖို့သာ ဆိုနေပြန်တာကြောင့် ကျွန်မတို့တတွေ စကားမဆက်ရဲကြတော့။

********

ကျွန်မတို့တတွေ ဈေးထွက်ချင်ပြီဆိုလျှင် မကိုပဲ အပူကပ်ရကောင်းမှန်း သိနေကြပြီ။ ကျွန်မတို့အား ဈေးထွက်ခွင့်၊ အပြင်ထွက်လည်ပတ်ခွင့် လုံးဝခွင့်မပြုပါ။ နံနက်စာ မုန့်စားထွက်ရန် ခဏမျှကိုပင် နီးနီးနားနားမှာပဲ စားစေသည်။ ပြီး မပါမှသာ အပြင်ထွက်လို့ရတာ ဖြစ်ပါသည်။

မက အပြင်ထွက်ရန် ၀ါသနာပါပုံမရ။ တစ်ခါလောက် နားပူနားဆာပြုမိလျှင် အင်းအဲနှင့် နေ့ရွှေ့ညရွှေ့လုပ်နေလေ့ရှိပါသည်။ မအိုက်တင်ခံနေသည်ဟု တချို့က ထင်ကြသည်။

``လိုက်ပို့ပါ မရယ်။ မုန့်ကျွေးမယ်လေ…

ဒါပေမယ့် မက ကျွန်မတို့ကျွေးသောမုန့်ကိုတောင် လွယ်လွယ်နှင့် မစားပါ။ သူမမှ ကျွန်မတို့ကျွေးသောမုန့်ကိုမစားလျှင် စိတ်ဆိုးမှာလို၊ ခုပဲ ငိုချလိုက်တော့မှာလို၊ ညပိုင်းစစ်မည့် ကျက်စာတွေကို မကျက်ပဲ ဆန္ဒပြကြတော့မှာလို…နည်းမျိုးစုံအောင် ၀ိုင်းပြောပြီး ကျွေးကြရလေသည်။

ကျွန်မတို့ထံမှ ကတိအမျိုးမျိုးတောင်းကာ ဈေးသို့ရောက်လျှင်တော့ သူမ..ကျွန်မတို့အားလုံးကို စိတ်ရှည်လက်ရှည်အလိုလိုက်လေ့ရှိပါသည်။ တရားလွန်လာလေမှ နာရီလေး မြှောက့်တကြည့်ကြည့်ပြုကာ…

``ဟေး..ကျုပ်တို့ထွက်လာကြတာ ကြာပြီ။ လက်စသတ်ပြီး ပြန်ကြရအောင်

ကျွန်မတို့ကလည်း စကားတစ်ခွန်းတည်းဖြင့် ပြီးပြတ်သောသူများ မဟုတ်ပေ။ ဟိုဆိုင်ဝင်ဦးမယ်။ ဒီဟာဝယ်ဦးမယ်ဆိုကာ အချိန်ဆွဲတတ်ကြသူများဖြစ်သည်။

``မ..ဒီအင်္ကျီလေး မနဲ့လိုက်တယ်။ ယူပါလား

ပြုံးပြုံးလေးခေါင်းခါလေ့မြဲ။

``ယူလိုက်ပါ။ မီးတို့က မကို လက်ဆောင်ပေးချင်လို့

...ဆိုလျှင်တော့ မျက်နှာထားတင်းတင်းဖြင့်

``အပိုတွေ မလုပ်ကြနဲ့။ လာ..ပြန်ကြမယ်

မ မျက်နှာထားညိုလျှင်တော့ ကျွန်မတို့အားလုံးက လန့်ကြပါသည်။

``ရှင်တို့က မိဘပိုက်ဆံနဲ့ ကျုပ်ကို မျက်နှာလုပ်ချင်ကြတယ်ပေါ့လေ….

အပြန်လမ်းတစ်လျှောက်လုံးမှာ ၀ယ်ချင်တာ၊လိုချင်တာမှန်သမျှ လိုတရနေသော ကျွန်မတို့တတွေ ကံကောင်းကြကြောင်း၊ မိဘတွေကို ကျေးဇူးတင်သင့်ကြောင်း၊ ကျေးဇူးတုံ့ပြန်နိုင်ရန်စာကိုသာ ကြိုးစားသင်ယူသင့်ကြောင်းဖြင့် အပ်ကြောင်းထပ်စကားတွေကို နားအူမတတ် သောတဆင်ကြရတော့ပြီ။

********

ထိုကိစ္စကို ကြားလျှင်ကြားချင်း ကျွန်မတို့တတွေ မယုံကြည်နိုင်ခဲ့ပေ။ မကတော့ မျက်နှာကလေး ညို့ရီရီနှင့် သူမ၏ တာဝန်ဝတ္တရားတွေကို တစ်ချက်ကလေးမှ မလစ်ဟင်း၊ မပျက်ကွက်စေခဲ့ရပါ။ ကျွန်မတို့၏ စာသင်ချိန်တိုင်း စာသင်ခန်းထဲအထိလိုက်ပါပို့ပေးနေမြဲ။ အချိန်ဇယားအတိုင်း စာစစ်ပေးနေလေ့မြဲ။ မရှင်းလင်း၊ မကျေညက်သော သင်ခန်းစာများကိုလည်း စိတ်ရှည်လက်ရှည် ရှင်းလင်းသင်ပြပေးလေ့မြဲ။

``ကျုပ်စိတ်တိုတယ်။ ရှက်စရာသိပ်ကောင်းတာပဲ။ ရှင်တို့ကိုသာမငဲ့ရရင် ခုချက်ချင်း အလုပ်ထွက်ပစ်တယ်

မ ဒီကထွက်သွားမှာကိုတော့ ကျွန်မတို့အားလုံးက လုံးဝ လက်မခံနိုင်ကြပါ။ ကျွန်မတို့အတွက် အရာအားလုံးဟာ မနဲ့သာ အသားကျအဆင်ပြေလှတာ။ မကလွဲလို့ အခြားတစ်ယောက်ကို ကျွန်မတို့ အလိုမရှိကြပေ။

``မ…ဧကရီကိုရော စိတ်ဆိုးနေလားဟင်…

မျက်နှာကလေးငယ်နေရှာသော ဧကရီကိုငေးကာ ခပ်ဖွဖွပြုံးနေပြန်ရင်း…

``ကျုပ်စိတ်တိုနေတာ ရှင်တို့ကိုမဟုတ်ဘူး။ အလကားနေရင်း အမနာပ သတင်းပြန့်ရတဲ့ အဖြစ်ကို။ ပြီး.. ဆရာမကြီးကလည်း မေးမေးမြန်းမြန်းမရှိဘူး။ ကျုပ်ကိုခေါ်တော့ အပြင်က သတင်းကို သူက အပြီးယုံထားပြီးသားဖြစ်နေပြီ။ ဆီးကြိုပြီး အပြစ်တင်တော့တာ

