Wednesday, January 11, 2012

ကြည့်ချင်ပွဲ




ခပ်တည်တည်ပဲ...။
ဦးထုပ်နက်နက် ဆောင်းထားတယ်။
ဝတ်စုံအနက် ထက်အောက်ဆင်ယင်လို့
လူကြီးလူကောင်းစတိုင်လ် အပြည့်ဖမ်းထားတယ်။
လည်တိုင်က လိပ်ပြာပုံ ဖဲပြားဖြူလေးကတော့
ရွဲ့စောင်းနေလေရဲ့
ဒါပေမယ့်
ကြည့်နိုင်မှ မြင်ရလိမ့်မယ်။
မျက်မှန် နှစ်ထပ် တပ်ထားတာလည်း ထူးခြားတယ်။

ခပ်တည်တည်ပဲ...။
ဖြူလွသန့်စင်ထင်ရတဲ့ လက်ကိုင်ပုဝါ တစ်ထည်
ဦးထုပ်နက်အတွင်းထဲ.....
ရွရွကလေး ပစ်ချပြတယ်။
ပြီးတော့...
လက်အိတ်နက် လက်တွေကို လှပစွာ ဝေ့၀ိုက်ပြောင်းနွဲ့ကစားလိုက်တယ်။

ခပ်တည်တည်ပဲ...။
ချောင်းတစ်ချက် ဟန့်တယ်။
"အဟမ်း..."
(လည်ချောင်းထဲမှာ အမြဲတစေ
ခဲကျပ်ပိတ်ဆို့နေပုံ ရတယ်)

ခပ်တည်တည်ပဲ...။
မျက်တောင် မခတ်ကြပါနဲ့။
နားရွက်တောင် မလှုပ်လိုက်မိစေနဲ့။
ဆူညံသံတွေ သော့ပိတ်ပေးပါ။
ကျေးဇူးပြု၍...ငြိမ်ပါ။
ရှုလှည့်ပါ။
မျက်စေ့တစ်မှိတ်၊ လက်ဖျစ်တစ်တွက်အတွင်းမှာ
ပြေးလာထွက်ပျံ
ကောင်းကင်တိမ်ယံထက်မှာ
ငှက်ချိုးရွှေဖြူ ကူလိမ့်နိုး...။

တစ်စက္ကန့်...
တစ်မိနစ်...
တစ်နာရီ...
............
ဟော... တစ်ရာသီ...
.......
...........

ငေးငေးမေ့မေ့
မော့မယ့်သာမော့နေမိကြတာ
တကယ့် ဇာတ်လိုက် က
ဘယ်ဆီရွာရိုး
သဝေထိုးနေသလဲ မသိ။
ခုထိကို....
လက်ခုပ်သံ မကြားရသေးဘူး။       ။

                                   သတိုး

9 comments:

  1. ဒီကဗျာလေးကိုရေးတဲ့ ကဗျာဆရာကိုတော့ လက်ခုပ်တီးပြီး အားပေးခဲ့ပါတယ်ဗျာ။ မျက်လှည့်ဆရာကိုတော့ စင်ပေါ်ကနေဆွဲချရမှာပေါ့။ အပြောကြီးကြီးပြောပြီး မြွေစာရောင်း ပြန်မဲ့လူတွေမို့ပါ။ ငြိမ်းချမ်းရေးဂျိုးဖြူကို တကယ်ဆွဲထုတ်ပြနိုင်မဲ့လူတွေ မဟုတ်ဘူးဗျ။
    ကဗျာလေးအတွက်ကျေးဇူးတင်ပါတယ်ဗျာ။

    ReplyDelete
  2. ကောင်းချက်ဗျာ။

    ReplyDelete
  3. ကြားချင်လှပါပြီ လက်ခုပ်သံတွေ
    တီးချင်လှပါပြီ လက်ခုပ်တွေ


    ကြိုက်တယ် ကိုသတိုးရေ

    ရွှေစင်ဦး

    ReplyDelete
  4. ကြိုက်တယ်ဗျိုး...
    ကဗျာလေးအတွက် Facebook မှာ မေးလ်ပို့ထားပါတယ် ကိုသတိုးရေ...

    ReplyDelete
  5. အရမ်းကောင်းတယ် အစ်ကိုရေ၊ သိပ်သဘောကျမိတယ်။ မျက်လှည့်ဆရာ ပြမယ့် ပွဲက ကြည့်ချင်ပွဲ မှန်ပေမဲ့ သူ လှည့်စားတာကို သိသိနဲ့ လက်ခုပ်တီးဖို့တော့ မဝံ့မရဲ ရှိတုန်းပါဘဲဗျာ။

    ReplyDelete
  6. ကောင်းလိုက်တဲ့ကဗျာ..
    ရွှေချိုးဖြိူ ကူသံကို လူအများမျှော်လင့်နေပါတယ်ဆိုမှ
    ခုထိရောက်မလာသေးတော့ လက်ခုပ်တွေလည်း ဘယ်သူက တီးချင်ပါတော့မလဲ။။။

    ReplyDelete
  7. ကဗျာလေးကို အရမ်း နှစ်သက်မိတယ်။
    ကဗျာလေးဖတ်ပြီး မော သွားမိတယ်။

    ReplyDelete
  8. ဟန်ကြည်January 16, 2012 at 11:36 PM

    ကောင်းလိုက်တဲ့ကဗျာလေးဗျာ...ကိုသတိုးကို ကဗျာရေးလိမ့်မယ်လို့ ထင်မထားမိတာ...၀ထ္ထုတိုရေးလက်က်ိုပဲ အားပေးနေကျဆိုတော့ မျက်စိမှားနေတာကိုး...

    ဖတ်ရင်းတွေးရင်း တွေးရင်းဖတ်ရင်းနဲ့ စဉ်းစားမိတယ်...ဟုတ်ပါရဲ့လေ...ဇာတ်လိုက်က ပျောက်ခြင်းမလှပျောက်နေတာကိုး...

    ReplyDelete
  9. အတွေးတွေတော့များသားဗျ။ ၀တ္ထုတိုချည်းရေးနေတဲ့လက်က မလာတာကြာတော့ ကဗျာတွေပြောင်းရေးနေလို့ နည်းနည်းတောင် အံ့ဩမိသွားတယ်။ ကောင်းပါတယ်ဗျာ။

    ReplyDelete

စိတ်ထဲ ခံစားမိသလို မျှဝေပြောပြခဲ့ပါဦး...။