ကြည့်ချင်ပွဲ

ခပ်တည်တည်ပဲ...။

ဦးထုပ်နက်နက် ဆောင်းထားတယ်။

ဝတ်စုံအနက် ထက်အောက်ဆင်ယင်လို့

လူကြီးလူကောင်းစတိုင်လ် အပြည့်ဖမ်းထားတယ်။

လည်တိုင်က လိပ်ပြာပုံ ဖဲပြားဖြူလေးကတော့

ရွဲ့စောင်းနေလေရဲ့

ဒါပေမယ့်

ကြည့်နိုင်မှ မြင်ရလိမ့်မယ်။

မျက်မှန် နှစ်ထပ် တပ်ထားတာလည်း ထူးခြားတယ်။

ခပ်တည်တည်ပဲ...။

ဖြူလွသန့်စင်ထင်ရတဲ့ လက်ကိုင်ပုဝါ တစ်ထည်

ဦးထုပ်နက်အတွင်းထဲ.....

ရွရွကလေး ပစ်ချပြတယ်။

ပြီးတော့...

လက်အိတ်နက် လက်တွေကို လှပစွာ ဝေ့၀ိုက်ပြောင်းနွဲ့ကစားလိုက်တယ်။

ခပ်တည်တည်ပဲ...။

ချောင်းတစ်ချက် ဟန့်တယ်။

"အဟမ်း..."

(လည်ချောင်းထဲမှာ အမြဲတစေ

ခဲကျပ်ပိတ်ဆို့နေပုံ ရတယ်)

ခပ်တည်တည်ပဲ...။

မျက်တောင် မခတ်ကြပါနဲ့။

နားရွက်တောင် မလှုပ်လိုက်မိစေနဲ့။

ဆူညံသံတွေ သော့ပိတ်ပေးပါ။

ကျေးဇူးပြု၍...ငြိမ်ပါ။

ရှုလှည့်ပါ။

မျက်စေ့တစ်မှိတ်၊ လက်ဖျစ်တစ်တွက်အတွင်းမှာ

ပြေးလာထွက်ပျံ

ကောင်းကင်တိမ်ယံထက်မှာ

ငှက်ချိုးရွှေဖြူ ကူလိမ့်နိုး...။

တစ်စက္ကန့်...

တစ်မိနစ်...

တစ်နာရီ...

............

ဟော... တစ်ရာသီ...

.......

...........

ငေးငေးမေ့မေ့

မော့မယ့်သာမော့နေမိကြတာ

တကယ့် ဇာတ်လိုက် က

ဘယ်ဆီရွာရိုး

သဝေထိုးနေသလဲ မသိ။

ခုထိကို....

လက်ခုပ်သံ မကြားရသေးဘူး။       ။

                                   သတိုး