``အဲဒါ ဧကရီ့ကြောင့်…

ငိုမဲ့မဲ့ဖြစ်လာသော ဧကရီကအား ချော့ရပြန်သေးသည်။

ဧကရီက ကျွန်မတို့အားလုံးထဲမှာ အချမ်းသာဆုံး၊ မြို့မျက်နှာဖုံး၏မြေး၊ အောင်မြင်တွင်ကျယ်သော လုပ်ငန်းရှင်ကြီး၏ တစ်ဦးတည်းသော ရှုမငြီးမလေးဖြစ်လေသည်။ ချစ်စဖွယ်အပြုံးချိုကလေးနှင့် စာလည်းတော်ပါသည်။ ဥာဏ်ကောင်းသော ကျောင်းသားကျောင်းသူတွေ ထုံးစံအတိုင်း အပျင်းထူချင်သည်။ အပေါင်းအသင်းလည်း မင်သူဖြစ်ပြန်လေသည်။ ဧကရီ့ကိုဆိုလျှင် ဆရာဆရာမတွေရော၊ ကျောင်းသားကျောင်းသူတွေကပါ နှစ်လိုခင်မင်ကြသည်ချည်းပင်။

ဧကရီသည် မအား ကပ်မခွာတမ်း ချစ်ခင်တွယ်တာသူဖြစ်သေးသည်။ မကတော့ မိန်းကလေး အများကြားမှာ သူ့ကိုပိုတယ်၊ ငါ့ကိုကျပစ်ထားတယ်…စသော ကဂျီဂဂျောင်စကားတွေနှင့် စိတ်ဝမ်းမကွဲရလေအောင် ထိန်းထိန်းသိမ်းသိမ်း၊ မျှမျှတတ ဖေးမဆက်ဆံလေ့မြဲ။ ဒါပေမယ့် ဧကရီက…

`` ဖေဖေ ရန်ကုန်ကအပြန် ဂျေဒိုးနပ်က ၀ယ်လာတာလေ။ မေမေက မဖို့ဆိုပြီး တစ်ဘူး သပ်သပ်ထည့်ပေးလိုက်တယ်။ မ မစားရင် ဧကရီက ဒီအတိုင်း အိမ်ပြန်ပေးလိုက်မှာ

အိမ်က လူကြီးတွေ၏ နာမည်သုံးကာ အကျပ်ကိုင်လာလျှင်တော့ မမှာ ငြင်းပယ်ဖို့ရန် ခက်ခဲရတော့သည်။

``ဧကရီကလေ…ဒီအဆင်လေးကို မနဲ့ ဆင်တူဝတ်ချင်နေတာ ကြာလှပြီ။ မေမေ့ကိုပြောတော့…

``ဧကရီ မကိုချစ်ရင် အဲလိုတန်ဖိုးကြီးတွေ ၀ယ်မလာပေးပါနဲ့။ မ…မယူချင်ဘူး။

``အင်းပါ။ နောက် ၀ယ်ပေးတော့ဘူး။ ခုတစ်ခါတော့ မေမေက ၀ယ်ပေးလိုက်ပြီးနေပြီလေ။ ယူထားလိုက်တော့နော်…နော်။ မမှာရှိတဲ နက်ပြာပြောင်လုံချည်လေးနဲ့ဆို အရမ်းလိုက်မှာ။

ဧကရီမှာ ရည်ရွယ်ရင်း မည်မည်ရရရှိပုံ မပေါ်ပါ။ ဒါပေမယ့် သူမက မအား တွယ်တာလွန်းသည်။ သူငယ်ချင်းတွေအားလုံးကြားမှာ သူ့ကို အနည်းငယ်လောက်ကလေးမျှပိုသာ၍ အရေးပေးစေချင်သည်။ မျက်နှာသာရချင်သည်။ သူမက သူမ၏ မိသားစုမှာလည်း အထွဋ်တင်အရေးပေး မြှောက်စားခံ နေလာခဲ့သူမဟုတ်လား။

``ဧကရီနော်။ နောက်တစ်ခါဆိုရင် မစိတ်ဆိုးတော့မှာ…

နှုတ်ကသာပြောနေသော်လည်း မစိတ်ဆိုးမှာ မဟုတ်တာ ဧကရီသိပါသည်။ မသည် သူမ၏ကျောင်းသူမများအား လိုအပ်လျှင် မျက်နှာအနည်းငယ်တည်တင်း မာကျောထားရုံသာရှိကာ စိတ်ဆိုးခြင်းမရှိပါ။

*************

ကျွန်မတို့တတွေက မုန့်ဖိုးကလေးများ ဆုတ်ဆုတ်ခဲခဲရလာလျှင် တစ်ခုခု ၀ယ်ချင်၊ ချမ်းချင်ခဲ့ကြသည်။ ဒါပေမယ့် အပြင်ထွက်ကာ လည်ပတ်ဝယ်ချမ်းခွင့်က အလွန်အင်မတန် ရှားပါးလွန်လှရာ…

``မပဲ သိမ်းထားပေးပါနော်။ ညလေးတို့တွေ ဈေးထွက်ဖြစ်မှ ပြန်ယူမယ်

မက စာရင်းစာအုပ်ကလေးတစ်ခုကို အများမြင်သာအောင်ပင်ပြုလုပ်ကာ ငွေသိမ်းပေးထားတတ်ပါသည်။ စိတ်လိုလက်ရရှိချိန်တွေမှာ ငွေစာရင်းကို အသံလွင်လွင်ကလေးနှင့် ဖတ်ပြသေးတာ ဖြစ်သည်။ ခုတော့…

``study guide က ကျောင်းသူဆီမှာ ပိုက်ဆံချေးပြီး ပြန်မပေးဘူးတဲ့

ဒီသတင်းက ကျွန်မတို့ဝန်းကျင်မှာ တိတ်တိတ်ကျိပ်ကျိပ်ပျံ့လွှမ်းလာခဲ့ပြီ။ ယောက်ျားလေးစာသင်ဆောင်ဘက်တောင် ရောက်နေပြီမို့ အုပ်ချုပ်သူဆရာမကြီးက မအားခေါ်ယူကာ ပြင်းထန်စွာ သတိပေးလေပြီ။

``မ နော်…ဧကရီ အဲလိုမပြောဘူး

ထိုစကားအဓိပ္ပါယ်သို့ရောက်အောင် ဧကရီပြောခဲ့မှာ မဟုတ်တာ သေချာသလောက်ပါပင်။ ဒါပေမယ့် သူ့အိမ်က …..

``မုန့်ဖိုးသုံးတာ ကြမ်းလှချည်လား။

ဧကရီက ဘာသဘောရယ်မဟုတ်ပဲ အလွယ်ပြောခဲ့လိုက်တာပင်။

``မကို ခဏပေးသုံးထားတယ်

မကလည်း ပထမဆုံးအကြိမ်အဖြစ် အမှန်တကယ် ယူသုံးးဖြစ်သွားခဲ့ပါသည်။ ထိုနေ့က လကုန်ခါနီးပြီမို့ မထံမှာ ငွေကြေးလက်ကျန်ခါလီကျနေချိန်ဖြစ်ပါသည်။

``ကျူရှင်လခက နှစ်လစာတောင် ကြွေးကျန်သေးတယ်တဲ့လေ။ ဒီတစ်လထပ်ပေါင်းရင်သုံးလတောင်ရှိပြီဆိုတော့ ကျူရှင်ဆက်မတက်ချင်တော့ဘူးလုပ်နေတယ်

``မကလည်း လဖြင့် မကုန်သေးပဲနဲ့

``လမကုန်ခင် ကြိုတင်ဝမ်နင်ပေးထားတာပေါ့ဟယ်။ ခုက အဖေရောဂါပြန်ထလာလို့လာပြောတာ။ ညနေ အိမ်ကို ခဏပြန်လိုက်ဦးမယ်။ ခက်တာက အဖေ့ကို ဆေးထိုးပေးဖို့ ငွေမရှိလို့လာပြောတာ။ မလက်ထဲမှာလည်း ငွေမကျန်တော့ဘူး

``မ…ဧကရီပိုက်ဆံထဲက ယူသုံးလိုက်လေ

အဲဒီစဉ်ကတည်းက ဧကရီက အလွယ်တကူပြောသော်လည်း မကတွေတွေဝေေ၀နှင့် ဆုတ်ဆိုင်ဆိုင်းလုပ်နေသေးတာမို့…

``ဟုတ်တယ်မ ။ ယူသာသုံးလိုက်ပါ။ ထပ်လိုရင် ညလေးတို့ အားလုံးအပ်ထားထဲက ထပ်ယူသုံးလို့ရတယ်

ကြံရာမရသော အခြေအနေမို့ မလွှဲကင်းသာစွာ ဧကရီ့ ငွေကို မ..ယူသုံးလိုက်ရတာ ကျွန်မတို့အားလုံး သိနားလည်ပါသည်။

``ဧကရီလေးပိုက်ဆံ မပြန်ထည့်ထားလိုက်ပြီနော်

လခထုတ်ပြီးသည်နှင့် မကဆိုလာလေလျှင်….

``ဟင်…ပြန်မပေးနဲ့ဦးလေ။ ဧကရီဖြင့် ဘာမှ သုံးစရာမရှိပဲနဲ့။

တကယ်တမ်းမှာ မတစ်ယောက် တစ်လလုံး အသုံးအစွဲ ကျပ်တည်းနေတော့မှာကို ကျွန်မတို့ရော…မကိုယ်တိုင်ပါ ကြိုတင်သိနေနှင့်ကြသည်ပင်။

``နော်..။ ယူသုံးထားပါမရယ်။ နောက်လကုန်ကျမှ ညလေးတို့ အပြင်ထွက်ခွင့်ရရင် ပြန်ယူမယ်လေ။

ဒီလ လပတ်စာမေးပွဲမှာ ဧကရီတစ်ယောက် အဆင့်အနည်းငယ်ကျသွားခဲ့တာက ပြဿနာ စတင်လေသည်။ စာမေးပွဲမှာ အဆင့်ကျခဲ့သောအပြစ်နှင့်ဆက်နွယ်ကာ မုန့်ဖိုး အသုံးစွဲကြမ်းသည်ဆိုသော နောက်ဆက်တွဲ ပြစ်မှုတစ်ခု ထပ်တိုးလာတော့သည်။

``အရင်လက ပေးထားတာရော

``မကို အပ်ထားတယ်

``ဧကရီ ညည်းကို မယုံဘူးနော်။ ငါ..ပြန်မေးဦးမယ်

``မေးကြည့်လိုက်။ ခုလောလောဆယ် မ အသုံးလိုလို့ ခဏယူသုံးထားတယ်

ဗူးတစ်ရာမဟုတ်ကြသော ပါးစပ်တစ်ပေါက်တို့သည် တစ်ယောက်ထံမှ တစ်ယောက်နားသို့ ဆင့်ကဲကူးပြောင်းလေလျှင် မူလဖြစ်ရပ်နှင့် လွဲချော်တိမ်းစောင်းလုပြီ။

``ကျွန်မကလေးတွေကို မေးကြည့်လို့ရပါတယ်။ အဲလိုမျိုး လုံးဝမဟုတ်ပါဘူး။ ဒါပေမယ့် နောက်တစ်ခါမဖြစ်ရအောင် ကျွန်မ အတတ်နိုင်ဆုံး ဆင်ခြင်ပါ့မယ်ရှင့်

မျက်နှာရဲရဲ၊ အသားတွေ တဆတ်ဆတ်တုန်ကာ လေသံကတော့ ထန်တင်းနေဆဲ။ သူမငိုမည်ထင်ထားသော်လည်း မျက်ရည်တစ်စက်တောင်မကျခဲ့တာ အံ့သြလျှက် မမေ့နိုင်ခဲ့။

***********

မ၏ စကားအတိုင်းဆိုလျှင်တော့ ကျွန်မတို့တတွေဟာ အမှတ်စက်တစ်ခုမှာ ဆုံစည်းမိခဲ့ကြသော မျဉ်းဖြောင့်လေးတွေပေါ့ ။ ဒါပေမယ့် ဆုံမှတ်ကနေ ပြန်လည်ခွဲဖြာထွက်လာခြဲ့ကသည့်တိုင် ဘယ်တော့မှ ပြန်လည်မကြုံဆုံနိုင်တော့မည့် မျဉ်းဖြောင့်များတော့ မဟုတ်ပါ။

``အပူပင်ကင်းတဲ့ ကလေးလေးဘ၀ကုိ

တစ်ခါပြန်ပြီး ရချင်သေးတယ်….

အပြစ်မသိသေးတဲ့ ကလေးလေးဘ၀ကို

တစ်ခါပြန်ပြီး ရောက်ချင်သေးတယ်

မဆိုညည်းနေကျ ဒီသီချင်းလေးကိုတောင် ကျွန်မတို့တတွေရဲ့ နှုတ်ဖျားမှာပါ စွဲစွဲမြဲမြဲ ဆိုညည်းတတ်နေခဲ့ကြပြီ။ ရှေ့လျှောက်ပြီးတော့လည်း ဒီသီသီချင်းလေး၏ အရသာကို ငြိတွယ်မှန်းမသ်ိ ငြိတွယ်မိရဦးတော့မည် ထင်ပါရဲ့။

တဆိတ်ရှိမျက်ရည်ရွဲ၊ ပုလဲခတတ်ကြသော ကျွန်မတို့အား ချော့မော့ဖေးမကာ အငိုတိတ်စေခဲ့တိုင်းမှာ…

``မကလေ ဘယ်တော့မှ မငိုဘူးကွ။ ညီမလေးတို့လည်း မငိုရပါဘူး

ဒါပေမယ့် အခွင့်သင့်လို့ ကျွန်မတို့တတွေ ပြန်ဆုံခွင့်ရခဲ့လျှင် ကျွန်မတို့၏ စာမေးပွဲအပြီး နောက်ဆုံးနေ့အိမ်အပြန်မှာ ကျွန်မတို့နှင့်အတူ ငိုကျွေးခဲ့သော မ၏မျက်ရည်တွေအကြောင်းကို ပြန်ပြောလျှက် ကြည်နူးခွင့်လေးရချင်မိသေးသည်။ ။

သတိုး

ရွှေကျီးညို သာပါစ....

                ရွှေကျီးညို သာပါစ.... 

                                                                    သတိုး

ဒီနေ့ ဖိုးတီတာတို့အိမ်သို့ ဧည့်သည်များ ရောက်လာကြပါသည်။ ဦးဦးနှစ်ယောက်နှင့် အန်တီလှလှ သုံးယောက်ဖြစ်သည်။ ဖေဖေနှင့်မေမေတို့ ပြောစကားများအရ ရန်ကုန်မှ ရောက်လာကြသော ဧည့်သည်များဟု သိရပါသည်။ ဦးမောင်နှင့် အန်တီမော်တို့ လင်မယားနှစ်ယောက်စလုံးက ဒီမြို့မှာ နေခဲ့ဖူးကြသော ဒီမြို့ဇာတိသားများ ဖြစ်ကြသည်။ ဖေဖေနှင့်ရော မေမေနှင့်ပါ အထက်တန်းကျောင်းသား၊ ကျောင်းသူဘ၀မှာကတည်းက သွားလာမခွဲ တတွဲတွဲရှိခဲ့ဖူးကြသည့် ရင်းနှီးချစ်ကြည်ရဆုံး ငယ်သူငယ်ချင်းဟောင်းတွေလည်း  ဖြစ်ကြသေးသည်။ နောက် ဦးမောင်၏ညီမ အန်တီမြိုင်…။ သူကတော့ ဆယ်တန်းမအောင်ခင် ကတည်းက ရန်ကုန်မှ ဆွေမျိုးတွေထံမှာ သွားရောက်နေနှင့်ခဲ့သူမို့ အနည်းငယ် စိမ်းသက်နေသည်။ အန်တီမြိုင်၏ ခင်ပွန်းနှင့် အန်တီမြိုင့်သူငယ်ချင်းမ အန်တီတို့ကတော့ ဖိုးတီတာတို့မြို့သို့ တစ်ခေါက်မှ မရောက်ဖူးကြသောကြောင့် အလည်သက်သက် လိုက်ပါလာခဲ့ကြသော ရန်ကုန်သူ၊ ရန်ကုန်သားစစ်စစ်များပေ။ 

ပုံမှန်ဆိုလျှင်တော့ မေမေက ဧည့်ကြောက်တတ်သူတစ်ယောက် ဖြစ်ပါသည်။ အထူးသဖြင့် လကုန်ခါနီးရက်တွေမှာ ဧည့်သည်ရောက်လာလျှင် မေမေသည် အားတင်းပြုံးနေလျှက်ကပင် သက်ပြင်းတွေ ခိုးရှိုက်နေတတ်ပြန်သည်။ ပြီး ဟိုဒီပြေးလွှား ချေငှားရင်း တစ်ယောက်တည်း ဗျာများနေတတ်တော့သည်။

ဒီဧည့်သည်တွေကတော့ ဖိုးတီတာတို့အိမ်မှာ ညအိပ်တည်းခိုမနေကြပါ။ သူတို့၏ ဆွေမျိုးရင်းချာတွေလည်း ဒီမြို့လေးမှာ ကျန်ရှိနေဆဲမို့ ဆွေမျိုးတစ်ယောက်၏ အိမ်မှာပဲတည်းကာ ဖိုးတီတာတို့ထံ ခဏငယ်ဝင်ထွက် နှုတ်ဆက်ကြတာဖြစ်သည်။ အချိန်ရသလောက်ကလေးမှာ ဖေဖေ၊ မေမေတို့နှင့် ရှေးဟောင်းနှောင်းဖြစ်ကလေးတွေ စားမြုံ့ပြန်ရင်း ငယ်သွေးကြွနေကြပါ၏။  မေမေက ဖေဖေ့ကို…

``တစ်ခါတစ်လေ လာကြတာ။ ထမင်းတစ်နပ်လောက်တော့ လက်ဆုံးစားကြရအောင်လေ´´

“ကောင်းသားပဲ ဝေရဲ့။ ကိုယ်… ဘယ်ဆိုင်မှာ စီစဉ်လိုက်ရမလဲ”

ဖေဖေ့စကား မမှားပါပဲ မေမေက ဘာကြောင့်မှန်းမသိ၊ မျက်စောင်း အကြီးကြီး ပိတ်ထိုးကာ…

“ကျွန်မ သူငယ်ချင်းကို ကျွန်မကိုယ်တိုင်  စပယ်ရှယ် ချက်ကျွေးမှာ…”

ငွေကုန်ကြေးကျ ပိုမှာ မေမေ.. စိုးရိမ်နေမှန်း ဖေဖေက အစင်းသိနေသူမို့ လှောင်ပြုံးထေ့ထေ့ ပြုနေသည်။

``ဟယ်…ဒုက္ခမရှာပါနဲ့ သူငယ်ချင်းရယ်။ တို့လည်း အဲလောက် အချိန်ရကြတာ မဟုတ်ဘူး ဝေရဲ့။ မဖြစ်မနေ အရေးကြီးကိစ္စ ရှိလို့သာ ရောက်လာကြတာ။´´

``အဲဒါကြောင့် ကျွေးချင်တာပေါ့ မော်ရဲ့။ ရှင်တို့က တစ်နှစ်နေလို့ တစ်ခေါက်တောင် မြို့ကို ပြန်လာနိုင်ကြတာ မဟုတ်ဘူးလေ။ ရောက်တုန်းရောက်ခိုက်လေးမှာ ကိုယ့်သူငယ်ချင်းတွေကို ဒီလောက်ကလေးမှ ဧည့်ဝတ်မကျေရဘူးလား…ကဲ´´

ဖေဖေနှင့် ဦးမောင်တို့ကတော့ ဇနီးသည်တွေ၏ စကားဝိုင်းကို ကိုယ်စီပြုံးလျှက်သာ စောင့်ငေးနေလိုက်ကြပါသည်။

``မိမော်နော်။ ငါ့လက်ရာကို မစားပဲ ပြန်သွားလို့ကတော့ နင့်ကို တစ်သက်အပြတ်ပဲ´´

``ဟောတော်… ကိုမောင်ရေ…။ အဲဒါမှ ရှင့်သူငယ်ချင်း မိဝေအစစ်ပဲ´´

ဦးမောင်ကလည်း ……

``ဝေေ၀တို့ကတော့ ငယ်ကျင့်တွေ ခုထိ မပျောက်သေးဘူးဟေ့´´

…. ဆိုကာ ရယ်ရယ်မောမော သဘောတူလိုက်ကြပါသည်။

*** ** **

ဖိုးတီတာတို့ မောင်နှမကတော့ ဧည့်သည်မျှော်တတ်သူတွေ ဖြစ်လေသည်။ အိမ်မှာ နေ့ရက်အတန်ကြာ ဧည့်သည်အရောက်အပေါက် ကျဲပါးသွားပြီဆိုလျှင်…

``ဧည့်သည်လာရင် ကောင်းမှာပဲကွာ´´

…ဆိုကာ ဧည့်မျှော်တတ်ကြလေသည်။ ဖိုးတီတာတို့အိမ်မှာ ဧည့်သည်ရှိမှ မေမေက ဟင်းကောင်းချက်တတ်တာ မဟုတ်လား။ ပုံမှန်နေ့များဆိုလျှင် အသားလေးပျက်သိကာမျှနှင့် အသီးအရွက်တစ်မျိုးမျိုးရောကာ အရည်များစေ၊ ဆားငန်စေဆိုရမည့် ဟင်းမျိုးတွေနှင့်သာ လွေးရလေ့ရှိတာဖြစ်သည်။

``ဖိုးတီတာ ဟင်းခွက်ကို သိပ်မွှေမနေနဲ့ဟဲ့။ ငါးတွေ ကျေကုန်မယ်´´

``မမပြောတဲ့ အဲဒီငါးကိုပဲ အကောင်လိုက်မြင်ဖူးချင်လို့ ရှာနေတာပါဗျ။ ´´

``ဟီဟီ..ရေငုပ်ဝတ်စုံ ယူဦးမလား´´

မေမေ့ဟင်းမှာ ငါးဟင်းခတ် နည်းပါးလွန်းပြီး အရိုးအရွက်ရောနှောကာ အရည်ဗုံးဗောဖြစ်နေတာကို ဖိုးတီတာတို့မောင်နှမက အတိုင်အဖောက်ညီစွာ ဟာသဖွဲ့နေကြပါသည်။ ဖေဖေက ပြုံးစစ..။ မေမေကတော့ ဖိုးတီတာတို့အား မျက်စောင်းခဲလေပြီ။

``အဲလောက်နဲ့ ဟင်းဖြစ်အောင် ကျွန်တော်မျိုးမ ဘယ်လောက် ဦးနှောက်ခြောက်ခံ စီမံဖန်တီးရတယ်ဆိုတာ ရှင်တို့သိကြရဲ့လား။ တစ်နေ့ တစ်နေ့ ဈေးကို အခေါက်ခေါက်အခါခါ ခြေတိုအောင်ပတ်ပြီး ပါတဲ့ပိုက်ဆံနဲ့ ချင့်ချိန်တွက်ချက်နေရတာ ခေါင်းမွေးတောင် အတော်ဖြူနေပြီ ဟွန်း´´

``ဝေကလည်းကွာ။ ကလေးတွေကို ဘာတွေလျှောက်ပြောနေတာလဲ။´´

``ကလေးတွေကို ပြောတာထက် ရှင့်ကိုပိုသိစေချင်တာ။ ဟင်းမကောင်းရင် ရှင်လည်း မျက်နှာညိုချင်တာပဲ မဟုတ်လား။´´

``ဟာ..ကိုယ်က ဘာတွေပြောနေမ်ိလို့လဲ´´

``အော…ပြောလို့ရောရမလား။ ရှင်အပ်တဲ့ တစ်လ၊ တစ်လ၀င်ငွေကိုလည်း ရှင်ပြန်တွက်ကြည့်ဦးလေ။ ဒါတောင် ကျွန်မ အိမ်က ရေခဲထုတ်ကလေး တွင်တွင်ကျယ်ကျယ် ထုတ်နေရသေးလို့…´´

``ဟာ…နောက်ဆုံးကျတော့ မင်းက ဒီဘူတာဆိုက်တာပဲ´´

ဖေဖေက စားလက်စကို အလျှင်စလို လက်စသတ်ကာ ထမင်းဝိုင်းမှ ထထွက်သွားတော့သည်။ မေမေက တစ်ကိုယ်တည်း တီးတိုးဗြစ်တောက်နေပြန်တာမို့ ဖိုးတီတာတို့မောင်နှမတွေ ငြိမ်ကုတ်ကာ ထမင်းကိုသာ ဟင်းရည်ရွှဲရွဲဆမ်းကာ ငုံ့လွေးနေမိကြတော့သည်။

** ** ***

ဖေဖေနှင့် မေမေက ဧည့်သည်များအား တနင်္ဂနွေနေ့မှာ ထမင်းစားဖိတ်လိုက်ကြပါသည်။ ထိုနေ့က ဖေဖေ့ ရုံးပိတ်ရက်ဖြစ်သလို ဖိုးတီတာတို့မောင်နှမ၏ ကျောင်းပိတ်ရက်လည်း ဖြစ်သောကြောင့်ပင်။

``ညနေပိုင်းမှ အားမယ်ထင်တယ်ဝေရဲ့။ ညစာပဲ ကျွေးပါနော် ´´

``ပြီးရော…။ ရောက်မလာရင် ပြန်လျော်ရမှာနော်။ ကျုပ်က ရှင်တို့တည်းတဲ့အိမ်အထိ လိုက်ရန်တွေ့မှာ´´

``ရှင့်တကယ်လုပ်မှာ ယုံပါတယ် မိဝေရယ်။ ကျုပ်တို့ကလည်း ရောက်အောင်ကို လာဦးမှာ စိတ်ချ။´´

တနင်္ဂနွေနေ့ တစ်နေ့လုံး မေမေတစ်ယောက် ချွေးတလုံးလုံးဖြင့် တစ်နေကုန် ကြော်လှော်ချက်ပြုတ်ရင်း မောရပမ်းရမှန်းပင် မသိတော့ပေ။ 

``ဟား..ပုဇွန်ထုပ်ကြီးတွေ´´

``ဟဲ့ ဧည်သည်တွေဖို့နော်´´

``ဟင်..သားတိုဖို့ကျတော့ရော…´´

``ဧည့်သည်ကျွေးပြီးရင် စားရမှာပေါ့ ဖိုးတီတာရယ်´´

``ဟီး…အခုနည်းနည်းလေးလောက် မြည်းကြည့်ချင်တယ်´´

``ဟဲ့…ဖိုးတီတာနော်…´´

ဖိုးတီတာ မျက်နှာညိုလေလျှင် သူ့မမက လက်တို့ခေါ်ကာချော့လေသည်။ 

``မေမေ မောနေပြီလေ မောင်လေးရဲ့။ ခါတိုင်းလည်း ဧည့်သည်တွေကို ထမင်းဖိတ်ကျွေးနေကျပဲကို။ ဘယ်ဧည့်သည်က အကုန်ပြောင်အောင် စားပစ်ကြတာမို့လဲ။ သူတုိ့ကျန်ရင် တို့မောင်နှမတွေပဲ လက်ကျန်ရှင်းနေကျ မဟုတ်လား။ ဧည့်သည်တွေကိုကျွေးပြီးရင် စားရမှာပေါ့ မောင်လေးရဲ့´´

``ဖိုးတီတာက ခု… နည်းနည်းလောက် မြည်းကြည့်ချင်တာ။ နည်းနည်းလောက်လေးပဲ´´

ဖိုးတီတာသည် အစားမက်သလောက် အကောင်းကြိုက်တတ်သူလေးလည်း ဖြစ်သေးသည်။ သူ့မမက ချော့ချော့မော့မော့ကလေး ပြုံးပြကာ…

``ခဏနေရင် ဧည့်သည်တွေ ရောက်လာကြတော့မှာ။ သူတို့စားပြီးတာနဲ့ မောင်လေးကို ကျွေးမှာ။ အဲဒီအချိန်ကျရင် မမအတွက် ဝေစုထဲကပါ မောင်လေးကို မျှကျွေးဦးမယ်..ဟုတ်လား။

ဖိုးတီတာ မကျေနပ်သော်လည်း ဦးခေါင်းကိုတော့ ညိတ်ပြရလေသည်။

*** *** **

ချက်ပြုတ်ပြီးစီးလို့ မေမေတစ်ယောက် ဟင်းပွဲတွေနေရာချရာတွင် မမလည်း ၀ိုင်းကူပေးနေပါသည်။ အစားတစ်မျိုးသာ အာရုံကျနေသော ဖိုးတီတာကတော့ မြိုင်ဆိုင်ဖွယ်ရာလှသော ဟင်းပွဲများကို မြင်ရလေ သွားရည်ယိုကာ ဗိုက်ထဲက တကျုပ်ကျုပ် မြည်လာလေပင်။ ဧည့်သည်တွေရေ…မြန်မြန်လေး လာကြပါတော့ဗျာ။

ဒါပေမယ့် ည…ခုနှစ်နာရီထိုးသည့်တိုင် ဖိုးတီတာတို့၏ ဧည့်သည်တွေ ရောက်မလာကြသေးပါ။

``မေမေ့ဧည့်သည်တွေက ရောက်လာဦးမှာလား´´

``မလာလို့ဘယ်ဖြစ်မလဲ။ ရောက်အောင်ကိုလာကြမှာ´´

သူ… အပင်ပမ်းခံထားတာလေးတွေ အလဟသဖြစ်သွားမှာကို အနည်းငယ်မက ပူပန်စွာ မေမေက ဖြစ်စေချင်သည့်အတိုင်း ဇွတ်ပြောနေပါသည်။ ဒါပေမယ့် နောက်ထပ်အချိန်တွေ လင့်လာသည့်တိုင် ဧည့်သည်များ၏ အရိပ်အယောင်မျှ မမြင်ရသေး။ 

“ဖုန်းလှမ်းဆက်ကြည့်ပါဦး”

မေမေ သတိတရ ပြောလေမှ ဖုန်းလှမ်းဆက်မိလျှင် ဆက်သွယ်မှုဧရိယာ ပြင်ပသို့ ရောက်ရှိနေပါသည် တဲ့။ အကြိမ်ကြိမ် စိတ်ရှည် လက်ရှည် ဆက်တိုက်ခေါ်လေမှ မြို့အလွန် ငါးမိုင်မှာ ရောက်နေခဲ့တာ သိရတော့သည်။  

“မိမော်… နင်တို့ ပြန်လာမီမှာလား။ ငါတို့ ညနေကတည်းက စောင့်နေတာနော်”

မေမေ့စကားသံ မဆုံးမီ ဖုန်းလိုင်းပြတ်သွားခဲ့ပြီ။

ဦးမောင်တို့၏ အမွေဆိုင်ခြံကြီးက ဖိုးတီတာတို့မြို့၏ အလွန် ငါးမိုင်ခန့်အကွာမှာ ရှိတာဖြစ်သည်။ ထိုခြံကြီးကို ရောင်းချကာ ခွဲဝေယူကြတော့ဖို့ ညီအစ်ကို၊ မောင်နှတွေ စိတ်ဝမ်းလက်ညီရှိခဲ့ကြပြီမို့ ထိုနေ့က သက်ဆိုင်သူအားလုံး မျက်နှာစုံညီ တွေ့ဆုံကြတာ ဖြစ်ပါသည်။

``ဖုန်းလိုင်းတွေက မမိတဲ့နေရာ များနေတယ်ကွယ်။ ခု.. ရ ရချင်း ပြန်ဆက်တာ။ ကိုမောင့် ဆွေမျိုးတွေက ၀ိုင်းဆွဲထားကြတော့ ချက်ချင်း ပြန်လာဖို့က မကောင်းဘူးလေ။ အဲဒါ အပြန် နည်းနည်း နောက်ကျမယ်။ မော်တို့ ရောက်အောင်လာပါ့မယ့်။ ခု.. ပြန်လာဖို့ လုပ်နေပြီ။ ဒါပေမယ့် နောက်ကျမှာမို့ ထမင်းစား စောင့်မနေပါနဲ့တော့။ အရင်စားထားနှင့်လိုက်ပါလို့..´´

မေမေကတော့ မျက်နှာပျက်ချင်နေပြီ။ 

``အဲဒီ မိမော်တို့ဟာ သေချာမှာထားရဲ့နဲ့။´´

``သူတို့လည်း ကိစ္စ၀ိစ္စတွေ မပြီးပြတ်နိုင်လို့ ရှိမှာပေါ့ ဝေရာ။ ပြီးတော့ ဆွေရေးမျိုးရေးကလည်း ရှိသေးတာဆိုတော့ လိုတာရပြီး ချက်ချင်းပြန်ချလာလို့ ရမလား´´

အန်တီမော်က ငယ်ငယ်ကတည်းက ပြည့်စုံကြွယ်ဝသော အသိုင်းအ၀ိုင်းက ဖြစ်သည်။ သည်စဉ်ကတည်းက မချို့တဲ့လှသည်တိုင်၊ မပြည့်စုံရှာသောမေမေ့ အနွံတာကိုခံနိုင်သော မေမေ့အချစ်ဆုံးသူငယ်ချင်း ဖြစ်လေသည်။ မေမေက စာမေးပွဲနီးပြီဆိုလျှင် အန်တီမော်တို့အိမ်မှာပဲ နေ့နေ့ညည သွားနေခဲ့ဖူးတာဖြစ်သည်။ အန်တီမော်တို့ တစ်မိသားစုလုံးက မေမေ့ကို မိသားစုဝင်တစ်ယောက်လိုပင် အန်တီမော်နှင့် တန်းတူထားကာ ချစ်ခင်တွယ်တာခဲ့ကြသည်။ လိုအပ်သမျှ ကူညီဖြည့်ဆည်းပေးခဲ့ကြပါ၏။ အသီးသီး အိမ်ထောင်ကျပြီးကတည်းက တစ်နေရာစီ အနေဝေးသွားခဲ့ကြတာ။ တစ်နှစ်နေလို့တောင် တစ်ကြိမ်ပြန်တွေ့ရန် မလွယ်ကူကြတော့တာမို့ မေမေက ခုလောက် အရေးသယ်၊ အကဲပိုနေတာဖြစ်ပါသည်။ ဖိုးတီတာတို့ မောင်နှမတွေတစ်သက် မြင်ဖူးရုံသာရှိကာ တစ်ကြိမ်တစ်ခါမျှ အရသာ မမြည်းစမ်းဖူးသော ဒေသထွက် ပုဇွန်ထုပ်ကြီးတွေကို စွန့်စွန့်စားစား ၀ယ်ချက်ထားတာသာ ကြည့်တော့။

“မိမော် အကြောင်း ဝေ… ကောင်းကောင်း သိတယ်။ ဝေပြောရင် သူ.. မနေဘူး”

“ငယ်သူငယ်ချင်း အချင်းချင်း ရှားတောင့်ရှားပါး ပြန်တွေ့ရချိန်လေးမှာ တခြား မြော်မြင်မှုတွေ ဆွဲထည့် မပစ်ပါနဲ့ကွာ”

မေမေသည့် ဖေဖေ့စကားကြောင့် ဒေါသမွှန်ကာ မျက်ရည်ပင် လည်လာလျှင် အံ့သြရသေးသည်။

“ရှင်ပြောပုံက မိဝေကပဲ ငယ်သူငယ်ချင်း သံယောဇဉ်ကို ခုတုံးလုပ်၊ ထမင်းတစ်နပ်ရင်းပြီး ယောက်ျားရထူးတိုး ပါမယ့်အရေး မရိုးမသား ကြိုးပမ်းနေသလိုပေါ့လေ”

“ဆောရီး… ဆောရီး ဝေရယ်။ ကိုယ်စကားပြော လောသွားလို့ပါ”

ဖေဖေ… ပြာပြာသလဲ တောင်းပန်နေသည့်တိုင် မေမေ့ စိတ်အနာမှာ ကျိတ်ခဲမပြေနိုင်။

“ဝေတို့လည်း ညီအစ်မအရင်းလို ပေါင်းလာတဲ့ ငယ်သူငယ်ချင်း အရင်းကြီးတွေပါ ကိုရဲ့။ အပူပင်မဲ့ သွားလာနေခဲ့ရတဲ့ ငယ်ဘ၀တွေ အကြောင်း အေးအေးဆေးဆေး စကားလက်ဆုံပြောချင်၊ ကြည်နူးချင်လို့ကို ခုလို… မရှိ၊ ရှိတာ ရှာကြံစီမံထားတာပါ။ ဒါပေမယ့် ကို့ ရာထူးတိုးကိစ္စက တိုင်းရုံးအထိ ကို… လိုက်သွားခဲ့တာ ဘယ်လောက်ကြာနေပြီလဲ။ ခုထိ ဘာမှ လည်း အကြောင်းမထူးသေးဘူး။  တစ်ခုခု အကြောင်း မညီညွတ်တာလား။ ဒါမှ မဟုတ် အန်ကယ်လ် ကိုယ်တိုင်က ကို့ကို ခေါက်ထားတာလား ခုထိ မသေချာဘူးလေ”

“တစ်ခုခု အကြောင်း မညီညွတ်လို့ ဖြစ်မှာပေါ့ကွာ”

“ဘာပဲ ဖြစ်ဖြစ်လေ..။ အခု မိမော် နဲ့ ကြုံတောင့်ကြုံခဲ တွေ့တုန်းလေး အဲဒီစကား ပြောလိုက်မယ်လေ။ ဖုန်းထဲကပြောရင် ခုလောက် ပြည့်စုံဖွယ်ရာအောင် မပြောနိုင်ဘူး ရှင့်။ ပြီးတော့ ဝေတို့အကြောင်းဆိုရင် မိမော်က သူ့အဖေကို ပြန်မပြောပဲ၊ အပူကပ် မပေးပဲ နေမှာ မဟုတ်ဘူး။ သေချာတယ်။ အန်ကယ်လ်ကလည်း ငယ်ငယ်ကတည်းက သူ့သမီး ပြောရင် တစ်ခွန်းပဲ”

အန်တီမော်တို့မှ ဒီညစာ လာမစားလျှင် မေမေစေတနာနှင့် အပင်ပမ်းခံထားမှု အားလုံး သဲထဲရေသွန်သလို အဟောသိကံဖြစ်ရတော့မည်။ အန်တီမော့်ကို တစ်သက်လုံး အနာဟောင်းဖော်ကာ စကားနာထိုးလို့ ဆုံးမှာလည်း မဟုတ်တော့။

``စောင့်မနေတော့ဘူးကွာ။ ရောက်ချင်တဲ့အချိန် ရောက်လာကြပါစေတော့။ တို့ သားအမိ၊ သားအဖတွေ စားထားနှင့်ရအောင်´´

``ဟေး…..´´

ဖေဖေ့အစီအစဉ်ကို ဖိုးတီတာတို့ မောင်နှမကလည်း သဘောတူစွာ တစ်ယောက်မျက်နှာ တစ်ယောက်ကြည့်ကာ မြူးပျော်တက်ကြွ သွားကြရပါသည်။ သို့သော်….

``ဟင်….ပုဇွန်ထုပ် ပန်းကန်ရော…´´

ပုဇွန်ထုပ်ဟင်း တစ်မျိုးတည်းမကပါ။ ငါးသလောက်နှပ်နှင့် ဖေဖေ့အကြိုက် ငြုပ်သီးစပ်စပ် ပုဇွန်ချဉ်သုပ်ပန်းကန်လည်း စားပွဲပေါ်မှာ မရှိတော့။ မေမေသိမ်းလိုက်ပြီ။ ဖိုးတီတာတစ်ယောက် စူပုတ်ရှုံ့မဲ့နေတော့ကာ….

``ဟင့်…. ပုဇွန်ထုပ်ပဲစားချင်တယ်´´

``ဟဲ့….  အဲဒါ ဧည့်သည်တွေ အတွက် ချန်ထားတာဆို´´

``မေမေ့ဧည့်သည်တွေက လာမှာဖြင့် ဟုတ်ပဲနဲ့´´

``မလာလို့ရမလား။ လာမှာပေါ့´´

မေမေက သေချာပိုင်နိုင်စွာ ဆိုနေဆဲ။ ဖေဖေက မနေနိုင်စွာ….

``ကလေး စိတ်ကျေနပ်သွားအောင် နည်နည်းတော့ ကျွေးလိုက်စမ်းပါ မိန်းမရာ´´

``အော်…ကျွေးချင်ပြီလားရှင်ရယ်။ ကျွန်မလည်း မွေးထားတဲ့ အမေပဲ ဥစ္စာ။ ပုဇွန်ထုပ်ဈေးက ရွှေနဲ့စက်ဝယ်ရမတတ် ခေါင်ခိုက်နေတာ ရှင်လည်း သိတာပဲ။ ဧည့်သည်တွေ ကျွေးပြီးကျန်ရင် ကျွန်မ မစားပါဘူ။ ရှင့်သားနဲ့ သမီးကိုပဲကျွေးမှာ စိတ်ချ။ ဖိုးတီတာ…သား အဲလိုရစ်တာ မေမေမကြိုက်ဘူးနော်´´

``အဲဒါဆို ဧည့်သည်တွေ ကျွေးပြီးမှ သားစားတော့မယ်´´

``ဟဲ့…ဧည့်သည်တွေက ဘယ်အချိန်မှ ရောက်မယ်မှန်းမှ မသိတာ။ တော်ကြာအဆာလွန်ပြီး ဗိုက်တွေဘာတွေ အောင့်နေမှာပေါ့ ။ လာ…ခုနည်းနည်းလောက် အဆာခံအောင် စားထားနှင့်´´

``ဟင့်အင်…´´

ဖေဖေက….

``ဝေရယ်….´´

``ကိုနော်။ ရှင်ကပါ ဘယ်လိုဖြစ်နေတာလဲ။ ´´

``နည်းနည်းလောက် စိတ်ကျေနပ်ရုံ ထည့်ကျွေးလိုက်တော့ ဘာဖြစ်သွားမှာမို့လဲ´´

``အော်…ဟင်းပွဲမလှတော့မှာ စိုးလို့ပေါ့။ ပုဇွန်ထုပ်က တစ်ပန်းကန်လှလှရဖို့တောင် မနည်း…။ ဟဲ့….. ဖိုးတီတာ ဘယ်ကိုလဲ´`

ဖိုးတီတာတစ်ယောက် ထမင်းဝိုင်းကို ကျောခိုင်းကာ အ်ိပ်ယာဆီ လှမ်းဝင်ခဲ့လိုက်တော့သည်။

*** **** ***

အန်တီမော်ကတော့ မေမေ့ကို ချော့မော့ တောင်းပန်လို့ မဆုံးနိုင်တော့။ အန်တီမော့်အား ရန်လုပ်နေသော မေမေကတော့ အသံတွေတုန်ကာ မျက်ရည်ပင်ဝဲနေသည်။

``သူတို့အားလုံးကလည်း တစ်ခါတစ်လေ ရောက်တုန်းရောက်ခိုက်ကလေး နေပါဦး။ ထမင်းစားသွားပါဦး တဖွဖွ ၀ိုင်းပြောနေကြတာ။ ကိုမောင့်ဘက်က ဆွေမျိုးဆိုတော့ ငါလည်း ဇွတ်ပြန်လာဖို့ ခက်တယ် ဝေရဲ့။ ခုက အမွေလာခွဲယူတာ ဆိုတော့ ရပြီး ပြန်တာပဲလို့ သူတို့ အထင်လွဲမှာလည်း စိုးရသေးတယ်။ ငါ တောင်းပန်ပါတယ် သူငယ်ချင်းရယ်..´´

အန်တီမော်သည် မေမေစိတ်မကောင်းမှာ၊ စကားနာထိုးကာ ရန်လုပ်မှာတော့ အလွန်ပူပန်စိုးရွံ့နေပုံပင်။ ခရီးရောက်မဆိုက်ပင် မေမေ့ထံ တန်းလာခဲ့တာဖြစ်သည်။ 

``မြိုင်တို့တော့ ပင်ပမ်းပြီး တည်းမယ့်အိမ် တန်းဝင် ကျန်ရစ်ခဲ့ပြီ။ ကိုမောင့်ကိုတောင် ဝေ… စိတ်ဆိုးနေလိမ့်မယ်။ ရှင်….မျက်နှာတော့လိုက်ပြဦး ဆိုပြီး ဇွတ်ဆွဲခေါ်လာတာ´´

“……………”

``မိဝေ။ နောက်တစ်ခေါက်လာတော့မှ ကျွေးပါဟာ…နော်´´

``မကျွေးတော့ဘူး´´

``နင်ကလည်းဟာ။ အော်…ဟဲ့.. ငါမေ့နေတာ။ ဒီမလာခင်လေး ဖေဖေနဲ့ ဖုန်းပြောဖြစ်တော့  ဒီတစ်ခေါက် နင့် ချစ်ချစ်ကြီး အခြေအနေကောင်းတယ် ဆိုပါလား။ အဲကျ… အရာရှိကတော်ဖြစ်မှ နင်… ငါ့ကို မကျွေးပဲ နေလို့ မရပါဘူး မိဝေရာ…ဟား ဟား”

ခုလောက်ရှိလျှင် ဖေဖေရော၊ မေမေပါ အပြုံးချင်း ပြိုင်နေကြမှာ ဖိုးတီတာ မမြင်ရပေမယ့် သိနေပါသည်။

“အယ် …. ဖိုးတီတာ တစ်ယောက်ရော မမြင်ပါလား´´

`အိပ်နေပြီ´ ဆိုသော မေမေ့အဖြေက ခပ်ဆဆ။ အန်တီမော်တို့ ဦးမောင်တို့ ပြန်သွားကြသည့်တိုင် အိပ်ယာထဲမှာ လူးရင်းလွန့်ရင်း စိတ်ကောက်နေသော ဖိုးတီတာကို သူ့မမကလည်း ချော့နေရပါသည်။ ဖေဖေကလည်း…

``ယောက်ျားဆိုတာ စိတ်မကောက်ရဘူးကွ´´

ဖိုးတီတာက ခုမှ လေးတန်းကျောင်းသားပဲ ရှိသေးတာ။ ကလေးပဲဆိုတော့ နည်းနည်းတော့ စိတ်ကောက်လို့မရဘူးလား။ နောက်နှစ် အလယ်တန်းတက်ရင်တော့ ဖိုးတီတာ စိတ်မကောက်တော့ဟု စိတ်ဆုံးဖြတ်လိုက်မိပြီ။ ထိုစဉ် မေမေ အခန်းထဲဝင်လာကာ…

``ကဲ…တို့မိသားစုတွေ ညလည်စာတစ်ထပ် စားလိုက်ကြဦးစို့။ လာ…မေ့သားလေးလည်း ထ…´´

မေမေကိုယ်တိုင် ပွေ့ပိုက်ထူမ လာတော့လေမှ ဖိုးတီတာတစ်ယောက် မူလကျီမျက်နှာကြော နည်းနည်းလျော့လာရတော့ပြီ။

``မေမေ့သားက အစားပုတ်၊ အကောင်းကြိုက်လေးပဲ´´

ခေါင်းပင် မဖော်အားတော့သော ဖိုးတီတာအား မေမေနှင့်ဖေဖေက တပြုံးပြုံးငေးလျှက် ကျေနပ်ကြည်နူး နေကြပါသည်။ ဖိုးတီတာကတော့ ဆီတွေရွှဲနစ်ဝင်းဝါနေသော ပုဇွန်ထုပ်ကွေးကွေးကြီးကို သွားဖုံးမြုတ်မတတ် ကိုက်ဝါးကာ ပလုပ်ပလောင်း အရသာခံနေရင်း အန်တီမော်တို့ကို ခဏခဏ ထမင်းဖိတ်ကျွေးရလျှင် ကောင်းမည်ဟု တွေးနေမိဆဲ ဖြစ်ပါသည်။             ။

                                                                        သတိုး